يوميات فتاة قبيحة

اشياء بعد غياب

هاي
هذيج الفترة غبت واختفيت
صراحة مجان الي واهس اكتب ابد
والتهيت
اولا اجتي اختي الي مرا شافت الواتباد وخلتني امسحة فضطريت امسحة
ثانيا بديت اطبق وارجع هلكانة
ثالثا بديت ابحث عن اساسيات التحاليل واكتب الي اخذا بالمستشفى يعني بالمختصر بديت بالتحليلات من الصفر
رابعا طبخنا للأمام واخذنا اسبوع انذار وتحضيرات للطبخ
وبعد اشياء ثانوية

المهم
راح احجي عن شي شي اول شي التطبيق
طبعا بس يوم واحد بالاسبوع علمود كورونا ولان اعداد المطبقين هواية
وبعدين اقرا وابحث عن التحاليل وعن مكونات الدم وعن سحب الدم وصراحة كلش كلش حبيت التحليلات
وواهسي صار بيها حلو بحيث تقدمت شوية يعني بآخر بارت نشرته جنت صفر هسه تقريبا صعدت لل3
لان متشعبة كلش وبنفس الوقت حلوه

رحنا لمجموعه مختبرات الي هي:

*كيمياء سريرية (البارت السابق يمكن).

*احياء مجهرية (الدكتور جان ملش حباب والبنية الي علمتنا خلتنا نشتغل بأيدنا فستفادينة + كرشت على واحد بالمختبر اسمر 😂).

*فحص دم (جانوا كيوووت وهو اكثر مختبر فهمت بي لان جنت قارية قبل يوم يعني قريت تحليل فصائل الدم وثاني يوم خلوني بمختبر يشرحون بي فصائل الدم 😂 + البنية الي تعلمنا خلتني اشتغل لان شافتني اعرف واجاوبها عن الفصائل + الدكتور المسؤول عن المختبر جان فد نظييييف ومرتب كلش وتعلمنا شي اسمة مطابقة الدم).

*مختبر سحب الدم (هنا صار اشكال اول شي انه المستشفى الي داطبق بيها هي نسائية واطفال يعني اغلب المرضى هم اطفال فتجي الام جايبه الطفل و الي بالمختبر يسحبون من الاطفال دم وهم صغاااار كلش يعني قسم ايام عمرهم وقسم شهر يموتون قهر من يبجون + هاي اول مرا اشوف ثنين مرتبين وماكرش عليهم 🌚+ علمونا سحب دم واني سحبت من البيست مالتي  {اول مرا بحياتي اسحب دم من شخص وهي هم} وهي سحبت مني ومن صديقتنا الثانيه بس هاي مشكلتها انه تخاف كلش وتتوتر فوجعتني ومسحبت منها لان تتحرك ومتخلي الواحد يركز + من داسحب للبيست بدون مادري ضربت السرنجة "الابرة" بايد الي ديعلمنا وضلت تقطر دم وضليت اعتذر منه بوقتها كلش تفشلت منه وبعد اشياء صارت بس ماريد اطول بي والزك 😂).

*فحص الادرار (طبعا هذا اليوم اخذنا لكينا بي نفسه الي كشرت عليه الاسمر بمختبر الاحياء المجهريه وثنين ويا ورجال جبير شغلتة يشوف المجهر لان مو اي واحد يكدر يضبطة المهم علمونة على السترب الي هو تحليل الادرار السهل وبعدين هذا الرجال الجبير كال تعالوا شوفوا بالمجهر وخلانا نشوف الخلايا وكريات الدم الي بعينه الادرار بالمجهر 💃).

طبعا اشكال نشوف بالمستشفى مثلا ناس يتوجعون وناس يتعاركون واليوم شفنا مرية لازما طفل لافته بشي ابيض وتبجي واني عبالي الطفل لان مشوه فهي لافتة ومكمطتة تالي طلع الطفل متوفي ولافي بالكفن ضليت مصدومة وحسيت بخنكة كلش جان منظر ابد ميراد...