နေ့တစ်နေ့ဟာ အမြဲတမ်း ၂၄ရာရီအတိရှိတာပါပဲ။ ပျော်နေခဲ့တာမို့ အချိန်တွေကုန်သွားကို မသိလိုက်တာတဲ့။ ပျော်နေခဲ့တာမို့ အချိန်တွေက ကုန်တာ မြန်တယ်လို့ ထင်နေရတာပါတဲ့။
အဲ့ဒီတုန်းက.... မိုးရာသီ.... ဆောင်းရာသီ တွေကို ကျမပျော်နေခဲ့တာ ထင်ပါတယ်။ ဘဝမှာ အမှတ်တရရှိရနေမယ့် နေ့ရက်တွေဟာ အဲ့ဒီအချိန်တုန်းက နေ့ရက်တွေပါပဲ။ သူဟာ ကျမဆီကို ကံကောင်းခြင်းဆုလာဘ်လိုမျိုး ရောက်ရှိလာခဲ့ပြီး.... ခေါင်းစဥ်တပ်မထားတဲ့ ချစ်ခြင်းမေတ္တာနဲ့ ကျမကို နွေးထွေးစေခဲ့ပါတယ်။
🌻🌻🌻🌻🌻🌻
" နေကြာမွန်.... "
အိမ်ပြန်ချိန် စက်ဘီးသော့ဖွင့်နေတုန်း လူတစ်ယာင် ခေါ်သံကြာင့် နေကြာမော့ကြည့်လိုက်သည်။ တစ်နေရာရာမှာ မြင်ဖူးနေတဲ့ လူတစ်ယောက်ဆိုတာ သိပေမယ့် ဘယ်နေရာမှာ တွေ့ဖူးတာလဲ.... ဘယ်တုန်းကလဲ ခေါင်းထဲမှာ ဘာမှ ရှိမနေတော့ပါ။
" မမှတ်မိပြန်ဘူးလား.... အကိုက ထက်ဝေအောင်လေ.... "
" ဪ..... "
နေကြာက အပြေးအလွှား ကြားဖူးသမျှ နာမည်တွေကို မှန်ဉာဏ်တွေထဲ ပြန်ဖော်ရင်း ထိုလူ့ကို မော့ကြည့်နေမိသည်။ သူ..... ဘာပြောချင်လို့ပါလိမ့်။ ဘာလုပ်ချင်လို့ပါလိမ့်....
" Essay ဒုတိယဆုရတဲ့ တစ်ယောက်လို့ ပြောရင် မှတ်မိပြီလား.... "
" ဟုတ်.... ဘာ ဖြစ်လို့လဲဟင်.... နေကြာ ပြန်တော့မှာမို့.... "
ဆောင်းက ညနေခင်းကို နှေးကွေး ထိုင်းမှိုင်းစေပါသည်။ ကောင်းကင်မှာ မှုံမှိုင်းနေပြီး လေထုက အေးစက်နေပါသည်။ နောက်ပြီး ဒီမြို့ကလေးမို့.... ဆောင်းရာသီတိုင်းဟာ နွေးထွေးမှုကို ပိုပြီး လိုအပ်နေခဲ့ပါသည်။
" ဒီဟာလေး..... ပေးချင်လို့ "
အဝါရောင်ဖျော့ဖျော့မှာ နီညိုရောင်အစင်းလေးတွေပါတဲ့ မာဖလာလေးကို ဂုံနီကြိုးကလေးနဲ့ ချည်ထုံးထားပြီး အပေါ်မှာ စာအိတ်ကလေးလည်း ညှပ်ထားသေးသည်။
" ညီမလေးက အဝါရောင်ကြိုက်တယ်ဆိုလို့.... "
နေကြာကလေ.... အဝါရောင်ကြိုက်တာတဲ့လား။ နေကြာကိုယ်တိုင်တောင် မသိခဲ့ပါ။ ကိုယ့်ကိုယ်ကို ငုံ့ကြည့်မှ ကျောပိုးအိတ်ကလည်း အဝါရောင်။ ဘောပင်အိတ်ကလည်း အဝါရောင်။ သိုးမွေးခေါင်းစွပ်ကလေးကလည်း အဝါရောင်။ ဟုတ်သားပဲ.... နေကြာက အဝါရောင် ကြိုက်တာနေမှာ။ ဒါပေမယ့်....
YOU ARE READING
Sunflower: always long for only one.
RomanceZawGyi code is below. Sunflower met her sun. And a beautiful love story started. Any character in this story doesn't represent anyone in real life. If there's any resemblance, it's just a coincidence. July 20_ October 28 2021