Can't Marry You Yet (The Edited & Continuation)

Kabanata 3 (Zayd w/ Another Girl)

Nayeli

Kinabukasan, hindi niya nakita si Zayd. Nagtataka siya dahil sa mga oras na ganoon ay nandoon na ang lalake at binibwisit na siya ng mga linyahan nito na hindi niya alam kung saan nito pinagpupulot.

Nilapitan niya si Piper na nang mga oras na iyon ay kakaserve lang ng drinks sa customer.

"Himala hindi yata pumunta ngayon si Sir Zayd" saad niya.

"Uy hinahanap" tukso nito.

"Hindi ah, nagtataka lang ako kasi halos araw-araw nandito 'yon."

"Kapag nandito hindi mo pinapansin ngayong wala rito saka mo hahanapin."

"This girl is making an issue again para tinatanong ko lang eh, sa susunod hindi na kita tatanungin" bumalik siya sa staff room. Sinundan naman siya ni Piper.

"Huwag ka masyadong masungit mawawalan tayo ng customer."

Napaismid siya rito.

Habang walang order ay umupo na muna siya sa staff room. Kanina pa nananakit ang paa niya sa suot na heels. Hindi naman iyon ganoon kataas 3 inch nga lang iyon kung tutuusin pero kapag matagal ka talagang nakatayo at palakad-lakad mananakit talaga iyon. She massage it gently.

Pumasok si Piper.

"Girl, tawag ka ni Sir Jackson" saad nito.

"Huh? Bakit?"

"Baka pagalitan ka sa pagmamaldita mo kay Sir Zayd."

"Hindi naman siguro."

"Sige na puntahan mo na."

"Ikaw na muna bahala sa mga orders ah?"

"Okay."

Kumatok muna siya bago pumasok sa opisina ni Sir Jackson. She caught him looking at his cellphone. She clears her throat.

"Excuse me sir, you asked for me?"

"Ah yes. Have a seat Nayeli" iminuwestro nito ang upuan.

"What do you want to talk about sir? Did I do something wrong?"

"You didn't."

Nakahinga siya ng maluwag. Ito naman kasing si Piper tinakot pa siya.

"Are you okay?"

"I'm okay sir. What is it about sir?"

"It was about next week. I will be out for at least three months I think, not so sure. I will go to Thailand for a seminar. While I'm out I asked Zayd to manage the bar. You know Zayd right?"

Tumango siya. Talagang makikilala niya ito sa sobrang pangungulit nito sa kanya.

"He is my friend. And of course our VIP customer here so I'm thinking if you could assist him while I'm away?"

Hindi niya tuloy alam ang isasagot sa employer. Knowing Zayd baka magsabong lang sila hindi pa man natatapos ang isang buwan.

"He's a little naughty but please bear with him, Nayeli" said her Italian boss.