في فيلا الهلالي كان غياث و والدية يصعدان السلم بسرعة حيث مصدر الصوت الذي تبين انه غرفة أماندا وفتحوا الباب وصدموا من المنظر
وجدوا وسيم يقف في جانب بالغرفة ويدة تنزف بغزارة وأماندا تمسك سكين و توجهها صوبة
أماندا : عايز تخدرني و تاخدني ليه ... ليه تعمل فيا كدا
وسيم : أماندا فوقي أنا وسيم
أماندا: لاااا .. إنتَ هتاخدني ليه
غياث ل زين وهما علي باب الغرفة : كلمها وطمنها لحد ما أديها المهدئ
زين : هي مالها
غياث : أعمل اللي بقولك عليه وهفهمكم بعدين
زين وهو يدخل الغرفة : أماندا حبيبه بابا وحشتيني
أماندا وهي تجري عليه وتختبئ في حضنة : بابا حبيبي وحشتني اوي .. الحقني هيخدني ليه
زين وهو يري غياث يدخل الحقنة بذراعها : اهدي ي حبيبة بابا ومحدش هيعمل ليكِ حاجة
أماندا وهي تغيب عن الوعي : اتمني
لينا وهي تتجة نحو وسيم بسرعة : غياث الحق اخوك .. وديه المستشفي بسرعة
زين بعدما وضع اماندا علي سريرها : وريني ايدك كدا ... دي محتاجة تتخيط
غياث : تعالي بسرعة نروح المستشفي
وسيم : طب هغير هدومي
غياث : مش مهم
ذهب غياث ب وسيم الي المستشفي
في المستشفي ..
غياث : دكتور جراحة بسرعة
الممرضة : الدور التاني أول أوضة ع الشمال
غياث : شكراً
الممرضة : العفو
ذهب غياث حيث الطابق المنشود و دخل للطبيب
الدكتور : خير ي جماعة
غياث : إيدة اتفتحت
الدكتور : طب تعالي غرفة الكشف ... عشان نشوف هتحتاج خياطة ولا لا
كشف الدكتور ع وسيم
الدكتور ل غياث : محتاج عشر غرز
غياث : هو الجرح عميق للدرجة دي
الدكتور : ايوة .. الحرج ب أله حادة
غياث : إعمل اللي حضرتك شايفة
الدكتور : خليك معاه طمنة .. وانا هخلي الممرضة تجيب البينج والادوات عشان اخيط الجرح
غياث : تمام
في مكتب الطبيب طلب الممرضة لتحضر له الادوات الخاصة بالجراحة لكي يقوم بتخيط الجرح
غياث ل وسيم : إجمد ي بطل
وسيم بحزن : أنا جامد متقلقش
غياث : إوعي تزعل منها .. إنتَ عارف ظروفها كويس
وسيم : أنا مش زعلان منها .. أنا زعلان عليها .. زعلان إنها في عز خوفها هاجمتني بدل ما تطمن بوجودي .. زعلان إني سبب خوف ليها مش أمان ليها
غياث وهو يحتضنة : إوعي تزعل .. بكرة كل حاجة تبقي كويسة .. إيدك بتوجعك
وسيم بدموع متحجرة في عينه : هتصدقني لو قلتلك إني مش حاسس باي وجع في إيدي .. لإن وجع قلبي مغطي عليه
غياث : أنا عارف إنك إتأذيت منها كتير .. بس سامحها
وسيم : مهما كان حجم الأذي الي إتأذيته منها مش هيبقي قد الأذي اللي هي إتأذته .. متقلقش أنا مسامحها
جاء الطبيب إليهم ..
الدكتور : ها ي بطل .. جاهز عشان أخيط إيدك
وسيم : جاهز
قام الطبيب بإعطاءة حقنة البينج و قام بتعقيم الجرح وتخيطة
الدكتور : الحرج يتغير عليه مرتين في اليوم ويتعقم عشان ميعملش صديد
غياث : تمام ي دكتور
أنت تقرأ
لعنة جمالك
Misterio / Suspensoرواية كوميدي أكشن وفيها غموض ولا تخلو من الرومانسية طبعاً .. رواية ميكس بين كل حاجة بنحبها
