Can I Not Get Married ?( 可不可以不嫁人 ) [ MM Translation ]

Chapter-22 ကလေးဆိုးနှင့်ဆယ်ရက်ကြာနေထိုင်ခြင်း

Unicode

တကယ်တော့ ကျဲဝူရွှမ်း တစ်ယောက်ထဲရဲ့ အတွေးတွေက ထူးဆန်းနေတာမဟုတ်ဘူး အမျိုးသမီးအများစုရဲ့အတွေးတွေကိုက ထူးခြားဆန်းပြား တက်ကြွ နေတာ .. နေ့လည်စာ စားတဲ့အချိန်မှာတော့ ကောင်တာအသီးသီးက အင်အားစုကြီးစုဝေးပြီး ခေါင်းစဉ်အမျိုးမျိုးရဲ့အကြောင်းအရာတွေကို သူတို့ရဲ့တက်ကြွဆန်းပြားတဲ့အတွေးတွေဖြင့် အားပါးတရဆွေးနွေးနေကြသည်

ပြောကြတာရှိတယ်မလား မိန်းမတစ်ယောက်က ဆွေးနွေးဖို့ ခေါင်းစဉ်တွေသန်းနဲ့ချီပြီးရှိနိုင်တယ် ဒါပေမဲ့ အဲဒီခေါင်းစဉ်ကဘာပဲဖြစ်နေဖြစ်နေ အမျိုးသားတွေဆီပဲဦးတည်နေတယ်ဆိုတာ ငြင်းလို့မရဘူး ခေါင်းစဉ်တွေအားလုံးက နောက်ဆုံးမှာ " ရွှေရောင်လိပ်ယောကျာ်း " *ဆိုတဲ့ခေါင်းစဉ်အောက်မှာအဆုံးသတ်ပေါင်းစည်းသွားတော့တာပဲ

*(တရုတ်မှာက ရွှေရောင်လိပ်ကိုကံကောင်းစေတဲ့အရာလို့သတ်မှတ်ထားတာပါ အဲဒါကိုရရင်ကံကောင်းတယ်လို့အယူရှိကြပါတယ်)

အလှကုန်ပစ္စည်းကောင်တာက အစ်မမေ့ကပြောလာသည်

" မိန်းကလေးတစ်ယောက်က ယောကျာ်းကောင်းတစ်ယောက်နဲ့လက်ကိုလက်ထပ်သင့်တယ် ! ငါ့လိုတော့မဖြစ်စေနဲ့ ငါဆို ဆင်းရဲတဲ့ယောကျာ်းနဲ့ယူမိလိုက်တာ ဒီဘဝမှာတော့ ဒီ mall ထဲက ဆိုင်အသေးလေးမှာပဲ လက်ထောက်အနေနဲ့ဘဝကြီးကိုကုန်ဆုံး ရတော့မယ် !"

" ဟုတ်တယ် ဟုတ်တယ် "
ကျောက်မျက်ရတနာဆိုင်က အစ်မရှောင်ကျိုးကပါဝင်ထောက်ခံလာသည်

" နင်တို့ ငါတို့ဆိုင်မှာ ရတနာတွေခဏခဏလာဝယ်နေတဲ့ မစ္စဝမ်ကို သိလား ? သူ့ယောကျာ်းက XX bank က မန်နေဂျာလို့ကြားတာပဲ သူကတကယ်ကြီးချမ်းသာတာနော် နင်တို့သူ့ရဲ့ ဂုဏ်ယူဝင့်ကြွားပြီးမာနကြီးနေတဲ့အော်ရာတွေကိုတွေ့လား ? တကယ့်ကို အမိုက်စားပဲ !"

လူတိုင်းကစကားဝိုင်းတဲ့ရောက်နေကြတဲ့အချိန်မှာ တုလိန်စစ်ကတော့ တခုခုကမှားယွင်းနေသလို ခံစားနေရသည်

"ရွှေရောင်လိပ်ယောကျာ်းကိုဖမ်းမိတာက တကယ်ကြီးကံကောင်းခြင်းတွေကိုရတာဟုတ်ရဲ့လား ? "