لا أصدق أننى عشقت ملكة المافيا

الحلقة 25

إيمى دموعها نزلت
وقالت: انا أسفة اور يا سيف
أسفة
سيف حضنها جامد
وطبطب عليها
وقال: يا بنتى أسفة على إيه
بطلى عياط
إيمى: هوا انت زعلان منى طيب
انا عارفة ان بقالى كتير
مش بهتم بيك
انا أسفة
ممكن أكون بهتم ب يوسف ولميس أكتر
منك
انا أسفة
مش قصدى والله
انا أسفة اوعدك
هرجع زى الأول
وهعاملك أحسن
من الأول
وههتم بيكوا انتو التلاتة
بس متكرهنيش بسبب كدة
مستحيل أتخيل
انك ممكن تكرهنى
انا عارفة انك ممكن
تكرهنى
بسبب ان انا بقالى كتير
مش بهتم بيك
انا أسفةةةة
سيف مسك وشها
وقال: بت انتى داخلة دماغك أصلا
حكاية ان انا ممكن أكرهك
ولسبب تافه زى ده
انا مستحيل أكرهك وأزعل منك
وحكاية اهتمام
ف علفكرة انت مش مقصرة معايا
ولا عمرك هتقصرى معايا
انتى اختى حبيبتى
كل عيلتى
اختى وبنتى وأمى
عيلتى كلها
وانا بحبك جدا
وعارف انك بتحبينى
وعمرك ما قصرتى معايا
ولو شايفة انك قصرتى
معايا.ف ياستى
انا مسامحك
خلاص بقا متعيطيش
وروقى كدة
جرا إيه يا زووق
كمل بضحك وهوا بيقلد فيلم نيمو
اتشعبط فى حضنى يا زوق
إيمى ضحكت على طريقته
وهوا بيقلد نيمو
ومسحت دموعها
بضهر إيدها
بطريقة لطيفة
واتشعبطت فى رقبته
وقالت بضحك وبتقلد نيمو: جمييل
سيف بضحك وهوا بيلعب فى مناخيرها
مدهشش
إيمى بضحك: فاكر اما كنت بتفرج علي
نيمو
انا وانت
ويوسف
وانا وبابا كنا بنفضل نقلد
نيمو وأبوه
سيف بضحك: ايوة فاكر
كانت أيام جميلة اوى
وبردو فاكرة ساعت
اما انا وانتى ضحكنا على ماما زينب
وخلناها تجبلنا
حاجات كتير من السوبر ماركت
وبابا عرف وعاقبنا انا وانتى
يالهوى احنا كنا شياطين صغيرة
إيمى: ايوة كان يوم فصيل من أوله
أصلا
سيف باس دماغها
وقال: بطلى عياط بقا ويلا عشان نروح لـ أسر
يا مجنونة قلبى
إيمى: مجنونة انا مجنونة يا سيف
سيف: أحلى مجنونة فى حياتى
وخدها وهى لسة متعلقة فى رقبته
وراح على العربية وهوا اللى سايق
إيمى: بمناسبة نيمو
فاكر الجميلة والوحش
وطرزان
كنا بنفضل نقلد الحتة بتاعت بيل والوحش
ساعت اما هربت من القصر
والذئاب جم عليها وهوا أنقذها فاكر
سيف: ايوة فاكر
سيف قلده
:دى بتوجع
إيمى: لو متحركتش مش هتوجعك
سيف: لو مكنتيش هربتى مكانش ده حصل
إيمى: لو مكنتش رعبتنى مكنتش هربت
سيف:.......ما هو انتى مكنش لازم تروحى الجناح الغربى
إيمى: ما هوا انت المفروض تسيطر على غضبك
والإتنين ضحكوا جامد
سيف بضحك: فاكرة ساعت اما كنت انا وانتى بنقلد
طرزان وكليتون
إيمى بضحك: ايوةةةة فصلاات
سيف بتقليد كليتون: غوريلاات
إيمى بتقليد طرزان: غوريلات
سيف: لا لا لا لا لا
إيمى: لا لا لا لا لا
فضلوا يضحكوا مع بعض شوية
ووصلوا اهو ادام بيت أسر
نزلوا وهما بيضحكوا
ودخلوا
أمال: اتفضلوا اتفضلوا منورين
سيف: البيت منور بصحابه
إيمى: بنورك
إيمى سلمت على الكل هى وسيف
وقعدوا
إيمى: اومال فين حازم صح
أمال: نزل يشترى حاجات
وفطار عشان هتفطروا معانا
إيمى: اااه فهمت
أمال قامت دخلت المطبخ
إيمى: انا هروح أساعدها
داليا: ماشي يا حبيبتى
إيمى دخلت المطبخ
وقالت: تحبى أساعدك
أمال: لاء روحى انتى أسر بيساعدنى
متتعبيش نفسك
إيمى: لاء مفيش تعب ولا حاجة هساعدك
روح انت يا أسر أقعد معاهم برة
وانا هساعدك ماما....مامتك
أسر: والله وعملتى إنجاز الله يسترك
يالهوى هبقى راجل انهاردة
مش ست بيت فى المطبخ بتعمل الأكل
أمال: وهوا انت عشان بتيجى تجيبلى
بصلتين وتقطعهم كدة بقيت ست بيت
أسر: طبعااا اوماال
أستأذن انا بقا
إيمى ضحكت
وأمال بضحك: إذنك معاك
إيمى بدأت تساعد أمال
أمال: انا عاوزة أعرف إيه سر حب عيالى
ليكى انتى واخواتك
هوا إيه اللى حصل
فى انجلترا
اتغيروا اوى
بس مش قصدى اتغيروا للوحش
للأحسن وبالذات حازم
وأسر بردو
أسر كان بيخبى فى نفسه بس حازم
اتغير بقا يضحك زى الأول
وأسر كذالك
إيمى: بصراحة يمكن
مش هما اللى اتغيروا بس
أمال: يعنى انتى كمان اتغيرتى
إيمى: انا... معرفش...يمكن...مش عارفة لاء معرفش..انا متغيرتش
أمال: يمكن بس انتى بتكابرى
ليه بتكابرى
إيمى سكتت ومردتش
وأمال مرضيتش تضغط عليها
ومتكلمتش
وإيمى جهزت معاها الأكل
وخلصو
وحازم جه
من ورا أمال
ولسة هيخضها
أمال: متحاولش
حازم: اااااااااه عرفتى ازااى ان انا وراكى وهخضك
أمال: انا عارفة انك علطول بتعمل كدة انا امك عارفة كل حاجة عنك
اتأخرت كدة ليه بقا كنت فين
حازم بضحك وخبث: مش انتى عارفة كل حاجة
هه مش انتى امى وتعرفى كل حاجة عنى
أمال مسكته من ودنه
وقالت: كنت بتعمل إيه وكنت فين
يا إبن الجذمة
حازم: بتشتمى مامى ليه
إيمى بضحك: حتى وهى بتضربك
بتهزر يا مجنون
أمال بضحك: ده انسان فصيل
حازم: الحق عليا مش بضحكه
إيمى: يلا يلا خد الأكل وهات الأكل اللى انت
جبته عشان نعمله يلا
حازم خرج وهوا بيضحك
ومعاه الأطباق
وحطها على السفرة
وإيمى عملت بقيت الأكل
مع أمال وخرجوا حطوا كلهم وقعدوا ياكلو
قضو اليوم مع بعض
وراحوا كلهم على الڤلة
ونامو كلهم