لعنة جمالك

سيكولوجية 💜

جاية ليكم و رقبتي قد السمسة واقولكم ان البارت هينزل بكرة لاني مش قادرة النهاردة .... بس مش جاية بإيدي فاضية
جاية ليكم بحاجة جديدة اتمني تعجبكم ... يلا بقا قولولي رأيكم 🌟💛

                    سيكلوجية رجل وأنثي

الرجل محتاج كتالوج لكي يتعامل مع الأنثي ..لإنها كائن غير مفهوم ...كائن متقلب المزاج فقد تكون في قمة مرحها تراها تمزح وتضحك وكأن لا هم بها وفجأة تقلب الطاولة فيتبدل ميزاجها 180 درجة فتراها عابسة وقد تبكي ...وإياك ثم إياك أن تسألها عن السبب لإنها شخصياً لا تعرف السبب وراء تقلب ميزاجها فيقولوا أنها تقلب الهرمونات وياويلك من هرموناتها
فميزاجها ينقلب بين ثانية وأخري فهي لديها شيفتات ..أيوة زي ما بقولك كدة فهتلاقي الفرفوشة والنكدية والمرحة والكئيبة وإنتِ وحظك بقا مين اللي مستلم الشيفت أه والله زي ما بقولك كدة
أوعي فيوم من الأيام تجاريها في اللي بتقولة عشان هيقلب فوق دماغك ..هديك مثال لإنك غلبان ..زي مثلاً لو قالتلك أنا عايزة أخس أوعي شوف أوعي تفكر مجرد تفكير تقولها أه خسي لإنها هتنكد عليك وعلي اللي جابوك وعشان تصالحها هتدفع الشئ الفلاني ...قولها كلمة بسيطة والموضوع هينتهي زي تخسي ليه يا حبيبتي إنتِ كدة زي القمر ...حتي لو هي مش قمر معلشي تعالا علي نفسك و إكذب كذبة بيضة لكي تنفد بجلدك..
وأعرف إن الست مهما تزعق وتتعصب وتنكد عليك لو قولتلها بحبك أو إنتِ طالعة حلوة النهاردة أو خسيتي هتفرح وتنسي كل حاجة وهتفرشلك الأرض ورد ..بص يا سي السيد إنتَ الست بتحب الراجل يكون قاسي وحنين ..باد بوي بس جود بوي ..ملوش في الرومانسية بس رومانسي ...دبش بس بيقول كلام حلو ...شجاع بس جبان ..شوفتك وإنتَ مستغرب أيوة مستتغربش هي عايزة كل حاجة وعكسها ..بس من الأخر خليك سوبر هيرو ..أيوة سوبر هيرو .....بص أحسنلك متتعاملش مع بنات  أو قبل ما تستلمها من بيت أهلها خد الكاتلوج وأوعي تتنازل عنه دا إنت دافع دم قلبك يا راجل ..بس والله مش هتلاقي أطيب من قلبها وحنيتها وخوفها عليك ..إحنا عارفين إننا تركيبة غريبة وإحنا مش فاهمين نفسنا أصلاً بس مع الوقت هتفهمنا متقلقش ..أشوفك في حلقة تانية من سيكلوجية رجل وأنثي...
#menna_hesham
سيكلوجية رجل 👨وأنثي 👩