نجد وسيم و غياث وزين ولينا يركبون السيارة ويتجهوا الي المطار و نجد أماندا تقف في شبك غرفتها تنظر اليهم بدموع
أماندا : ربنا يوصلهم بالسلامة ... هقوم بقا أقرأ الورد عشان منساش
نجدها تقرأ الورد وقد غفت قليلاً وذهبت لعالم الأحلام
نجدها في حلمها تجد نفسها في مكان مُظلم للغاية و هناك شعاع نور واحد فقط يأتي من بعيد فحاولت اتباع النور وكلما تقدمت خطوة تقع في فخ ما وهناك صوت بغيض هي تعرفة جيداً يلاحقها في كُل مكان ويأذيها وهي مستمرة في الجري نحو الضوء حتي إقتربت من الضوء فوجدت شخص يقف ويجذبها خلفة ويواجه هذا البغيض بكُل قوتة وينتصر عليه وعندما نظرت له وجدت آخر شخص توقعتة .. وجدت آصف وعندما جاء يتحدث إليها فاقت من نومها علي صوت وسيم
وسيم : أماندا حبيبتي ايه اللي منيمك علي المصلاية
أماندا : كنت بقرأ الورد وغفيت غصب عني
وسيم : ولا يهمك ..قومي كملي نوم علي السرير
أماندا : هي الساعة كام
وسيم وهو ينظر في الساعة : الساعة ٦
أماندا : يدوب أقوم أخد شاور وافطر عشان ألحق اروح الشغل
وسيم : تمام ... أنا هدخل أنام ولما أصحي هروح النادي عشان عندي تمرين
أماندا وهي تقبل راسة : ماشي ي قلبي .. صحيح ي وسيم هتبدأ دراسة امته
وسيم : كمان شهرين ي قمري
أماندا : ربنا يوفقك ي وسيم وتحقق حلمك
وسيم وهو خارج : يا رب ... أسيبك بقا عشان متتأخريش
في منزل جاسم
مروان : مروج اصحي ... إنتِ ي بنتي
مروج : اممممم
مروان : مروج... فوقي بقا
مروج : خير بتصحيني ليه عايزة أنام
مروان : آبيه آصف بيقول إننا هنرجع الفيلا يلا فوقي
مروج : حاضر فوقت اهو
مروان : اغسلي وشك وفوقي واخرجي يلا
في الخارج
آصف : ها صحيت
مروان : أيوة ي آبيه
آصف : طب روح صحي الواد جاسم علي ما أعمل قهوة
مروان : حاضر ي آبيه
في غرفة جاسم
مروان : جاسم
جاسم : .....
مروان : جاااسم
جاسم : ....
خرج مروان من الغرفة
آصف : ها صحي ولا لسه
مروان : دا قتيل ي آبيه متحركش من مكانة
آصف وهو يأخذ زجاجة مياة مُجمدة : طب وسعلي كدا بقا
في غرفة جاسم مجدداً
آصف : جاسم فوق بقا
جاسم : ....
آصف وهو يسكب عليه الماء المٌجمد : إنتَ اللي جبته ل نفسك
جاسم : إلحقوووني ... بغرق ..بغرق ...عاااا
مروان بضحك : مش قادر ...هموت
جاسم : اي ي عم الغباوة دي .. حد يصحي حد كدا
آصف ببرود : بقالي ساعة بصحي فيك .. اعملك ايه
جاسم : حسبي الله
آصف : فوق يلا عشان هروح الفيلا و هلبس واروح الشركة الاقيك هناك ... مفهوم
جاسم : مفهوم
نروح فيلا الهلالي بقا
غياث : الجميل نازل بدري ليه
أماندا: هفطر عشان أروح الشغل
غياث : تحبي أوصلك
أماندا : أحب طبعاً بس مينفعش
غياث بحب : بكرة تعيشي حياتك عادي
أماندا: أتمني بكرة دا يبقي قريب
غياث : هيبقي قريب انا واثق من كدا ... يلا بقي ناكل عشان جعان
أماندا: يلا
أنت تقرأ
لعنة جمالك
Misteri / Thrillerرواية كوميدي أكشن وفيها غموض ولا تخلو من الرومانسية طبعاً .. رواية ميكس بين كل حاجة بنحبها
