لعنة جمالك

الاسكريبت المنتظر 💃💜 اسكريبت ل لارا و مروان 💜🥺

في مكتب التصميمات الخاص ب لارا نجد السكرتيرة تدخل الي المكتب و تُبلغ لارا بإنتظار شخص لها بالخارج

السكرتيرة : لارا فيه حد برا مصمم يقابلك من غير معاد مُسبق
لارا و هي ترفع عينها من علي الأوراق : قال اسمه ي رغد
رغد : قال اسمه مروان
لارا بعيون لامعة : مروان ... خليه يدخل طبعا
رغد : اوك
لارا : فنجان قهوة مضبوط ي رغد و عصير مانجا
رغد : اوك

خرجت رغد و تركت لارا بسعادتها المُبالغ فيها فها هي سوف تري حبيب القلب بعد غياب .... دخل مروان و وجد لارا تجلس و هي سرحانة

مروان : شكلي جيت ف وقت مش مُناسب
لارا و قد لجمت وسامتة لسانها : هااا
مروان : شكلك مش معايا خالص
لارا وقد فاقت من صدمتها : لا معاك اتفضل .. معلش التصميم اللي بصمموا شاغل بالي
مروان : تصميم اي
لارا بحماس : تصميم الكولكشن الجديد اللي هينزل للبراند بتاعي
مروان : ممكن اشوفوا
لارا : طبعا
مروان و هو ينظر للتصاميم بإنبهار : واو حلوين اوي بجد .. شكلي اخترت الديزاينر الصح
لارا : مش فاهمة
مروان : انا كنت جايلك عشان ....
صمت عندما سمع طرق الباب و اذن لارا للطارق بالدخول

رغد : اتفضلوا
لارا : شكرا رغد

خرجت رغد و تركتهم

لارا : اتفضل القهوة
مروان : شكرا
لارا : ها كنت هتقول ايه
مروان وهو يترك فنجان القهوة و يكمل كلامة : كنت جايلك عشان تصممي فستان ل خطيبتي عشان هقدموا ليها هدية قبل الخطوبة و كمان تصمميلي بدلة
لارا بصدمة : خطيبتك
مروان : اه
لارا و هي تجذم انها سمعت صوت قلبها ينكسر : اه مبروك
مروان : الله يبارك فيكِ ... ها هتعرفي تصمميه و لا اي
لارا و هي تحبس دموعها بصعوبة : اكيد .. قولي مواصفاتها كدا و مواصفات الفستان اللي عايزة و بكرة ان شاء الله اسلمك التصميم
مروان بحزن علي حالها : طب و البدلة
لارا : كنت مصممة بدلة عشان قرة عيني مش خسارة التصميم فيك و انا ابقي اصمم غيروا .. قول تصميم الفستان
مروان : عايزة ع زوقك
لارا : طب اللون
مروان : لافندر
لارا : اوك .. بكرة ان شاء الله هبعت التصاميم اللي هرسمها تتنفذ و خلال ايام هيبقي عندك التصميم
مروان : كنت واثق انك الوحيدة اللي هتعمليلي شغل حلو
لارا : ان شاء الله اكون قد الثقة دي
مروان : سلام
لارا : سلام

خرج مروان و هو حزين و لكن لابد من فعل هذا ... داخل المكتب جلست لارا تبكي بحرقة ع حب عمرها الذي سيخطب اخري ... دخلت رغد مسرعة ع صوت بكاء لارا

رغد وهي تحتضنها : في اي بس .. بتعيطي ليه
لارا ببكاء : هيخطب غيري .. هيخطب غيري و جايلي اصمملها فستان الخطوبة ي رغد
رغد : ما يخطب هو الخسران اصلا .. هو هيلاقي ف جمالك اصلا
لارا : قلبي متفتفت ي رغد
رغد : سلامة قلبك .. ان شالله هو
لارا من بين دموعها : بعد الشر عليه
رغد وهي تخرجها من حضنها : ابعدي ي بت .. قال بعد الشر عليه قال
لارا : عايز الفستان لافندر ي رغد .. اكتر لون بحبوا
رغد : يبقي صممي احلي تصميم عشان يحس انه مش فارق معاكِ
لارا : هعمل كدا
رغد : تربيتي .. قومي صممي الفستان يلا