#Unicode
ဖန့်ကျွင်းရုံကို ဆန့်ကျင်တိုက်ခိုက်နေကြသည့် အင်တာနက်အသုံးပြုသူများသည် သူတို့မျက်နှာများ လောင်ကျွမ်းသွားတော့မလို ခံစားလိုက်ရသည်။ သူတို့က ဒီအဖြစ်အပျက်တွေရဲ့နောက်ကွယ်မှာ ဂုဏ်သတင်းကျော်ကြားတဲ့မိသားစုက အနိုင်ကျင့်ခံရတဲ့ စင်ဒရဲလားလိုမိန်းမပျိုလေးအကြောင်းလို့ ထင်ခဲ့ကြပေမယ့် ရုတ်တရတ် ဒီအဖြစ်အပျက်က သူငယ်ချင်းစုံတွဲတွေကြားက ကတောက်ကဆရန်ပွဲတစ်ခု ဖြစ်သွားခဲ့သည်။
အမျိုးသားဇာတ်လိုက်လို အရှိန်အဝါရှိသည့် လီဝမ့်ကျင်းသည် သူတို့နှင့် မစိမ်းပေ။ လီဝမ့်ကျင်းသည် အချမ်းသာဆုံးစာရင်းတွင် အချမ်းသာဆုံးမဟုတ်သော်လည်း သစ္စာရှိပြီးနူးညံ့သိမ်မွေ့သောပုံရိပ်ကို ရရှိပိုင်ဆိုင်ထားသောသူဖြစ်သောကြောင့် သူတို့သည် သူ့ပုံပါသည့်မဂ္ဂဇင်းများကို ဝယ်ယူရန် ပိုက်ဆံတော်တော်များများကို သုံးစွဲခဲ့ကြသည်။
လွန်ခဲ့သောရက်ပိုင်းက လီဝမ့်ကျင်းနှင့် ဖန့်ကျွင်းရုံတို့ ကွာရှင်းပြတ်စဲခဲ့သည့်သတင်း ပျံ့နှံ့သွားသောအခါက အင်တာနက်အသုံးပြုသူအများစုမှာ ၎င်းကို ယုံကြည်ရန် ခက်ခဲခဲ့ကြသည်။ အချို့ဆိုရင် သူတို့ဟာ ချစ်ခြင်းမေတ္တာအပေါ်ကို ယုံကြည်မှုဆုံးရှုံးသွားခဲ့ပြီလို့တောင် ထုတ်ဖော်ပြောခဲ့ကြသည်။ လီဝမ့်ကျင်းသည် သူ့မိန်းမကို လိမ်လည်လှည့်ဖြားခဲ့သည်ဟူသောသတင်းကို ဖုံးကွယ်ရန် ငွေသုံးခဲ့သည်။ ထို့ကြောင့် သူတို့အသိုင်းအဝိုင်းရှိလူများသာ ထိုအဖြစ်အပျက်ကို သိကြသည်။ သာမာန်လူအများစုသည် ၎င်းတို့နှစ်ဦးသည် ညှိုနှိုင်းမရသော ကိစ္စများကြောင့် ကွဲခဲ့ရသည်ဟုယူဆခဲ့ကြသည်။
ကျန်းယာ့ကော ဒီအစီအစဥ်တွင် ပါဝင်ခဲ့ပြီးနောက် လူထုက ၎င်းတို့ကွာရှင်းပြတ်စဲခဲ့ရခြင်း၏ အကြောင်းအရင်းကို တွေ့ရှိခဲ့ပြီဟု ထပ်မံယုံကြည်ခဲ့ကြပြန်သည်။ သူတို့က လီဝမ့်ကျင်းသည် ဖန့်ကျွင်းရုံ၏မျက်နှာအစစ်အမှန်ကို တွေ့ရှိခဲ့ပြီး သူမနှင့်အတူမနေထိုင်နိုင်တော့တာဖြစ်ကြောင်း ယူဆမိခဲ့ကြသည်။
YOU ARE READING
ပြန်လည်မွေးဖွားလာသော ယောက္ခမဆိုး (MM TRANSLATION)
RomanceEnglish Name: Rebirth of the Evil Mother-in-law Associated Names: 豪门宠文恶婆婆重生了 豪门宠文极品婆婆重生了 Chinese Author: Zhái Miāo English Translator: Fringe Capybara Source:https://www.novelupdates.com/series/rebirth-of-the-ev...
