✨ប្រពន្ធឆ្នាស់💕(Completed)

ភាគទី១០ : ភាពឈឺចាប់សាំុដែល

រឿង : ប្រពន្ធឆ្នាស់

ភាគទី១០ : ភាពឈឺចាប់សាំុដែល

Enjoy Your Reading 📖🌼

ចូលទៅreact❤albumមួយទៅហី?

_______________________

( ព័ត៌មានក្ដៅៗ ៖ កាលពីពីរថ្ងៃមុននេះ ក្រុមហ៊ុនល្បីល្បាញឈរឈ្មោះលំដាប់ប្រទេសរបស់ត្រកូលវ៉ាងបានបែកធ្លាយរូបភាពឯកសារក្លែងបន្លំភាគរយចំណេញពីដៃគូរួមហ៊ុនកន្លងមក នៅក្នុងនោះផងដែរថែមទាំងបានបែកធ្លាយនូវឯកសារសំខាន់របស់ក្រុមហ៊ុនដៃគូរួមហ៊ុនជាច្រើនទៀតកន្លងមក ធ្វើឲ្យដៃគូរួមហ៊ុនមានការខឹងសម្បារនិងធ្វើផ្ដាច់ការសហការជាមួយក្រុមហ៊ុនត្រកូលវ៉ាង ព្រមទាំងមានការប្ដឹងផ្ដល់គ្នាដល់តុលាការផងដែរ ចំណែកAccountដែលបានធ្វើការបង្ហោះព័ត៌មានទាំងនេះ ក៏មិនបានរកឃើញនៅឡើយទេថាជាអ្នកណាឲ្យប្រាកដ.............. )

    អេក្រង់ទូរទស្សន៍ក៏រលត់ភ្លិបនៅពេលដែលតាន់ទាញតេឡេមកចុចបិទ។ នាងទម្លាក់តេឡេចុះ ស្របពេលដៃម្ខាងទៀតក៏ទម្លាក់ពែងកាហ្វេចុះដូចគ្នា ហើយនាងក៏បែរទៅលើកយកសំណុំឯកសារមួយសាមីមកកាន់មើលទាំងស្នាមញញឹមពិសពុល។ មែនហើយ! ព័ត៌មាននេះនាងជាអ្នកបង្ហោះ ទោះវាមិនមែនជាការពិតទាំងស្រុងក៏ដោយ ក៏ពេលនេះមហាជនទាំងអស់រួមទាំងដៃគូរបស់ក្រុមហ៊ុនត្រកូលវ៉ាងបានយល់ច្រឡំបាត់ហើយ ថាវាជាការពិត ព្រោះពួកគេជឿតែអ្វីដែលបានឃើញ អ្វីដែលល្បី អ្វីដែលមនុស្សច្រើនគិតថាត្រូវ ហើយក៏នាំគ្នាគិតថាវាត្រូវដែរ។ នេះហើយសង្គមរបស់យើងសព្វថ្ងៃ គេផុសអ្វីគេថាអ្វី ក៏ជឿតាមហ្នឹងទាំងមិនបានយកវាមកពិចារណារកហេតុផលឲ្យច្បាស់សិន។

         តាន់បេញញឹមចុងមាត់ងាកមុខសំឡឹងនាយសង្ហារដែលអង្គុយនៅខាងឆ្វេងដៃដែលកំពុងអង្គុយផ្នែកខ្នងនឹងសាឡុងសំឡឹងមើលមកនាងវិញដូចគ្នា។

《 លោកឃើញទេ មិនបាច់ប្រើកម្លាំងច្រើនក៏ខ្ញុំអាចធ្វើរឿងនេះបានដែរ 》តាន់បេនិយាយទាំងមានមោទនភាពហើយទម្លាក់សំណុំឯកសារនោះចុះទៅលើតុព្រមទាំងរុញទៅឲ្យនាយ

《 វាគ្រាន់តែជាជំហានដំបូង ហេតុអីក៏នាងប្រញាប់សប្បាយចិត្តម្ល៉េះ? ចាំពេលដែលការងារសម្រេចជោគជ័យសិនទៅចាំ ចាំមកអង្គុយសប្បាយដោយមិនចាំបាច់ត្រូវមកគិតថាធ្វើអីបន្ត 》នាយកំឡោះពោលម៉ាត់ៗហើយក៏ឱនចុះបន្តិចយកសំណុំឯកសារនោះមកមើល