Sunflower: always long for only one.

_4_Rose girls in glass vases.

ကျမမှာ ဆူးတွေ မရှိပါဘူး။ လေဒဏ်မိုးဒဏ်လည်းခံခဲ့ရပြီး ကောင်းကင်ကြီးအောက်မှာ အကာအကွယ်မရှိပဲ ​ရှင်သန်လာခဲ့တဲ့ ပန်းတစ်ပွင့်ဖြစ်ပါတယ်။ မြေရိုင်းတောမှာ ရိုးရိုးလေးရှင်သန်နေခဲ့ပြီး တစ်ယာက်ထဲကိုပဲ အမြဲ မျက်နှာမူကာ ပွင့်နေမယ့် ပန်းကလေးတစ်ပွင့်သက်သက်ဖြစ်ပါတယ်။

🌻🌻🌻🌻🌻

" အန်တီယု..... "

" ကိုကို.... "

နေကြာက အပြာရောင်တံခါးပေါက်ကလေးကို တွန်းဖွင့်ကာ ပြန်ထူးသံမကြားလည်း ဆက်ဝင်ခဲ့သည်။ ဒီအိမ်က သူမအတွက် တံခါးမရှိ ဓားမရှိ ဖြစ်လာခဲ့ပြီမို့.... သူမကိုယ်တိုင်လည်း သူများအိမ်ထဲကို ဝင်ဖို့ အရင်ကလောက် မကြောက်တော့လို့။

" အမေ့..... "

ခွေးကလေးတစ်ကောင်က သူမအပေါ်ခုံအုပ်တော့ သေးသေးလေးကိုပဲ ရုတ်တရက်မို့ နေကြာက ​မြေကြီးပဲ လဲကျတော့သည်။

" ကိုကိုရေ့..... မီးငယ်ကို ကယ်ပါအုံး "

နေကြာက အော်ငိုတော့မှ ခွေးလေးက နေကြာ့ကို လျှာနဲ့လျက်လိုက် သွားကလေးနဲ့ ဖွဖွငုံလိုက်လုပ်နေတာက ရပ်ကာ အမြီးတယမ်းယမ်းနဲ့ နေကြာငိုနေတာကို ဘေးမှာ ထိုင်ကြည့်နေသည်။

ဝုတ်.... ဝုတ်....

ခြံတံခါးဖွင့်သံကြားတာနဲ့ ခွေးကလေးက အိမ်ရှေ့ကို ပြေးထွက်သွားသည်။

" ဟောတော်..... နေကြာ.... မြေကြီးထဲမှာ ဘာလုပ် "

လင်တစ်ဖက်က အထုပ်တွေဆွဲ တစ်ဖက်က ပန်းတွေကို ပွေ့ဝင်လာတဲ့အန်တီကြီးက နေကြာ့နားရောက်လာတော့မှ....

" ဟောတော်..... ငိုနေတယ် မြေကြီးထဲမှာ.... သမီးထလေ "

ဒန်းစင်ပေါ် အထုပ်တွေပန်းတွေ ပြေးတင်ပြီး နေကြာ့ကို လာထူသည်။

" ဟိုကောင်လေ.... နေသာ.... လာအုံး။ မင်းညီမက ငိုနေတယ်.... ဂျက်နဲ့ ​​ဆော့မနေနဲ့တော့.... "

အမေဖြစ်သူက လှမ်းခေါ်မှ နေသာဦးက မီးအဖြူရောင်နှင့် အနက်ရောင်စပ်ထားသည့် နားရွက်ထောင်ထောင်နဲ့ခွေးကလေးကို ပွေ့ချီကာ ဝင်လာသည်။ အိမ်ထဲရောက်မှာ ငိုနေတဲ့ နေကြာ့ကို မြင်ကာ....