خرج آصف من مكتبه ووجد أماندا تتحدث في الهاتف
آصف : عال ... عال أوي .. سايبة الشغل وقاعدة تحبي في التليفون
أماندا : كايرا ... استني لحظة
كايرا : في ايه
أماندا : هكلم المدير وهرد عليك تاني ..خليكِ معايا
كايرا : اوك
أماندا : اعتقد اني خلصت كل المطلوب مني ومفيش حاجة تتعمل
آصف : مش في ملف هيتترجم
أماندا ببرود : الظاهر انك اللي مش شايف شغلك عشان الملف بقالة ساعة ع مكتبك
آصف : انتِ بتتكلمي كدا ليه ... طب مخصوم منك اليوم كله
أماندا : عادي ولا يهمني .. مفكر اني محتاجة فلوس
فوق ي بابا دا أنا اشتريك إنتَ وشركتك كمان
آصف : ي شيخة بجد
أماندا وهي تلم أغراضها : مش اليوم اتخصم ... سلام بقا ي برنس
آصف : خدي هنا .. هو انا سمحتلك تمشي
أماندا : مش لازم تسمح أصلاً ... وكدا كدا اليوم اتخصم يبقي مش فارق وجودي بقا ... اعتبرني مجتش ... سلام
آصف بعدما ذهبت : يا بنت ال... أنا مش عارف مين شغال عند مين ... دا انا اللي شغال عندها مش هي اللي شغالة عندي
هنروح النادي بقا
مروان : اتمرن كويس ي وسيم ... عايزك تاخد المركز الاول زي كل مرة
وسيم : بتمرن بأقصي جهدي ... إدعيلي إنتَ بس
مروان : منصور ان شاء الله ... تعالي نروح نشرب حاجة
وسيم : يلا بينا
هنروح عند غياث وهو سايق عربيتة ورايح النادي .. رن هاتفة
غياث : الو
الشخص : .....
غياث : بجد برافو عليك
الشخص : ....
غياث : لا كدا تمام اوي ... اختفي انت بقا عن الانظار
الشخص :....
غياث : تمام ... سلام
هنلاقي غياث راح النادي وفضل مع وسيم ومروان ومروج لحد ما آصف جه أخدهم
آصف : غياث باشا بنفسه هنا
غياث : حبيبي .. عامل ايه
آصف : بخير الحمد لله
غياث : عندي ليك خبر حلو
آصف : ايه هتتجوز
غياث بضحك : لا لسه شوية ... بس أنا اترقيت
آصف بفرحة لصديق عمره : مبروك ي سيادة الرائد
غياث : الله يبارك فيك.. حفلة التكريم يوم الخميس هستناك
آصف : هتلاقيني اول الحاضرين ان شاء الله
غياث : ان شاء الله... سلام ي صاحبي
آصف : سلام
ركب كل منهم سيارتة واخذ اخوتة وانطلقوا الي منازلهم
في فيلا الهلالي
غياث وصل هو و وسيم
غياث بدهشة : إي دا أماندا بتعملي إيه هنا
أماندا : الصل المدير خصم مني اليوم فسبتلة الشركة ومشيت
وسيم : عاش ي بنتي والله
غياث وهو يضربة علي قفاة : عاش ايه ي حيوان انت ..أماندا مينفعش كدا
أماندا بحزن : عارفة والله ... بس مبقتش عارفة اتحكم في عصبيتي وغضبي
غياث وهو يحتضنها : ولا يهمك ي قلبي ... قومي بقا خدي شور واحنا كمان هنطلع ناخد شور وننزل نتغدا سوا
أماندا : تمام
هنروح فيلا الزيني
مروان : آبيه آصف
آصف: نعم
مروان : عايزين نسافر نغير جو
آصف بحنان : حاضر ي حبيبي .. عندي صفقة مهمة أخر الشهر اخلصها ونسافر
مروان : شكراً
آصف وهو يحتضنة : بتشكرني علي إيه .. إنتم ولادي مش اخواتي
مروج : وانا مليش حضن زي دا
آصف وهو يحتضنها : تعالي ي لمضة ... ربنا يخليكم ليا
مروان و مروج : ويخليك لينا ي آبيه
آصف : يلا كل واحد يروح ياخد شاور عشان ننزل نتغدا
مروان و مروج : حاضر
أنت تقرأ
لعنة جمالك
Mystery / Thrillerرواية كوميدي أكشن وفيها غموض ولا تخلو من الرومانسية طبعاً .. رواية ميكس بين كل حاجة بنحبها
