يوميات فتاة قبيحة

بداية العطلة القصيرة

هاي

بعد بارت كئييييييب ومليان حقد
هذا البارت يعتبر كيوت بالنسية للسابق 😂

المهم كملت امتحانااااات اخيرا

طبعا نبدي بأول شي الي هن السعيات
(المواد الي بيهن عملي من 40 والي بدون عملي من 30) نبدي بمادة مادة
1- انكليزي: منطونه سعي اصلا ومسألنه عليه لان تافه.
2- عوامل محفزة: 28/30 (كلة بالغش لان مادة سهلة جدا وشبه تافها).
3- صناعية: 30/40 للاسف ناصية واكيد مراح اجيب امتياز بيها (لان ممتحنت شفهي فنزلت درجتي💔).
هذني الثلاثة الفوك الكتروني امتحناهن

نبدي بالحضوري:

1- عضوية: 40/40 الدكتورة الي تاخذنا بالعضوية لان شافتني اني وصديقتي جبنا درجات زينه بالكورس الاول فنطتنه علامه كامله علمود نجيب امتياز الها (امتحنت وملحكت احل على الوقت واضطريت اسلم واني عندي نقص بسؤال😢).

2- لاعضوية: 37/40 طبعا الدكتور الي ياخذنا بهاي المادة كلش كلش احبه لان محترم ورزين ويفهم المهم انقهرت لان منطي لكم بنيه مستواهن مو زين وانطاهن 38 وطبعا جابنها بالغش، المهم جاب اسئلة نصا من المحاضرات واني غلطت بأغلاط تااافهة 😭😭😭😭😭😭💔.

3- حياتية:34/40 اووووووف من الحيايتة شكد تعبت بيها لان مادة صعببببة والصورة الفوك صورتها من جنت اقرا بيها قبل الامتحانات، السعي انقهرت لان اكو هواي بنات هم مسواهن مو شي وانطاهن سعي اكثر والي يكتل منقصني عل الحضور واني حاضرة كل المحاضرات 😔، بليله الامتحان رحت واني منايمه ولا دقيقه المهم جاب اسئلة سهلة وحليت زين بس اخر خمس دقايق مسحت خيارين صحيحات من سؤال الخيارات واختاريت الخطأ🤦🏻‍♀️.

4- اخيرا الضوئية: 39/40 مادة كيوت بس لان ملزمه كامله مقاريتها اضطريت ابقه طول الليل ادرس والحمد لله جاوبت.

ياااااارب اجيب امتيازات كولي امين

من رحنا نمتحن موووووت حر حرفيا
يعني العراق وشهر السابع انصمطنا صمط
جنت ارجع واني شبه فاقده الوعي اضل كاعده بالمطبخ ربع ساعه ويجيبولي مي وارتاح شويه بعدين راسا بوجهي للحمام وراها انام

جنا حرفيا نجاهد من اجل العلم 😂💔

وعرفت هواي ناس حاقدة علية وانصدمت منهم
حرفيا نظراتهم جانت قاتلة الي
خاصه بيوم امتحان العضويه الي ماخذه بي 40 بالسعي جانوا يباعون بحقد عليه مو طبيعي
اني صراحه مهتميت بس خليت عليهم علامه اكس ببالي
هذا الكورس هواي ناس انعرفت حقيقتها

المهم احنا قبل الامتحانات انطونه عطله مال عيد كضيتها دراسه وعركات ويا ابوية وطبعا هو الي يبدي ....
حرفيا الفتره الراحت مجان عندي وقت احك راسي لا جذب جنت احك راسي 😂
المهم جنت ملتهيا كلش هواي بالدراسه وبحالتي النفسانية الحمد لله عدت على خير