" မင်းတူမလေး အဆိုတော် ဖြစ်နေတယ်ဆို... "
" အေး... ဟုတ်ပ။ မျိုးရိုးလည်း မရှိပဲနဲ့.... သူကိုယ်တိုင်ရေးထားတယ်ဆိုတဲ့ သီချင်းတွေ ယူလာပြီး အဆိုတော်ဖြစ်ချင်တယ်လို့ ပူစာနေတာနဲ့... ငါ စူးနစ်နဲ့ မိတ်ဆက်ပေးလိုက်ရတယ်... "
" စူးနစ်ဆိုတဲ့ကောင်ကွာ.... တကယ်ကို ဒီအချိန်ထိ ရပ်တည်နေနိုင်သေးတာ တကယ် ဆရာကျတာပဲ... "
" ဒါနဲ့ မင်းသိလိုက်လား။ ဟိုတလောက Facebook ပေါ်မှာ နာမည်ကြီးနေတဲ့ အဆိုတော်လေးလေ.... sunflower ဆိုလား.... "
" ဟယ်လီယာဆိုတာလား.... "
" အေး.... အဲ့ကောင်မလေးက ငြိမ်းချမ်းရဲ့သမီးတဲ့... "
" ဟေ... ငြိမ်းချမ်းနဲ့ ဘယ်တုန်းက တွေ့လိုက်တာလဲ "
" December တုန်းကလေ.... ဟို FM ရဲ့နှစ်ပတ်လည်ပွဲမှာ သူ့သမီးက ဖျော်ဖြေတဲ့ထဲပါလို့ လာတာတဲ့.... "
တစ်ချို့ အားလပ်ရက်ဆို ဝတ်ရည်ဦးလေးနဲ့ သူငယ်ချင်းတွေ တွေ့ကာ သောက်ကြ စားကြလေ့ရှိပြီး အိမ်က ဆူညံနေတတ်သည်။ ဝတ်ရည်က နားကြပ်တပ်ထားတာတောင် သူတို့ ပြောနေကြသံတွေက ကြားနေရပြီး... အကြောင်းအရာသည် နေကြာ့အကြောင်း ဖြစ်နေတာမို့ သီချင်းကို ရပ်လိုက်သည်။
" ငါတို့ကိုလည်း အဆက်သွယ်ဖြတ်.... ရန်ကုန်ကို ခြေမချတော့တဲ့ ကောင်က.... သမီးနဲ့ကျမှ ရန်ကုန်ကို ပြန်ရောက်လာတယ်တဲ့လား။ နောက်ပြီး.... သူစွန့်ပစ်ခဲ့တဲ့ ဂီတလောကကို သူ့သမီးက ပြန်ဝင်လာတယ်ပေါ့.... "
" အေး.... ငါလည်း ခဏပဲ စကားပြောခဲ့ရတယ်။ နှင်းဆီ ဆုံးသွားပြီတဲ့.... "
" ဟုတ်လား.... နှင်းဆီက ငြိမ်းချမ်းဆီကို ပြန်သွားလိမ့်မယ် မထင်ခဲ့ဘူး... "
" ငါလည်း မထင်ခဲ့ဘူး.... "
" သူ့ သမီးက မအေတူတာနေမယ်... "
ဦးလေးရဲ့ သူငယ်ချင်းတစ်ယောက်က ခေါင်းယမ်းကာ ရယ်သည်။
" ဖအေတူတာကွ.... "
" ငြိမ်းချမ်းနဲ့လား.... "
" မဟုတ်ဘူး... စူးနစ်နဲ့ "
" ဘယ်လို.... "
" သူ့ချစ်တဲ့လူကိုလည်း လုပြီး.... သူ့သီချင်းတွေကိုလည်း လုထားတဲ့လူတစ်ယောက်ရဲ့ ကလေးကိုလည်း နှင်းဆီမရှိတော့တာတောင် ဆက်ပြီး စောင့်ရှောက်နေအုံးမယ်လို့.... ငါလည်း ထင်မထားဘူး"
YOU ARE READING
Sunflower: always long for only one.
RomanceZawGyi code is below. Sunflower met her sun. And a beautiful love story started. Any character in this story doesn't represent anyone in real life. If there's any resemblance, it's just a coincidence. July 20_ October 28 2021
