في مكتب غياث
غياث : اتفضلي
سُديم : شكراً
غياث : ممكن ال cv
سُديم وهي تعطية اياه : اتفضل
صمت غياث يُتابع قراءة ال cv
غياث : هايل .. ال cv بتاعك حلو ما شاء الله.. مؤهلاتك عالية
سُديم : شكراً
غياث : لاحظت انك مش مصرية .. بتتكلمي مصري حلو
سُديم : ايوة
غياث : تمام .. كدا اتقبلتي في الوظيفة .. تقدري تبدأي إمته
سُديم بحماس : من دلوقتي لو تحب
غياث : تمام
غياث رن ع السكرتير
غياث : هات المحامي عشان يعمل عقد عمل للآنسه
السكرتير : تمام ي فندم
وبعدة فترة وقصيرة جيه المحامي وعمل عقد العمل ل سُديم
غياث : مبروك عليكِ الشغل ... هتبقي السكرتيرة الخاصة بيا .. تقدري تاخدي النهاردة أجازة عشان أنا شوية وماشي ومن بكرة تبقي موجودة ع الساعة ٨
سُديم : تمام .. عن اذنك
غياث : اتفضلي
تخرج سُديم وهي في غاية السعادة ونجد هاتف غياث يرن
غياث : السلام عليكم
اللواء : وعليكم السلام .. انتِ فين ي سيادة الرائد
غياث : في الطريق وجاي ي فندم
اللواء : طب بسرعة عشان في قضية مستنياك
غياث : مسافة السكة ي فندم
اللواء : تمام ... سلام
غياث : سلام
اخذ غياث مفاتيح سيارتة و خرج
غياث : اجلي كُل مواعيد النهاردة عشان مش فاضي
السكرتير : حاضر
خرج غياث وتوجه حيث جهاز المخابرات
غياث : سيادة اللوا موجود
العسكري : موجود ومستني حضرتك .. اتفضل
غياث : تمام.
اللواء : اهلاً ي سيادة الرائد .. اقعد
غياث : خير ي فندم
اللواء : جاتلنا اخبارية عن إن في شحنة مخدرات هتدخل البلد علي آخر الشهر .. بس المعاد او ازاي هتدخل او هتدخل لصالح مين مش معروف
غياث : والمطلوب
اللواء : تعرف معادها وطريقة دخولها وهتدخل تبع مين
غياث : تمام ي فندم
اللواء : انا اختارتك ي غياث عشان كفاءتك وانك الوحيد اللي هتقدر ع المهمة دي
غياث : وان شاء الله اكون قد المهمة واكون عند حسن ظن حضرتك
اللواء: اتفضل وفي اقرب وقت يكون المعلومات عندي
غياث : تمام ي فندم
غياث ل نفسه بعد خروجة من مكتب اللواء : آاااه ي غُلبك ي غياث ... مدانيش معلومة توحد ربنا ... لازم اجيب كُل حاجة بنفسي
أجري غياث مكالمة
غياث : إيه الأخبار
الشخص : .......
غياث : يعني ايه
الشخص : ........
غياث : أخرك معايا بكرة ويعرفلي كل حاجة
الشخص : ........
غياث : تمام .. هستني منك مكالمة
نرجع بقا عند آصف باشا
آصف في هاتف المكتب : أماندا .. جهزي غرفة الإجتماعات
أماندا: تمام
نروح باريس مدينة العُشاق
يامن وهو يحتضنها : بنتي ..حبيبتي .. وحشتيني اوي
لينا : وحضرتك كمان وحشتني اوي اوي
يامن : زين الرجال ... أخبارك
زين : تمام الحمد لله ي عمي ..أخبار حضرتك إيه
يامن : تمام
زين : ممكن مراتي
يامن : لا مش ممكن .. دي بنتي و وحشاني وعايز أخدها في حضني
أنت تقرأ
لعنة جمالك
Mystery / Thrillerرواية كوميدي أكشن وفيها غموض ولا تخلو من الرومانسية طبعاً .. رواية ميكس بين كل حاجة بنحبها
