هاي الفتره دامر بظروف كلش مو حلوه
بس مداكتب هنا لعده اسباب
اولها انه وقت ماكو
تلفوني الي افتح منه واتباد اختي دتستخدمه فماسحه الواتباد منه
اكدر احجي بالي دامر بي لصديقتي او لوحدة من خواتي
اما حاليا هاي قهرتي لا
ماكدر احجيها لأحد
كالعادة
لجأت لهنا
وعسى ولعل محد يتعرف عليه
...........
اني عندي فرط تفكير زائد
+ جلد ذات من اغلط
فمن اسوي شي غلط ابد ما أرحم روحي
طبعا قبل جنت كلش اتأجزم
بس علمت روحي انه عادي وطز
خاصه انه استوعبت ماكو شخص مثالي ومستحيل نوصل لدرجه الكمال
بس رغم هذا التقدم
بعدني اضوج واجلد نفسي وذاتي بس مو مثل قبل
فهسه حرفيا قبل ربع ساعة صار شي وياي
وهسه اني داجلد نفسي
انه ليش ليش ليش
جنت اكدر اسكت وانخمد وبس
المهم مداعرف شلون اغير من نفسي انه اضل ساكته وماتفاعل زياده
اريد اصير انسانه بارده متحجي ومتسولف
شلون!
اكو احد عنده طريقة؟
لان حرفيا ماريد ابقى هيج حتلو قليل يصير وياي بس شعووووووور محلوووووو
هاي حرف الواو هيج عود يعني اوكيد للكلمة
بس حرفيا شعور محلو من ماسيطر عل نفسي واسولف والمقابل يغير الموضوع لو يسد الموضوع
اصلا شغله تنرفز هيمن
فاريد اقلل كلام احسن
وبس
وليهسه داجلد بروحي
احس اكو شي براسي( مثل نقار الخشب من ينقر بالخشب) هذا الشي ينقر ويكول ليش حجيتي جان ضليتي ساكته علمود متتخلين بهيج موقف
بعيدا عن اسلوب الشخص المقابل الوياي
اليوم جان الاسلوب خرا ومحلو
بس قبلها اكو ناس حجو بطريقة لطيفه وسدوا الموضوع
بس رغم هذا
ماكدر اسامح نفسي واتخلص من هذا الي دينقر براسي
كلش نعست
باي.
مرتاحيت لان مكتبت كل الي بكلبي
بس عيوني ديحركني من النعاس وراح اغفى عن روحي
باي
أنت تقرأ
يوميات فتاة قبيحة
General Fictionجوانب مظلمة من شخصيتي + سوالف ودردشة + طفولتي + يومياتي + هاي السوالف راح تكون +16
