في منزل النقيب منة
سميرة : منون ي حبيبتي
منة : منون و حبيبتي في جملة واحدة .. خير ي ماما قولي عايزة ايه من غير مقدمات
سميرة : هو حرام ادلعك
منة : لا مش حرام بس الدلع دا وراة حاجة
سميرة وهي تتحدث بسرعة : في عريس متقدملك وعايز يقعد معاكِ
منة : أنا هعتبر نفسي مسمعتش حاجة ...تمام
سميرة : ي بنتي...
منة : ماما الحوار دا منتهي .. هعتبر نفسي مسمعتش حاجة و آه أنا نازلة اتمشي شوية
نزلت منة من منزلها وهي متضايقة و مخنوقة فكل عريس ياتي يرفض شغلها ك ضابط شرطة وهي أبداً لن تتخلي عن حلمها و وظيفتها التي سعت جاهدة لتنالها و اثناء سيرها وهي شاردة خبطت في شخص ما
منة : آسفه .. مأخدتش بالي
جواد : ما إنتِ بتعرفي تعتزري آهو
منة وهي ترفع راسها وتنظر له : إنتَ
جواد : ايوة أنا
منة : هو انت طالعلي في البخت .. كل ما اروح حته الاقيك
جواد : طب متعصبة ليه
منة : مش متعصبة ولا حاجة
جواد : ممكن اتطفل عليكِ
منة : لا مش ممكن
جواد : طب ي ستي .. انا دكتور جواد العجمي ... دكتور نفسي
منة : هو انت مش بتفهم
جواد : لا ... كانوا ديماً يقولولي وانا صغير ان فهمي تقيل
منة بضحك : مكدبوش عليك
جواد : أنا عرفتك بنفسي .. عرفيني بنفسك بقا
منة وهي تجلس ع الرصيف : أنا منة ممدوح .. نقيب في المخابرات
جواد : هايل .. أول مرة أشوف بنت حابة المجال دا
منة : أنا مش بس بحبه ..أنا بعشقة
جواد : أتمنالك فيه التوفيق
منة : شكراً .. أتمنالك التوفيق
جواد : مشكورة ي ستي .. ممكن تستني لحظة
منة : ممكن
ذهب جواد وعاد بعد قليل و هو يحمل كوبين من المثلجات و معه حقيبه بها كانز و شوكولاته
جواد : إتفضلي
منة : مكنش فيه داعي تتعب نفسك
جواد : دا اعتذار مني عشان الصبح انا اللي كنت غلطان
منة : عرفت بقا انك اللي كنت غلطان
جواد : خلاص ي ستي واديني بعتذرلك اهو
منة وهي تأخذ الايس كريم : اعتذار مقبول
جواد : ممكن اتطفل عليكِ وأسألك متضايقة ليه
منة وهي مستمتعه بطعم الأيس كريم : جايلي عريس
جواد باستغراب : ودا اللي مضايقك
منة : طبعاً
جواد : ليه
منة : عشان اي عريس بيجي بيبقي اول حاجة عندة اني بعد الجواز لازم اسيب شغلي .. وانا لو مهما حصل مش هسيب شغلي
جواد : انتِ صح .. الفرص مش بتيجي للإنسان كل يوم عشان ينجح في حياته ويحقق احلامة
منة : شكراً ع الأيس كريم
جواد : العفو .. ع فكرة عيادتي في العمارة دي ( شاور لها علي عمارة ما )
منة : اي دا .. طلعنا جيران ..انا بيتي في العمارة اللي قصادها
جواد : ي محاسن الصدف
منة : اتشرفت بمعرفتك .. واعزرني لو كنت سخيفة معاك الصبح
جواد : الشرف ليا .. ولا يهمك
منة : عن إذنك
جواد : هشوفك تاني
منة : مش عارفة
وذهبت من أمامة
جواد : استني
منة : في ايه
جواد وهو يعطيها الحقيبه : دا كانو و شوكولاته ليكِ
منة : آسفه مش هقدر أخدها عشان مش بحبهم
جواد : خلاص المرة الجاية هعمل حسابي واجبلك حاجة بتحبيها
منة : شكراً مفيش داعي
أنت تقرأ
لعنة جمالك
Misterio / Suspensoرواية كوميدي أكشن وفيها غموض ولا تخلو من الرومانسية طبعاً .. رواية ميكس بين كل حاجة بنحبها
