Can I Not Get Married ?( 可不可以不嫁人 ) [ MM Translation ]

Chapter-26 ဥက္ကဋ္ဌနှင့်အတူ သီးသန့်နေထိုင်ရသည့်နေ့ရက်များ (3)

unicode

ညကအိပ်မပျော်သောကြောင့် တုလိန်စစ် မနက်ကို အလွန်နောက်ကျမှအိပ်ယာနိုးလာခဲ့သည် သူမမျက်လုံးအောက်မှာ ပန်ဒါလို အမည်းကွင်းကြီးရှိ နေခဲ့ပြီး သူမပုံကိုကြည့်ရသည်မှာ အာဟာရချို့တဲ့နေသူနှင့်တူလို့နေသည်

သူမအခန်းပြင်ကိုထွက်လာတဲ့အချိန်မှာ ဆံပင်တွေကဖရိုဖရဲဖြစ်လို့နေပြီး မျက်လုံးတွေကိုပွတ်သပ်ကာ သမ်းဝေလိုက်သည် သူမကသရဲမ နှင့်ပင်တူလို့နေပြီး ရေချိုးခန်းထဲသို့ဝင်သွားတော့သည်

ရေချိုးခနိးထဲမှာ မျက်နှာသစ် သွားတိုက်ပြီးတော့ စောနကလို သရဲမပုံ နှင့်ပင် ရေချိုးခန်းထဲမှထွက်လာသည်

ရုတ်တရက် သူမကိုစိုက်ကြည့်ပြီး တခစ်ခစ်ရယ်လိုက်သံကိုကြားလိုက်ရသည်

" အဲဒီမှာ ဘယ်သူရှိလဲ ? "

သူမဘေးဘယ်ညာ လှည့်ပတ်ရှာလိုက်သည် သူမကိုစိုက်ကြည့်ကာ ပြုံးနေသည့်မျက်ဝန်းတစ်စုံနှင့် အကြည့်ချင်းဆုံသွားသောအခါမှာတော့ သူမရဲ့အိပ်မှုန်စုံမွှားအခြေအနေကနေ လုံးဝ နိုးကြားသွားခဲ့သည်

​ဥက္ကဋ္ဌက ပုံမှန်အိမ်နေရင်း ပေါ့ပေါ့ပါးပါးအဝတ်အစားကိုဝတ်ထားကာ စာကြည့်ခန်းထဲက စားပွဲခုံပေါ်ထိုင်နေသည် သူ့ရှေ့မှာလဲ စာချုပ်စာတမ်းဖိုင်အပုံလိုက်ကြီးရှိနေသည် ပြတင်းပေါက်မှ ဝင်ရောက်လာတဲ့ ရွှေဝါရောင်နေရောင်ခြည်နုနုက ဥက္ကဋ္ဌရဲ့မျက်နှာနှင့် လည်ပင်းပေါ်ဖြာကျနေသဖြင့် နူးညံ့သိမ့်မွေ့သည့်ပုံပေါ်လို့နေသည် ထိုပုံရိပ်လေးမှာ ပန်းချီရေးဆွဲထားသလိုမျိုး အံ့ဩမှင်သက်ဖွယ်ကောင်းလှသည်

တုလိန်စစ် သူကို အကြာကြီးငေးမောကြည့်နေခဲ့သည်

" ဒီကိုလာခဲ့ "

ဥက္ကဋ္ဌက သူမကို လက်ဟန်ဖြင့်ခေါ်လိုက်သည် ထိုသည်မှာ အနှစ်သက်ဆုံးအိမ်မွေးခွေးလေးကို အနားလာစေရန် ခေါ်နေသယောင်...

သူမဦးနှောက်က ဘယ်လိုတုံ့ပြန်လာမလဲဆိုတာမသိရခင် သူမခြေထောက်တွေက ထိုသူ့ဆီ အနည်းငယ်လှမ်းပြီးနေပြီဖြစ်သည်