[Unicode]
"နမ်ဂျွန်း??"
တကယ်ပဲစင်ပေါ်ကလူကနမ်ဂျွန်းများလား။မဖြစ်နိုင်လောက်ပါဘူး။သူအထင်မှားတာပဲဖြစ်မှာပါ။
"ဂျင်ရှီ!ဒီရောက်နေတာကို အရှေ့မှာ ဂျင်ရှီ အတွက်နေရာလုပ်ထားပေးပါတယ် ကျွန်တော်နဲ့လိုက်ခဲ့ပါ"
"အာ ဒီအနောက်မှာလူရှင်းလို့ အဲ့တာဆိုလည်းသွားမယ်လေ"
သူရပ်ကြည့်နေမိတုန်း မန်နေဂျာလီဆိုသူကလာခေါ်တော့သူလည်းအနောက်ကနေလိုက်သွားလိုက်သည်။စင်ပေါ်ကလူကနမ်ဂျွန်းဟုတ်လားမဟုတ်လားဆိုတာသူအတည်ပြုရမည်။
စင်ရှေ့နားရောက်တော့ သူတကယ်ရှော့ခ်ရသွားသည်။သူအထင်မှားတာမဟုတ်ပေ။တကယ် နမ်ဂျွန်းပဲ။ထိုအသံ ထိုအရပ်အမောင်း ထိုမျက်နှာ ပြီးတော့သူသဘောအကျရဆုံးပါးချိုင့်တွေက သူလွမ်းနေခဲ့ရသော နမ်ဂျွန်းဆိုတာသက်သေပြနေသည်။
"ဒါနဲ့ အဲ့တာ MONO Fashion ရဲ့CEOလား"
"ဟုတ်ပါတယ် အဲ့ဒါကျွန်တော်တို့ရဲ့ CEO Kim ပါ"
သေချာအောင်မေးကြည့်တော့တကယ်ပင်ဟုတ်နေသည်။လိမ်မပြောပါဘူး ငါမင်းကိုလွမ်းနေခဲ့တာ။
သိပ်မကြာပါ နမ်ဂျွန်းစကားပြောလို့ပြီးသွားတော့ စင်အောက်ကိုဆင်းလာသည်။ဆော့ဂျင်တစ်ချိန်လုံးနမ်ဂျွန်းကိုလိုက်ကြည့်နေမိသည်။သူအခုထိမယုံနိုင်သေးပါ။လွန်ခဲ့တဲ့ 7နှစ်ကနှုတ်တောင်မဆက်ပဲထွက်သွားသောထိုကောင်လေးကအခုလူအများကလေးစားရတဲ့စီးပွားရေးသမားတစ်ယောက်တောင်ဖြစ်နေပြီလေ။ပြီးတော့သူနှင့်နမ်ဂျွန်းဒီလိုပုံစံမျိုးနှင့်ပြန်တွေ့ရမယ်လို့လည်းဆော့ဂျင်တွေးတောင်မတွေးဖူးပါ။
ဆင်းလာပြီးတော့နမ်ဂျွန်းကသူ့ကိုတွေ့ပုံရသည်။နှုတ်ခမ်းကတစ်ချက်ပြုံးယောင်သမ်းသွားသည်။ထို့နောက်နမ်ဂျွန်းကသူ့အရှေ့တည့်တည့်ကိုရောက်လာသည်။
"သူဌေး ဒါက မော်လ်ဒယ်ဂျင် ပါ"
ဆော့ဂျင် နမ်ဂျွန်းရဲ့မျက်လုံးကိုသေချာကြည့်လိုက်မိသည်။သို့သော်သူစိုးရိမ်နေမိသည်။အကယ်၍ နမ်ဂျွန်းကသူ့ကိုစိတ်ဆိုးနေသေးတုန်းဆိုဘယ်လိုလုပ်မလဲ။
![𝙼𝚎𝚊𝚗 𝚃𝚘 𝙱𝚎 || 𝙽𝚊𝚖𝚓𝚒𝚗 [𝙾𝚗 𝙶𝚘𝚒𝚗𝚐]](https://img.wattpad.com/cover/206768239-64-k25231.jpg)