يوميات فتاة قبيحة

جانبي المظلم

"داخل كل شخص اكو جانب مظلم"

جانبي هذا محد يعرف بي لذلك قررت اكتب هنا واعبر عنه..

اول شي اني من عائلة متدينة وهذا احد الاسباب الرئيسية اللي تخليني اخفي جانبي هذا عن كل اللي حولي...

احب المثليين 🏳️‍🌈 واتابعهم (بالسكته) احسهم كيوت كلش واتمنى اتعرف على ناس مثليين بالحياة الواقعية

اختي مره شافتني اقرا روايه هنا بالواتباد للمثليين وكانوا الابطال لاري (من واندايركشن) وضلت ترزل بيه وتحجي وخلتني امسح الواتباد وكامت كل جيه الها للبيت تفتش بتلفوني بحجه تشوف صوري الجديده 😑
بس متبت ورجعت نزلته من جانت مسافرة وكل جية الها للعراق امسحة وافتحه من كوكل 😂💔
لحد اليوم يلا اخذت هذا القرار انه اكتب واشوف الناس تتقبلني لو لا

عندي هوس مدري اضطراب انه الناس لازم تشوفني مثالية ولازم الكل يحبني لذلك اخفي هواي جوانب من شخصيتي وهذا الكتاب خليته علمود اعالج هذا الشي

وبس خلصت افكاري حاليا بخصوص هذا الموضوع (عندي افكار لازم لازم اكتبها بس يحتاجلها بارت خاص).
.....

تكدرون تسألوني أي سؤال هنا واجاوب عليه☺️

مستعدين تعترفون بجانبكم المظلم؟ واذا مستعدين فشنو هو؟
(ادري محد راح يعبرني بس راح اصدك انه عندي متابعين واصدقاء يهتمون ليومياتي😂)
وبس..
 
سلام 👋