على مَهلِك ..

11

[6:48 الصباح]
صحيت من نومي وانا حاسه بطاقتي متجددة..
على الرغم من احداث امس الغير العادية
واللي كانت ثقيله اغلب الوقت ولكنّي صحيت بطاقه
جديدة ومنعشه .
حسيت وكأني كل اللي كنت كابته عليه بصدري
الفترة اللي راحت ، اختفى
ارتحت وحاسه بهدوء وسلام داخلي
شعور ماينوصف ابداً ولكنه مريح

ابتسمت بخفه لما فتحت جوالي وشفت حماس آدم
لمعرفة اللي حصل امس ..
ورسالته الصوّتية وهو يصبح علي فيها قبل يداوم
ورابط أغنيه عشان اروّق ، يعرف ذوقي الموسيقي
بطريقه رهيبه !
شغلت الاغنيه باعلى صوت
بينما اتجهت للحمام اسوي روتيني
المُعتاد ، واتجهز للمدرسة .

طلعت من غرفتي بأبتسامة هادية
ماشفت امي كالعاده .. ولكن شفت ابوي
وهو ينتظرني عشان يوصلني
توسعت ابتسامتي
عكس امس ..
على اني كنت حابه اني اروح بنفسي
ولكنه شعور دافئ نوعاً ما !
وافتقدته..

[7:18 صَ]
دخلت للمدرسة
بعد محادثات قصيره مختلفه مع ابوي
رغم اللي حصل امس الا انه للآن فيه حواجز خفيفه
بحكم البعد الطويل اللي حصل بيننا
بس ماني مهتمة كثير ، عارفه الوقت يصلح كل شيء

والزحمة اللي قدام الباب ماكانت تُطاق
سألت احدى الطالبات وجاوبتني
انها اجراءات المديرة .. بنوقع كلنا
ابتسمت بخفه لها
واطلت النظر حول الطالبات ومكان التوقيع
والمعلمة الواقفة ..
والواضح لي .. انه كمية الطالبات المتأخرات
ماخلت للمعلمة عقل تنتبه فيه لاي شيء آخر
سحبت نفسي بهدوء بعيد عن تجمعهم
وركضت للمدرسة بأسرع ماعندي
تهرباً من الزحمة اولاً
ومن اجرائاتهم الضعيفة ثانياً ..

رتبت شعري بخفه وانا متجهة للدرج طالعه لفصلي
ولكني وقفت لوهله لما حسيت بأنامل تمسك كتفي
وكانت هي ، ياصباح الخير !

غرام بأبتسامتها المعتادة : صباح الخير يامتمردة
ضحكت مستغربة : متمردة ؟
غرام وهي تسحبني نطلع للدرج وتكمل تخاطبني :
تحسبي محد منتبه لك ؟ انا متأخره ووقعت بينما اشوفك تهربي مستغلة الزحمة .
ضحكت اكثر : شفتي انا سيئة قد ايش ؟
غرام : ما احب السيئين
كشرت متصنعه الزعل : بس انا مسكينة
غرام : امم ، انا صح قلت ما احب السيئين
بس انتي غير ! سوئك لمصلحتك ومايضر احد وهذا المهم .. يعني قدوتي نوعاً ما
ابتسمت : لو حابه اعطيك كورسات ؟
ضحكت لي : افكر بعدين تأخرنا عن الحصه
روحي فصلك ..
سكتت بينما اشوفها تدخل فصلها وتتركني بمكاني
آوتش ! شفيني بدون عقل
كنت امشي معاها بدون تفكير
لدرجة اننا وصلنا فصلها متناسية فصلي اللي بالجهة الثانية تماماً ..

كملت طريقي متوجهة لفصلي .. من الناحية الإيجابية ؟
عرفت مكان فصلها عالأقل