يوميات فتاة قبيحة

بحث التخرج

ملاحظة / البارت بالبداية بي هواي تفاااصيل تعاجزت امسحها هسه واعدل عليها، فاللي يريد يسوي سكب لحد ميشوف كمت احجي بأختصار وبس.....
.

احم....
احس شي غريب لان منقطعة
المهم....
صارت كوووووووومة احداث تستحق الذكر.
نبدي بأول شي..

بعد المشكلة الي صارلتلي تأثرت هواي نفسياً ودراسياً صرت هواي حساسة اتجاه كل الولد وانقطعت عن الدفعة كاملة ولد وبنات كدا الشلة مالتي طبعا..
مادري اذا ذكرت بالبارت القبل لو لا
بس جنه مقررين (قبل المشكلة) نسوي فعاليه تيشيرتات وانيوالي انطيتهم فكرة الديزاين ووصيتا كلنا بس للاسف لان جنت متأثرة بالموضوع وخايفة مىحت وياهم للفعالية
وهمين سووا سفرات عليابو لان اخر كورس وهم مرحت لأي وحدة 💔
وراها صارت الحفلة مال اتخرج الي بالقاعة وهم مرحت لعدة اسباب
اولها انه احتاج مبلغ مادي جبير شوية (للبس وللفعاليات وللقاعة نفسها) ولان اني ادري بأبويه كلش زين فستغنيت عنها وبنفس الوقت كت بما انه هذولاك الي حجوا علينا راح يرحون فاني ماروح ، وعل العموم اجوائي متناسب الصخب لحفلات التخرج بالعراق.
طول هاي الفترة اني تقربت كلش من صديقتي الي وياي بالمشروع
جانت هواي تتخربط ويصادف تتخربط بمحاضرة الدكتور الي احبه فجان هواي يمدح بيه ويسميني عملة نادرة وصديقة وفية 😂
.......
بعدها لازم احجي عن موضوع مشروع التخرج
اكثر شي تعبت بي بهاي السنة
بذلت مجهود كلش جبير بي
جان عن اللاعضويه وصديقتي متحبها فجانت معتمدة عليه بشكل كلش جبير
والكتابة هم جانت عليه
فاتعب مضاعف
جانت هي هاملته ولان تدري اني حريصة فعتمدت عليه
جنت اخذ هواي من وقت الدراسه واخلي للمشروع وصديقتي الي وياي بي تجي عل الحاضر تقلد عليه
كلش تأذيت نفسيا من هاي الناحية ومرا اصلا متحملت وتعاركت وياها علموده وهي زعلت مني لان ممتعودة عليه هيج وياها
شكد ماكول تعبت عليه مراح اكدر اوصف التعب ،حرفيا بدون مبالغة جان عبالك مشروعي بس اني لان صديقتي متسوي شي بي عليابو تكره اللاعضويه والدكتورة المسؤولة علينا هم جانت معتمدة علينا (عليه الاصح)
المهم
كملته بمعجزة
حرفيا
اذكر من تعاركت ويا صديقتي وكتلها اني تعبت وهذا مشروعج الج هم خصصت الها فقرات هي تبحث عنهن
وبوقتها تحججت بالامتحانات انه متكدر تبحث
وكتلها مراح نلحك وراح ننضغط كلش وهي تكولي لا لا نلحك
وتعاركت كتلها التعب راح يصير عليه لان انتي من راح تبحثين اني الي راح اكعد ارتب الكلام واترجمة واعدل عليه فالتعب هم عليه فلازم تستعجلين فكالت عادي نكمله باخر يومين من موعد التسليم
(موعد التسليم جان ورا يومين بالضبط ورا امتحانات الفاينل)
وخلصنا الامتحانات باسوء ضروف
واجني اليومين
والضغط الي بيهن مو طبيعي
بحيث اذكر نمت بس ٤ ساعات بضرف يومين
طبعا هي شخصيتها متتحمل يطلع كلامها غلط
فمن كامت تبحث اكيد مو راسا يطلعلها الحجي الي نكدر نكتبة بالمشروع
بالتالي اختفت واني ادك عليها تكولي النت فصل
بس هو جذب جانت تهرب لان متكدر تواجهني بعد مطلع حجيي صحيح
وهم رجعت اني الي ابحث يعني كمت مثل العادة اسوي شغلها وشغلي واني ابجي
اوف والله هاي الايام اتمنى تنمحي من ذاكرتي
واذكر من كملت المشروع الي حرفيا قبل ساعة من تسليمة اني ضاله اعدل عليه
تذكر دزيتلهيا كتلها شوفي مو بعدين يطلع شي غلط بي وتذبي برةسي لان كله اني كتبته وهي بوقتها ضلت تكول لا ماكول هيج اني واني ماحبه وكارهته ومعاجبني
بوقتها كتلها اني بالعكس هذا كله تعبي فحتلو انتي متفتخرين بي اني افتخر لان ساعات من عمري كعدت اشتغل عليه من كل كلبي (بوقتها ذبيت كل المستحة وطلعت كل حقارتي لان متحملت اشوف الاستغلال فعلى الاقل احجي الي بكلي)
وطبعا قبل ماسلمه شوفته للدكتورة الي مسؤوله علينا وكالت عاشت ايدكم تمام؟