Can I Not Get Married ?( 可不可以不嫁人 ) [ MM Translation ]

Chapter 9 part 1 မတူညီတဲ့ တုလိန်စစ်

Unicode

သူမကော်ဇောနီပေါ်မှာ လျှောက်ဖူးတာ ပထမဆုံးအကြိမ်ဖြစ်တဲ့အတွက်ကြောင့် အနည်းငယ်စိတ်လှုပ်ရှားလို့နေသည် ဒါပေမဲ့ ဒါက ဒုတိယအကြိမ်ပဲ သူမ ဥက္ကဌရဲ့လက်မောင်းကို ကိုင်လိုက်ရတဲ့အချိန်မှာ ပထမဆုံးစိတ်လှုပ်ရှားလို့သွားခဲ့တာ

ဥက္ကဌရဲ့လက်မောင်းကဘာလို့များ အရမ်းမာကျစ်နေရတာလဲ? သူမသူ့လက်ထဲက လွတ်မြောက်ဖို့ဆိုတာ မဖြစ်နိုင်ဘူး တုလိန်စစ် နှစ်မီလီလျှံ တန်ဖိုးရှိတဲ့လက်စွပ်ကြီးအကြောင်း ပြန်တွေးမိတော့ သူမ စိတ်တွေလွတ်ထွက်သွားတော့သည်

အဲဒါရဲ့ရလာဒ်ကတော့ သူမစီးထားတဲ့ဒေါက်မြင့်ဖိနပ်က ခေါက်ပြီးလဲသွားတော့တာပါပဲ

တုလိန်စစ် အနေနဲ့ လူတွေဝိုင်းရယ်ကြတော့မယ်ဆိုတာ သိလိုက်ပြီး သူမဘာမှမတွေးတော့ပဲ မျက်စိပဲစုံမှိတ်လိုက်တော့သည်

အဲဒီအချိန်မှာ သူမရဲ့လက်ကောက်ဝတ်ကို ဥက္ကဌရဲ့သန်မာတဲ့လက်က ဆွဲလို့လာပြီး သူမနဲ့သူက မျက်နှာချင်းဆိုင်အနေအထားဖြစ်လို့သွားကာ သူ့ရဲ့စူးရှတဲ့မျက်လုံးတွေနဲ့ထပ်ပြီးရင်ဆိုင်လိုက်ရသည်

ထိုအခိုက်အတန့်မှာ သူမနဲ့သိပ်ကိုရင်းနှီးတဲ့မြင်ကွင်းတစ်ခုက အတွေးထဲဝင်လာပြီး သူမမျက်နှာတွေပူလို့လာကာ နားရွက်ဖျားတွေပါနီမြန်းလာတော့သည်

သူမ သူ့ရဲ့အကြည့်တွေကနေ ရှောင်ဖို့အတွက် လက်ကိုပြန်ရုန်းလိုက်ပြီး အားလျော့စွာနဲ့ပြောလိုက်သည်

" ကျ..ကျမတောင်းပန်ပါတယ်...ကျွန်မမှာအတွေ့အကြုံမရှိလို့ပါ ဒါ..ဒါက ပထမဆုံးအကြိမ် မင်္ဂလာဆောင်တာဆိုတော့လေ.."

ပထမက အမူအရာကင်းမဲ့နေတဲ့ လျန်ကျွင်းက ရုတ်တရက် နူးညံ့သိမ်မွေ့တဲ့အပြုံးမျိုးပြုံးကာ ပြောလာလေသည်

" မိန်းမ...သတိထားမှပေါ့."

မိန်းမ...!??

နောက်ဆုံးတော့ တုလိန်စစ် အလွန်ကိုအောင်မြင်စွာ လန့်လို့သွားပြီး ဧည့်ခန်းထဲက အမောက်ပါတဲ့တရုတ်ခွေးအမှိုက်ပုံ ပုံစံလုံးဝပြောင်းလို့သွားတော့သည်