لا أصدق أننى عشقت ملكة المافيا

الحلقة 24

فيه رقم اتصل ب إيمى
إيمى: ألو
ليث: إيه يا بنتى انتى كويسة
انتى فين دلوقتى
انا خلاص بلغت عن الخمس شباب
فى إستراحة***
وخلاص هيتقبض عليهم
المهم انتى كويسة
إيمى
يا إيمى ما تردى الله...
إيمى: انت مين إيه ده ليث
عامل أيه
ليث: انت مين لا وحيات امك
انتى فقدتى الذاكرة ولا ضربوكى فى راسك
على حتة حساسة مش فاكرة اى حاجة من اللى حصلت
أكيد ده حصلل
بصى انتى اتصلتى بيا من حوالى ساعة ونص
وقلتيلى ان فيه خمس شباب
حاولوا يتهجموا عليكى انتى وهمس
وهمس تبقى بتشتغل معايا
فى الشركة بتاعتى
وانتى ضربتى اتنين والتالت ضربك على راسك
ضربتيه وهرجتى انتى وهمس
ولقيتى اتنين كمان ضربتى
واحد عشان بيقولك يا قمر وبيقولك
ليلة وبتاع
فضربتيه لحد ما كسرتى عضمه كله
والتانى ضربتيه عشان بيحاول يتهجم تقريبا على همس
وفجأة لقيتى اتنين صحيو من التلاتة اللى انتى ضربتيهم
وجم وحاولوا برضو يضربوكى انتى روحتى مطلعة
همس ومديالها المفتاح
وانتى روحتى مطلعة المسدس
وضربتى كل واحد فى إيده
ما عدا تقريبا واحد ضربتيه
فى رجله وإيده مش فاكر بصراحة
انتى قلتى إيه
بس
افتكرتى حاجة
إيمى: ليث عارف صوت صفير الصراصير
باليل
هوا ده
ليث: يعنى انتى مش فاهمة ولا فاكرة أى حاجة
إيمى: انت متأكد ان انا هحكيلك بكل التفاصيل دى
ليث: انا اللى طلبت انك تحكى بالتفاصيل
عشان البلاغ اللى هقدمه
طب لسة مفتكرتيش
إيمى: لاء خالص
ليث: مش لازم يا ستى تفتكرى معاكى حمزة او سليم او سيف يوسف أى حد فيهم أفهمه
إيمى ادت التلفون لسليم
سليم: ألو
ليث: سليم الشباب اللى اتهجموا على إيمى وهمس
هى بعد ما ضربتهم
اتصلت بيا
وقاتلى كل اللى حصل
وانا بلغت البلاغ وخلاص هيتقبض
عليهم واتقبض خلاص
وانا هكمل كل الإجراءات عن إيمى بما انها مش فاكرة حاجة
سليم: طب كويس انا كنت هشوف الموضوع ده
وهتصرف كويس انك اتصرفت
ليث: تمام انا هقفل بقا وأروح القسم باى
سليم: باى
سليم قفل معاه
وقال: ما شاء الله تحسي كنتى عاملة
حسابك انك مش هتفتكرى
بلغتى ليث عليهم وهوا خلص الموضوع
فى ثوانى ما شاء الله
إيمى: شباب أحلف على إيه ان انا مش فاكرة حاجة
انت بتقول إيه أصلا
انا كنت سامعة ليث ده بيقول
ان انا طلعت المسدس وضربتهم كل واحد فى إيده
وانا عمرى ما بطلع مسدس إلا للضرورة اللى أكتر
كمان من القسوى
داليا مسكتها من ودنها
وقالت: وانتى تمسكى سلاح ليه أصلا
حازم: جت اللى تنسكك من ودانك وقفاكى زى ما بتمسكينا كلنا يااااه
يا تيتا مجتيش من بدرى ليه
إيمى: اسكت يلا هقوم أضربك
تيتا حبيبتى قمرى
سيبينى عشان خطرى
انا معرضة للخطر فى أى وقت من الأوقات
داليا: طب امسكى سلاح بس لكن إيه
بقيت الأسلحة اللى بتحطيها فى جسمك وهدومك
دى
إيمى: ااااه قصدك المشارط دول
وراحت مطلعة المشرط من رجليها من عند الكعب
داليا: ايوة إيه لزمتهم بردو ما كفاية سلاح
إيمى: علفكرة انا شايلة حاجات تانية
أمال: تانى تانى ازاى انتى بتشيليهم فين
إيمى طلعت موس من بقها
وراحت مشمرة كم الجاكيت وطلعت سكينة صغيرة خالص بس حادة جامد
وراحت مطلعة من جيب البنطلون من ورا
بتاعة بتتلبس فى الإيد وبتبقى بكذا سن
(لو لقيت صورة هورهالكوا)
إيمى: قصدك على دول
دول قليلين
كلهم باصين بصدمة
ما عدا حمزة وسليم اللى بيضحكوا
على صدمة الكل
إيمى: انتو باصينلى كدة ليه
يوسف: انا مصدوم من الموس اللى فى بقك
ده انا ك ولد معملتهاش
إيمى: انا عاوزاك انت وسيف تعملوها عشان اى حد يقربلكوا بالموس وفى وشه تشرحوه علطول
سيف: انتى ازاى شايلة كل ده
إيمى: شباب فى لسة حاجات تانية بس قلت مخوفكوش بس
سيف: متخوفناش اومال ده كله إيه
حازم: الواحد مش مصدق انك توطى لرجلك تجيبى
مشرط بالشكل ده
ولا الموس اللى بتخرجيه من بقك
أمال: هوا مش بيعورك يا بنتى
إيمى: لاء اتعودت احطه بالطريقة الصح
داليا: طب افردى موتى حد بالمسدس
وكل الأسلحة دى هتتسببى بمشاكل كتير ليكى
وللناس اللى هتضربيهم
وممكن يموتوا أصلا
افردى عندهم عيال
ازواج هتعملى إيه
إيمى بجدية: تيتا زى ما همس حكيتلى
وليث
استفهمت من الموضوع ده كله ان همس دخلت الحمام واتأخرت وانا روحتلها لقيتهم
بيضربوها وبيعتدوا عليها
وهى مش عارفة تعمل إيه
أكيد مش هقف فى مكانى
اتفرج عليهم
واقولهم براڤو
يابلادينا براڤو
أكيد هساعدها
ومستحيل أتمنى ان تبقى بنت
فى الوضع ده
ومساعدهاش
وموضوع الأسلحة
انا مبطلعش سلاح الا للضرورة القصوى
وبتبقى أكتر من القصوى كمان
واما بضرب بضرب فى أماكن مش هتسبب وفاه
إيد او رجل
وانا اما اتعلمت أمسك السلاح وأضرب
بيه
عرفت كل أنواع نقط الضعف فى الإنسان سواء
ولد او بنت
ف أكيد هضرب فيها
وممكن أضرب ب إيدى مش بسلاح
زى كدة
يوسف كان جمبها مسكته من حتة من قفاه
يوسف: إيه إيه سيبى يا بت الله يحرقك
إيمى: معلش أسفة أسفة
وزى ما قلت أكيد انا طلعت السلاح للضرورة
القصوى
واهو انتى شوفتى بضرب
ب إيدى عادى فى حتة زى اللى فى القفا دى
أكيد كانوا كتير او
ممكن عشان انا اضربت فى راسي
وأكيد صدعت ودوخت
ولقيتهم هيقدروا عليا
او خوفت ليجروا ورانا حتى لو هربنا مثلا
انا مش فاكرة حاجة
ومسكت دماغها
أمال: انا بقول متضغطيش على نفسك
عشان الصداع
إيمى: هوا بصراحة انا مصدعة ودايخة
مفيش مسكن
أسر: مش هينفع عشان عملية القلب
انتى لسة طالعة منها
مينفعش مسكن دلوقتى
عشان ميضعفش اى حاجة فى جسمك
إيمى: صحييح فكرتنى
انت ركبتلى قلب مين يابنى
انا حاسة انك ركبتلى
قلب عمرو دياب هانى شاكر
قلبى بقا رهيف
بعيط علطول تقريبا كلهم اتعودوا
على عياطى المفاجيء ده
رجعلى قلبى
تانى لاء رجعهولى
كنت ببقى باردة
وبستحمل أكتر من كدة
انا بعيط كتيير لييه
رجعلى قلبى التانى ياعم
لاء رجعهولى
أسر: انتى هبلة يا بت
أرجعهولك ازاى معلش
إيمى: شوف طريقة انا زهقت من عياطى يا عم
داليا: على أساس انك كنتى ما بتعيطيش فى اوضتك قبل ما تنامى كل يوم ولا إيه
إيمى: اه كنت بعيط بس دلوقتى
بعيط فى أى وقت فى أى زمان فى أى مكان
ادام اى حد تقريبا
الخزان كتر
فبيفضي
لااااع
انا كنت أقوى من كدة
ياسطاا لااء رجعلى قلبى يلا
يلااا حالااا
حازم ضربها قلم
وقال: فوق يااسطااااا
ضربة دماغك بوظت
عقلك ولا إيه
إيمى: وه انت ضربتنى
حازم جرى ورا أمال
وقال: انجدينى منها
لو مسكتنى فى إيدها....
إيمى: هعمل من فخادك شاورمااااع
داليا مسكتها من ودنها: فى أطفال معانا
إيمى: يااه ده 16 سنة ودى 12
يعنى خلاص كبرو
سيبينى يا ستى لاء
والله ما ينفع التهزيق ده
بتهزقينى يا ستى
وكمان ماسكانى من ودنى
طاااب بحبككك
سيبينى بقاااااع
داليا سابتها وهى بتضحك
داليا: انسانة فصيلة
يوسف بضحك: حصل جامد
سيف: مترجعلهاش قلبها القديم
مكانتش بتضحك وبتهزر كدة
حتى العياط مكنتش
دلوقتى كل حاجة بتعملها
إيمى: انت مبسوط ان انا بعيط كل شوية
اخويا انت
انت اخويا ياسطااا
هه انت
إيمى: صحيح شباب هى همس البنت دى
كانت بتعيط ليه تحسي فى حد هددها او زعقلها
هوا فيه حد فيكوا عمل معاها حاجة
داليا ضربت يوسف على قفاه
داليا: اخوكى البأف ده
إيمى: حسيت من عصبيتك
خليك هادى زى سيف وحمزة وسليم
طالما انا بخير متتعصبش
واهو هى مش مذنبة ولا عملت حاجة
يوسف: انا كنت خايف بصراحة
أمال: هوا بس من خوفه عليكى
زعق ليها
بس احنا هديناه متخافيش
إيمى حطت إيدها
على شعره وفركته
وقالت بضحك: بتخافى عليا يا بطة
كملت بحنية
متخافش انا الحمد لله بخير دلوقتى
وبعد كدة متتعصبش على حد بالطريقة دى
لأنها حتى بنت اشطا
يوسف: حاضر
إيمى: يلا عشان نمشي
أكيد عاوزبن ينامه
حازم: لاء انتى ملحقتيش تقعدى معانا
إيمى: هنقضى يا ولااا معاكوا أسبوع
واحنا عندنا بيتنا قريب من هنا
هنقعد فيه وننام فيه
ونبقى نيجى نقعد معاكوا شوية
متخافش وبعدين
احنا مش عاوزبن ندايقكوا او نزعجكوا
أمال: مستحيل تزعجينا
متقوليش كدة
إيمى: شكرا ليكى جدا
وشكرا ليك يا أسر عشان عالجتنى
وانت بقا هشكرك على إيه
الشتيمة
حازم: علفكرة بقا عمر ما حد بيشتمك أدى ودى حاحة مميزة
إيمى مسكته من قفاه
إيمى: بتقول حاجة
اااه كنت بتقول مميزة
والله
حازم: عاوز أعييش سيبيناااى
إيمى سابته وهى بتضحك
وبعدين مشيو
راحوا على بيتهم اللى كان قريب من بيت أسر
وراحوا كلهم طلعوا
بس إيمى راحت ليوسف
وقالتله: تعالى معايا يا يوسف
يوسف: فيه إيه يا حبيبتى
إيمى: انا عاوزة أروح أطمن على همس
وكمان انت تروح تعتذرليها عشان عيب
انك تتعصب عليها كدة
وانا عارفاك دبش أصلا
ف تلاقى قلت كلام جرحها مثلا خوفها كدة
يوسف: قلتلك من خوفى عليكى والله
إيمى: انا عارفة والله
بس انت شاطر متربى اما بتعمل غلط بتعترف
بغلطك وبتعتذر صح
يوسف: عشانك بس
إيمى نطت عليه باسته بسرعه فى خده
وقالت: بحبك
وراحت جريت على العربية
وهوا راح وراها
وركبوا الإتنين وراحت العنوان اللى همس
قالته
وراحت عند البيت
وخبطت
وفتح شاب
الشاب: مين حضرتك
إيمى: هوا ده بيت همس صح
الشاب: ايوة حضرتك مين صحبتها
إيمى: لاء انا عاوزة اقابلها وأطمن عليها
حد من جوه: مين يا إسلام
إسلام: حد عاوز يشوف همس يا ماما
ثوانى هدخله
اتفضل يا أستاذ
اتفضلى يا أنسة
إيمى دخلت هى ويوسف
وكان فى إستقبالهم
إسلام
وبابا همس
يوسف: السلام عليكم
ابو همس: وعليكم السلام
هوا حضرتكوا مين
إيمى: انا أبقى إيمى اللى قابلت بنتك فى الطريق ووصلتها معايا بس كنت جاية أطمن عليها
همس فى الوقت ده كانت دخلت الاوضة
اللى هما فيها
وكان معاها مامتها وجه اخوها الكبير
إيمى: أنسه همس كنت جاية عشان أطمن
عليكى انتى كويسة دلوقتى
همس ابتسمت ليها
وقالت: والله المفروض أسألك انا السؤال ده
انتى اتخبطى فى راسك وكان فيه جروح
فى إيدك
ف يعنى انتى اللى كويسة
إيمى: هكدب عليكى لو قلت انى كويسة
هوا بصراحة الضربة قصرت على ذاكرتى
ولحد الأن انا فعلا مش فاكرة حاجة
ومصدعة ودايخة
بس حصل خير يعنى المهم انتى كويسة
همس: انا الحمد لله كويسة
طب أجبلك مسكن
إيمى: الدكتور قالى مأخدش أى مسكنات
المهم انك كويسة انا كنت جيت بس عشان أطمن عليكى
مامتها: يعنى هى دى البنت اللى أنقذتك يا همس
همس إبتسمت ليها وقالت: اه يا ماما
مامتها راحت على إيمى
ومسكت إيدها
وقالت: بجد شكرا ليكى اوى
مش عارفة أشكرك ازاى
لولاكى كنا هنضيع وكانوا ممكن يرموها فى الصحراء
واحنا نفضل ندور طول عمرنا عليها
بجد شكرا ليكى
جت تبوس إيد إيمى
إيمى: لا لا لا لاء طبعا انتى عمرك ما توطى وتبوسي إيدى أبدا
انا عمرى ما ألاقى بنت فى الوضع ده ومش أساعدها
كنت لازم أساعدها
إيمى وطت عليها وباست إيدها
وقالت: المفروض انا اللى اوطى
ومتوطيش تانى أزعل منك
وراحت مشاورة بطريقة مضحكة
بصابعها
ماما همس ضحكت
وقالت: ياريت كل الناس زيك يا حبيبتى
تساعد اللى حواليها كدة من غير ما يطلب
وكل الفلوس اللى دفعتيها لحسابها
سواء هدوم وأكل او علاج وكدة
هدفعهالك
إيمى: لاء طبعا انا مستحيل أخد فلوس
انا كدة كدة فى الحالتين كنت هشترى هدوم
وأكل ليا فمفرقتش
أشترى ليها معايا
ف طبعا مستحيل أخد منك اى فلوس
وبردو انا أحب أشكرها
هى بتقولى انها ساقت فى الاخر وساعدتنى
ف شكرا ليها بردو
انا طبعا مش فاكرة أى حاجة
من الحادثة بس
شكرا جدا ليكى يا همس
بصت لماما همس وقالت
وبردو شكرا ليكى
لأنك مربياها كويس ومعلماها
فيه بنات بترضي بالحاجات دى
وهى من اللى اتقالى انها كانت بتحاول تدافع عن نفسها
ودى حاجة حلوة
المهم دلوقتى انك كويسة يا أنسة همس
همس: الحمد لله كويسة والفضل لله وليكى طبعا
إيمى إبتسمت لها
وقالت: انا كنت جاية أطمن عليكى وعشان حاجة تانية بردو
بصت ليوسف
يوسف بص ليها وبعدين بص فى الأرض
وقال: يا أنسة همس حقك عليا انا أسف
ان انا زعقت واتعصبت عليكى
انا بس كنت خايف عليها وأعصابى تعبانة انها اتأخرت
وجاية راسها غرقانة دم بالشكل ده
ف الموضوع يوتر
وانا متوتر وخايف على أختى
ف طلعت عصبيتى فيكى
انا أسف
همس: لاء انا عذراك طبعا
ومتتأسفش ليا
لأن حتى اخواتى بردو كدة
إسلام: ايوة فعلا انا كنت بردو خايف ومتوتر عليها
وعلى العموم عذرينك يعنى
وبردو شكرا ليكوا انتو الإتنين انكوا اعتنيتوا بيها
وشكرا يا أنسة إيمى
لأنك أنقذتيها من الشباب دول
أحمد: ايوة احنا نحب نشكرك
على وقوفك جمبها بالشكل ده
بس هوا الشباب دول عملتى فيهم حاجة او بلغتى عنهم قصدى
إيمى: بصراحة مش فاكرة بس ليث اتصل بيا وقالى
انهم اتقبض عليهم
واما استفهمت منه
قالى ان قبل ما يغمى عليا
اتصلت بيه وقلتله على الشباب وهما فى إستراحة إيه
وهوا عمل بلاغ والخمسة اتقبض عليهم
وهوا حاليا فى القسم معاهم
بيكمل البلاغ
عشان مش فاكرة حاجة
وهمس تعبانة
بس هوا لسة متصل من شوية وقالى
انه الموضوع خلص خلاص والشباب خلاص اتحكم عليهم خلاص يعنى كدة الموضوع خلص
أحمد: طب الحمد لله شكرا ليكى
إيمى: الشكر لله ده واجبى
عن إذنكوا بقا احنا نمشي بقا
بابا همس: يا بنتى اقعدى حتى ارتاحى شوية
إيمى: معلش والله مش هينفع
اخويا وقرايبى سيباهم فى البيت
لوحديهم ف لازم أمشي
وبصراحة مش قادرة أقولك
دماغى هتنفجر من الصداع
بصراحة
بابا همس: معلش يا بنتى ربنا يعينك ويشفيكى
شفاء لا يغادره سقم
إيمى: ايوة والله الواحد محتاج دعاوى من دى
شكرا جدا لزوق حضرتك
عن إذنكوا بقا
وصلوهم عند الباب وإيمى ويوسف ركبوا العربية ومشيو
إسلام: مين القمر دى ما شاء الله هى واخوها حاجة كدة قمر
أحمد: بصراحة اه
حتى أخته المفروض البنت وعى مربوطة بالشكل ده منظرها بيضحك لطن لاء دى عسل جدا
إيه القمر والجمداان ده
همس: شايفة ولادك يا صفاء مطمرتش فيهم التربية أبدا قعدين بيعاكسوا شوفتى
صفاء: شوفت شوفت انت هتذلينى
يلا يا ولاد الجزمة
أحمد: تنكرى انها قمر
صفاء: منكرش طبعا بس انا ربيتك على كدة يا بأف يا كبير يالى لازم بتبقى قدوة
ولا إيه
أحمد بضحك: ولا إيه
إسلام: يا ماما بصراحة الإتنين أجمل من بعض
والا عينهم ما شاء الله إيه الجمال ده
تحسيهم أجانب أصلا
همس بضحك: اما مشيت معاها
وسألتها نفس السؤال
كانت هتحلف على الكراسي ان هى أجانب
من كتر الحلفان
هى مصرية بس كانت عايشة برة
إسلام: يبقى لينسز او عملية تجميل
همس: سألتها وبردو لاء
إسلام: لاء كدة جمدااان
جوزهالى يااابااا
هى مش مرتبطة صح
همس: لاء مش مرتبطة
بقولك إيه يا سولو ده العيلة كلها قمر أصلا
ستها نفس العيون دى
فتقريبا دى وراثة
بس أخوها الكبير عينيه عسلى
بس حليوة بردو
لاء بس اللى كان هنا من شوية
يالهوى جوز عيون قمر شكل قمر
ملامح قمر حاجة قمر كلها على بعضها قمر أصلا
هيييح
إسلام: القمر وقع هيهبهبهيهي
صفاء: محمدددد شوف عيالك الهبل
محمد: خشو يا ولاد الكلب
كل واحد على اوضته يلااااا
إسلام: بتطردنى من الصالة
مكنش العشم يا أبو أحمد أهىء اهىء
صفاء: هجيب عزيزة اللذيذة
أحمد شد إسلام وهمس
وجريوا كلهم
على اوضهم

***

يوسف: حلو كدة
إيمى: انت احلى طبعا
بحبككك هه
يوسف: أكتر يا هبلة
نامى بقا وإرتاحى
لحد ما أوصل يمكن الصداع يروح
إيمى: هحاول
إيمى حاولت تنام بس بالعافية
عشان الصداع والدوخة
بس نامت يعنى
يوسف وصل وركن العربية ولقا مستنيه حمزة وسليم اللى لسة صاحيتن
يتأكدوا انهم وصلوا
يوسف شال إيمى
ودخل بيها وطلعوا ناموا

***

إيمى فتحت عينيها وصحيت
ومسكت راسها
لأنها لسة مصدعة
وقامت لقت الكل مستنيها تحت
إيمى بإستغراب: هوا احنا رايحين فى حتة
يوسف: يادى النسيان قلنا هنقضى مع أسر
أسبوع
إيمى:............ااااااه صحييح
افتكرت
سيف: مفتكرتيش حاجة صح
إيمى بضحك: بصراحة اه
يوسف: طب يلا أسر اتصل بيا وقالى
نيجى وهنفطر سوا
إيمى: ماشي لو تسبقونى انتو وانا هاجى
عشان لسة هلبس
وأخد دش
يمكن الصداع يخف
سيف: انتى لسة تعبانة
لاء طب روحوا انتو
وانا هفضل معاها
إيمى: عادى يا سي....
سيف: خلص الكلام يلا يا شباب
روحوا انتو
كلهم مشيوا
وسيف فضل مع إيمى
وهى طلعت خدت دش
وخرجت
لبست وخلعت الشاش
من على راسها
وجت تغير عليه
مش عارفة
سيف ساعتها دخل
وقال: إستنى انا هساعدك
إيمى: جيت فى وقتك
مش عارفة أعمله خالص
سيف راح وقف جمب السرير
وهى كانت قعدة على السرير
وبدأ يغير على جرحها
ويطهره
سيف: خلصت اهو يا روحى
بالشفا
انتى دلوقتى عاملة إيه
لسة مصدعة
إيمى: لاء صداعى خف شوية
متخافش عليا
اختك جدعة مش هيوقفها صداع
سيف ضحك
وقال: طبعاا اوماال فاكرة لماا...
إيمى: اختك مش جدعة وهيوقفها صداع
فاكرة فاكرة
وراحت ضحكت
سيف ضحك عليها
وقال: يلا هنروح
إيمى: إشطا يا حبيبى يلا
سيف مسك إيدها ونزل على السلم
ولسة هيمشوا
ويخرجوا من الصالة على باب الڤلة
هى وقفت
سيف: مالك يا حبيبتى فيه حاجة فيكى
سيف اتفحص وشها
وقال: فيكى حاجة
متخبيش عليا
إيمى فضلت ساكتة شوية
وراحت حضنته
وخبت وشها فى حضنه
وكانت بتضغط أكتر
وبتحضنه أكتر
وفجأة دموعها نزلت
وقالت: انا أسفة.........

***

ماذا سيحدث؟
توقعاتكوا فى كومنت لطيف زيكوا؟