مر اليوم روتيني علي آبطالنا لم يحدث اي شئ جديد وفجأة يصل الي أماندا ككالمة تجعلها تهرع الي مكتب آصف وتطلب منه الانصراف علي وجه السرعة
أماندا : انا لازم امشي حالاً
آصف : خير في اي
أماندا : هقول ل حضرتك بعدين بس لازم امشي حالاً
آصف : تمام .. اتفضلي
خرجت أماندا بسرعة وهي تمشي مسرعة اصطدمت بشخص ما وكادت ان تقع لولا يدة التي لحقتها قبل السقوط
جاسم : في اي ي أماندا مستعجلة ليه
أماندا: معلش ي جاسم عديني خليني الحق اروح
جاسم : ي بنتي في اي
أماندا: عديني بس و هبقي اقولك بعدين
جاسم : مش عارف متسربعة ليه كدا ... عدي ي ستي
أماندا : شكراً
خرجت أماندا من الشركة بسرعة وخبطت في شخص آخر بالخطئ
ماجد : مش تفتحي ي بتاعة انتِ
أماندا بخضة فهي عرفت هذا الصوت لكن اخفت ذلك بمهارة : وانتَ مش مفتح ليه ي اخويا
ماجد : انتِ الغلطانة
أماندا وهي تغادر : خلاص ي عم الزفت انتَ متقرفناش
ماجد : خدي هنا ي بتاعة انتِ ... انتِ مش عارفة انا مين
أماندا : اي واحد ابوة اداله قرشين هيمشي يقول للناس انتَ مش عارف انا مين .. غور بقا ي عم عطلتني
ماجد : انا لو شفتك تاني هموتك
أماندا وهي تغادر : خاف ي عيد ... كان غيرك اشطر
وصلت أماندا الي الفيلا الخاصة بها فوجدت وسيم مستلقي علي الأريكة و معلق له محلول
أماندا : حبيبي الف سلامه عليك.. ايه اللي حصل
وسيم : الله يسلمك... مفيش اي حاجة مجرد هبوط بس مش اكتر
أماندا وهي تحتضنة : سلامتك ي عمري .. اومال لينو فين
وسيم : اول ما شافتني كدا جريت تعمل أكل عشان اتغذي ... امك هتعملي اكل عيانين ي أماندا
أماندا بضحك : معلش بقا ي وسيم ي حبيبي استحمل
وسيم : مش بحبه
لينا وهي تقترب منهم : دي نعمه ربنا ي ولد مينفعش تقول مش بحبها .. انت تاكل وانت ساكت وتحمد ربنا بعدها انه موفرلك قوت يومك ، غيرك بيفضل باليوم الاتنين من غير ما ياكل عيش حاف حتي
وسيم هامساً ل أماندا : امك قلبت زي الامهات المصرية ... اقطعي عنها النت
لينا بضيق : بتقولها اي ي سوسة انت
وسيم : بقولها اني هاكل الاكل دا عشان خاطر عيونك ... كفاية انك اللي عاملاة بإيدك الحلوة دي
لينا : بكاش و كلامنجي اوي
وسيم : انا ي أمي ... شكراً علي ثقة الغالية
في شركات الزيني صعد ماجد حيث غرفة الإجتماعات و بعدها دخل آصف و معه جاسم وكايرا
ماجد : مبسوط بالعمل معاك
آصف: شكراً
جاسم : كايرا .. الملفات
كايرا : اتفضل ي فندم
بعدما قرؤا شروط العقد وافق ماجد عليها رغم ان هناك بنود لا تناسبة ولكن في المجمل هذة الصفقة في مصلحتة
ماجد : نوقع العقود بقا
آصف: تمام
قاموا بتوقيع العقود
أنت تقرأ
لعنة جمالك
Mystère / Thrillerرواية كوميدي أكشن وفيها غموض ولا تخلو من الرومانسية طبعاً .. رواية ميكس بين كل حاجة بنحبها
