هاي🐧
سميته كشكول لان بي اقتباسات وفضفضه واشكال الوان 😂
اريد افضفض وماريد اروح لوحده من صديقاتي لان ماريد اصير منافقه احجي عل وحده كدام الثانية
المهم
كملنا تطبيق وامتحنا
وباحر راح نروح اني ووحدا من الي تداوم وياي بالمستشفى نستلم التقيم والدرجات والكتاب نودي للجامعه
ومناك نطلع لمول قريب من الجامعة ويا صديقتها لصديقتي
..هاي صديقتي راح اسميها اسراء..
طبعا هذا مو اسمها الحقيقي
المهم هاي إسراء ابوها يشتغل بنفس المستشفى الي علساس انطبق بيها ومصارت السالفه
فمرا كتلها اكولج انتي تكدرين تروحين ويا ابوج ورا ميكمل التطبيق مالتنا علمود تتعلمين بالمستشفى الي يشتغل بيها
لان كومه شفت هيج بنات يسوون وعادي
فهي كالت اي انه مفكره هي هم هيج وكالت مرادت تكولي اله من تصير الشغله لان خاف نتأمل ومتصير
وكالت حاسبه حسابي وياها
فاني بوقتها كلش فرحت وبنفس الوقت اذكرت صديقتي الثانيه الي تغار وصار وياها كم موقف
.. هاي راح اسميها نرجس..
فاسراء كالت انه فكرت بيها هم بس المشكله اهلها وبيتها شويه بعيد وبوقتها من علساس نداوم بهاي المستشفى ضلت تكول شلون اروح واهلي ميقبلون وصعبه ومن هذا الحجي
فكالت اكيد اهلها ميقبلون وعلساس قبل فتره هي مفاتحتها بالموضوع وهاي نرجس هم كايله انه امها متقبل لان متكدر تشوفلها خط ياخذها
المهم هاي اسراء كالت نيفين لتكولين لاحد لحد متصير لان كل منتأمل عل شي يخرب
وصدك دائما من نخطط تخرب الخطه
فاني هم سكتت وصراحه مجنت متأمله كلت متصير اكيد واذا صارت اهلي واح يستصعبوها
ورا كم يوم اني جنت مختفيه يعني مارد عل احد (هاي تجيني حالات هيج اختفي ومالي خلك ارد حتى عل خواتي)
لكيتها دازتلي رسايل كايلتلي نيفين اني كلت لابويه وكال خل تجي هي وامها واني وياهم نروح نحجي ويا المسؤول لان خاف اتفشل جايب بنتي وصديقتها
فعلى الاقل اهلها موجودين واني بس انطيهم دفعه اذا مقبلوها
اني بوقتها جنت مختفيه فمرديت عليها ومن اجيت ارد هي بنفس اليوم الي دارد بي كالت ميحتاج ابويه رايحلهم وطالع يعرف المسؤول عل المختبر وراسا كايله اي بعيني وهاي فعاد راسا ذاكرني وكايله عليه وقبل المسؤول
المهم اني مكدرت اكول لأهلي لان البيت مكلوب فوك روسنا وحالتنه حاله
عركات والجو كلش متوتر
فمو وقت افاتحهم بهيج موضوع
لحد ماجت اسراء وكالت نيفين ترا بعد يومين انداوم بالمستشفى مال ابويه حضري روحج
اني ثاني يوم كلت لأهلي ومادري شلون راسا وافق ابوية ورحب بالفكرا كلش
لان هاي فرصه مراح الكاها بعد خاصه احنه ماعدنا اي واسطه ومن اتخرج اكيد راح احير يم منو اتعلم خاصه سحب الدم
أنت تقرأ
يوميات فتاة قبيحة
General Fictionجوانب مظلمة من شخصيتي + سوالف ودردشة + طفولتي + يومياتي + هاي السوالف راح تكون +16
