✨ប្រពន្ធឆ្នាស់💕(Completed)

ភាគទី១ : គំរូប្ដីល្អ

រឿង : ប្រពន្ធឆ្នាស់

ភាគទី១ : គំរូប្ដីល្អ

Top : Wang Yibo ( វ៉ាង អីុបូ )
Bottom : Xiao Zhan ( ស៊ាវ ចាន់ )

Enjoy your reading📖💕

______________________

    01/07/2021......

តិប តិប
           ដំណើរតូចស្រស់របស់ចាន់ដើរចូលមកក្នុងក្រុមហ៊ុនព្រមជាមួយស្នាមញញឹមលេចធ្លោបង្ហាញឡើងនៅលើផ្ទៃមុខសរ ម៉ត់រលោងដូចកូនក្មេងទើបនឹងកើត ក្នុងដៃមានកាន់ចានស្រាក់ដាក់បាយពណ៌សីុជម្ពូរយ៉ាងគួរឲ្យស្រឡាញ់ កំពុងតែដើរសំដៅទៅរកបន្ទប់លោកប្ដីសម្លាញ់ចិត្តប្រម៉ាត់ថ្លើមសួតក្រពះ។

          ស្របពេលដែលដើរកាត់ក្រុមហ៊ុនទាំងមូលសំដៅទៅបន្ទប់អីុបូ ចាន់គឺត្រូវដើរកាត់កន្លែងបុគ្គលិកធ្វើការសិន ទើបអាចដើរទៅដល់។ បុគ្គលិកគ្រប់គ្នាដែលបានក្រឡេកឃើញឬដើរជ្រុសនឹងរាងតូចក៏តែងតែនាំគ្នាបញ្ចេញស្នាមញញឹមនិងការរាក់ទាក់ ថែមជាមួយនិងការសរសើរលើសមត្ថភាពរាងតូចដែលអាចកាច់បំបាក់ចរិតព្រានរបស់ចៅហ្វាយពួកគេបាន ហើយចាន់ក៏មិនភ្លេចញញឹមតបទៅវិញផងដែរ។

         វាគន្លងមកប្រហែល2ខែហើយ ហើយដាវសឺុក៏លែងមករវីរវល់ជាមួយប្ដីរបស់គេដូចគ្នា។ ពេលខ្លះគេក៏គិតដែរថា តើរាល់សកម្មភាពដែលគេធ្វើទៅលើពួកមនុស្សស្រីអស់នោះសមឬមិនសម ចិត្តមួយប្រាប់ថាវាមិនសម តែចិត្តមួយទៀតវាសមណាស់ ព្រោះបើពួកនាងអស់នោះមិនយកខ្លួនមករវល់ជាមួយប្ដីអ្នកដទៃបែបនេះ រឿងក៏វាមិនទៅជាបែបហ្នឹងដែរ ដូច្នេះមកបន្ទោសគេទាំងអស់ក៏មិនបានដែរ។

《 បងថ្លៃ! យកបាយមកឲ្យបងបូមែនទេ? 》អីុជូដែលក្រឡេកឃើញចាន់កំពុងដើរក៏ស្រែកហៅហើយលូកដៃចូលក្នុងហោប៉ៅអាវដើរចូលមកភ្ញាប់ជាមួយស្នាមញញឹម កែវភ្នែកផ្ដោតលើចានស្រាក់ពណ៌សីុជម្ពូរដែលចាន់កាន់

《 មែនហើយ បងយកមកឲ្យបងប្រុសឯង ចុះឯង?ញាំុរួចឬនៅ? បងដាក់មកច្រើនដែរតើស៍ ញាំុជាមួយគ្នាក៏បានដែរ 》ចាន់ឆ្លើយតបទៅអីុជូដោយទឹកមុខរីករាយពេលសំឡឹងមើលចានស្រាក់ដែលនៅនឹងដៃ ដែលខ្លួនខិតខំសម្រឹតសម្រាំងយ៉ាងអស់ថ្វីដៃដើម្បីផ្គាប់ចិត្តលោកប្ដីសម្លាញ់។