هااي امممممم كومة حجي داخلي اريد اطلعه.. المهم تعلمت الكتمان... كمت مافضفض لأحد (قليل كلش) ماكدر اكول ابد لان بعتبار اكذب لان مرات افضفض لصديقه الي.. ...... شلون بدأ... من قبل كل مافضفض لخواتي على مشاكلي ويا ابوية يكولن يلا متعودتي عليه؟ على دراستي يكولن يلا حمدي ربج دتنجحين على مشاكلي بالجامعة يعتبرنها تفاهة ماكدر الومهن لان فرق العمر شوية هواي فأكو فجوه صايرة بينا داحاول قدر الإمكان اقللها. حتى امي جبيرة بالعمر فمن احجي على مشاكلي يمها متحس بوقعهن لان فرق اجيال بينا. اما بالنسبة لصديقاتي من افضفض يمهن الكا يلا نيفين عادي ومرات استهانة بالموضوع الي ضايجة منه عدا صديقة وحدة بس مافضفض يمها هواي اله اذا جان موضوع هي تفهمه فصراحة هيج سوالف خلني اخذ موقف... كمت ماحجي لأحد عن الي بداخلي من اضوج ويعرفن اني ضايجة اكوللهن عادي هرمونات هاي وهيج شي من جهة فادني الكتمان ومن جهة آذاني.. الي فادني انه راح شعور الندم الي جنت احسه من افضفض لشهد والكا منه استهانه بالموضوع و محد كدر يعيرني بشي اني كلته او حسيته والي آذاني انه شعور الكتم ياكل بالكلب اكل، يخليني اصرخ داخل عقلي، يخليني افقد حيويتي يوم عن يوم، خلا الناس بكل ثقة يكولون اي بعد نيفين متعرفوها بدن احساس! اتس اوكي اليوم هو اول يوم دوام للمرحلة الرابعة كورس ثاني استلمت النتيجة طبعا بالامتحانات كلش صخمت وزفتت كلشششش عدنا مادة كومة قريييتها كومة وكعدت اشرحها لصديقاتي وبالامتحان عقلي فرغ وضليت صافنه ماعرف احل المهم كتبت توقعاتي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
والي اجت انه انكليزي امتياز المشروع امتياز التشخيص امتياز منطق بحث جيد جدا الهرمونات جيد جدا فصل جيد جدا نفط جيد تحليل الي متوسط كم متوسط اتقدير النهائي اجه جيد جدا ..... اني صح جنت متوقعه متوسط تجيني بس وقعها ثكيل من تصير صدك كلش ثكيل بالنسبة لمستواية الدراسي صديقتي ضلت تبجي على نتيجتها وكالعادة نيفين كتمت الي بداخلها وضوجتها وكعدت تواسيها شكد مرات اصفن على روحي من اني بنص المشاكل واكعد اواسي الناس وتالي بس افضفض محد يسمعني لو الي يسمعني يتستهزء وتالي يكولون بدون احساس اليوم كتمت شعور الالم (جانت بطني تأذيني كلش) وكتمت شعور القهر من النتيجة وواسيتها وتالي تكولي "اني مو مثلج اني لان حريصة فمقهورة ودابجي" اوكي زين اني قابل ممقهورة عل روحي؟ يعني اذا كتمت البجية اصير بدون احساس؟ وموحريصة؟ تالي طكت بطني كتلها مدتحسين بالي بيه علمود هيج تحجين وتجاوبني تكولي لتضوجين من اكول عليج بدون احساس ترا جنت اشاقة ماقصدها.. وهي كالتها من جانت بعز بجيها يعني اكيد طالعة من كلبها ......... المهم شافني الدكتور الي احبه وسألنا عل النتائج لان شافها تبجي من عرف عندي متوسط بمادتين انصدم وانطاني نظرة وكال موزينه ليش النظرة قهرة بحالها خاصه اذا جانت منه هو بالذات بحيث سكتت وضليت ساكته ماعرف شحجي بس بداخلي الاصوات والصريخ صوت يكولي ابجي وصوت يكولي ديري بالج تبجين وصوت يكولي عوفي كلشي وروحي كعدي وحدج وصوت يكولي لتصيرين ضعيفة وتحملي وصوت يكولي محد يحس ترا وصوت يكولي انهاري وواحد يكولي انتي قويه وصوت يكولي الله موجود جنت اواسيها وهذا كله بداخل عقلي دائما هيج تقهرني ومتحس بيه ابد ابددددد اذا اخذت درجة زينه واني موزينه تفرح وتكولي يلا عادي بس اذا اني زينه وهي لا ميصير عادي ابد هاي مو اول مرا دائماااا هيج الوم كله عليه اليوم كاعدات البنات كتلهن تخيلو عندي متوسط ٢ هي من يمها تكول باع نيفين شتحجي اني عندي جيد اضرب .. خو اذا هي درجتها ناصية واني عاليه مستحيل تكولي مبروك المشروع كله عليه صار كتابه وبحث ومعقدات تالي من الدكتور سأل وهي ساكته اضطريت اجاوب وجان جوابي خطأ وطلعت تبجي ومقهورة مني لان جاوبت غلط ،زين هي مو ضلت صافنه؟ مو يحقلي اني هم اتعارك؟ لا هي كالعادة ضلت تبجي وتعاي نيفين روحي واسي وفوكاها خلتني بموقف زباله كدام اكثر دكتورة اني اكرها وهذيج المرا كتلها الشي الصار بهذاك اليوم لتعيدي لان ضجت ضلت تضحك وتكولي اي مو اني جنت ضايجة وطلعت الحركه بيج ... وكووومه مواقف غيرها وغيرها وغيرها يخوفي ماتحمل واعوفها حالها حال السابقات لان دتتحول وتصير مثلهن من ورا هذا وكومه مواقف ويا صرت هيج عبالي بالكتمان راح ارتاح بس طلع يأذي اكثرر بهواي ماعرف المن اروح واحجي وماريد اروح لصديقتي الي افضفضلها مرات وتتفهم لان ماريد احجي عليها وانطي بيها كدام احد ابد خاصه هن وحدة تغار من الثانيه وثنينهن يكولن متحسين بينا اني هم اغار ترا وتشب نار بيه من اشوفهن طالعات ويا غيري بس ماحجي لان اعرف اذا حجيت راح يحسن بنفس الشعور الي احس بي من يجن يعتبن عليه واني كلبي مينطيني اخليهن هيج يحسن... داتعب داخليا داتعب ومحد ديحس بكومة مواقف تمنيتها تطبطب عليه بكومة مواقف تمنيتها تواسيني وبكومة مواقف تمنيتها تفرحلي بس ملكيت هاي المبادرة منها حتى من بجيت بامتحان من الامتحانات وانهاريت بوقتها ضلت صافنه ممتوقعه انه اني عندي مشاعر وبوقتها اني واسيت نفسي بنفسي ولملمت روحي وسكتت اتمنى شريك حياتي بس يحس بيه لان اذا اجه مثل الباقين انتحر لا جذب مانتحر بس اتأذه اكثر خاف باقي مكان بيه ممفطور هو راح يكمله ....... كومه سوالف كتبتها ومسحتها ماعرف ليش المهم اتمنى من كل احد شخصيته حساسة ليتخذ حساسيته عذر وليتخذ موقف المظلوم كل الوقت يعني من انت وصاحبك بنفس الموقف الزباله بس انت تبجي وتذب اللوم كله عل صاحبك والعذر انه انت حساس هذا الشي غللللللط. مثل مأنت تريد الناس كلهم يحسون بيك فانت هم حس بالي حوليك اتمنى تستوعب انه الكل عنده مشاكل مو بس انت والكل يمر بظروف مو بس انت والكل عدهم جانب حساس مو بس انت اعرف انه مو كل اصحاب الشخصية الحساسة هيج بس للاحتياط اذا عندك/ج هيج ميول حاولوا تعدلوه لان يأذي المقابل خاصه اذا عبالك بس انت المظلوم بالعالم .......
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
........ بعد هذا كله راح احاول ابدي بداية جديدة اشد حيلي بالدراسة اسوي العليه وأملي بربي جبير كل الي يصير ويانه هو حكمه من رب العالمين ودروس ناخذ منها النفع بالتوفيق للكل اتمنى البارت الجاي يكون سعيد لان احس هواي نكدت اجيت اكتب سوالف حلوه صارت وياي بس حسيتهم ميلائمون البارت يجوز اسوي بارت اطك بي سكرينات للمفكرة لان كلش هواي اكتب بيها بكل موقف اكتب لان سريعه نصيحة للكل كتبوا شعوركم كتبوا الموقف الي تمرون بيها تكدرون تنشروها وتكدرون تبقوها الكم وتكدرون تسوون الاثنين مثلي هم ذكرى وهم من تعيدون التفكير بالمواقف تستفادون وبس.. استودعتكم.... نسألكم الدعاء....
