Unicode
Aအခန်း(၁၅၄) - သူက သူ့သားကို အဘွားကြီးတစ်ယောက်ဆီကို ဘယ်တော့မှရောင်းချမှာမဟုတ်ဘူး။ (၂)
စာရေးသူ - Zhái Miāo (宅喵)
ဘာသာပြန်သူ - No Noe ( Miracle_Phyu97)ဖန့်ကျွင်းရုံသည် ကျယ်လောင်စွာ ရယ်မောလုနီးပါးဖြစ်သွားခဲ့ပြီးရင်း ကျန်းသဲ့ရှန်းကို သူမစိတ်ထဲတွင် ချက်ချင်းပင် အကဲဖြတ် အမှတ်တိုးပေးလိုက်သည်။ အံ့ဖွယ်ပဲ။ လီဝမ့်ကျင်းကို အရမ်းစိတ်ဆိုးစေခဲ့တဲ့အချက်ကြောင့် သူမဟာ သူ့ကို အပိုဆုပေးဖို့ ဆုံးဖြတ်လိုက်သည်။
ဖန့်ကျွင်းရုံက ကျန်းသဲ့ရှန်းကို အလွန်ကျေနပ်သဘောကျသောအကြည့်တစ်ချက် ပေးလိုက်သည်။
လီဝမ့်ကျင်းသည် သူ့လက်များကို လက်သီးဆုပ်လိုက်ပြီး ထိုနေရာသို့ ပြေးသွားကာ သူ့ကိုကောင်းကောင်းရိုက်နှက်ပစ်ချင်မိသည်။ ထိုအခိုက်အတန့်တွင် ကျန်းသဲ့ရှနသည် သူ့ရဲ့နံပါတ်တစ်ရန်သူနေရာကို ရရှိပိုင်ဆိုင်သွားခဲ့သည်။
ကျန်းပိသည် အနားသို့လျှောက်လာပြီး လီဝမ့်ကျင်း၏ပခုံးပေါ်သို့ လက်တင်၍ ရပ်တန့်စေလိုက်သည်။
ကျန်းပိက အသံတိုးတိုးဖြင့် "ခင်ဗျား ဒီမှာ ပြဿနာတစ်ခုခုရှာမယ်ဆိုရင် ကျွန်တော် ခင်ဗျားကို ကန်ထုတ်ပစ်လိုက်မယ်"
ဖိတ်ကြားလွှာက လွယ်လွယ်ကူကူ ရရှိခဲ့တာမဟုတ်ဘူး။ လီဝမ့်ကျင်းသည် ပြဿနာတစ်ခုခုရှာလိုသောကြောင့် သူသည် အိမ်ရှင်ဖြစ်သူ ကျန်းကျစ်ဆုကို မစော်ကားလိုပါ။
လီဝမ့်ကျင်းသည် ချက်ချင်းငြိမ်သက်သွားမိသည်။ "ငါ မလုပ်ပါဘူး။"
ဒီနေရာမှ ကန်ထုတ်ခံလိုက်ရမည်ဆိုလျှင် သူ့မျက်နှာတစ်ခုလုံး ဆုံးရှုံးသွားရလိမ့်မည်။ သူက လှည့်သွားလိုက်ပြီး ဖန့်ကျွင်းရုံကို တစ်ချက်ကြည့်မနေပဲ အမြန်ထွက်သွားခဲ့သည်။
ကျန်းပိသည် ဖန့်ကျွင်းရုံကို တောင်းပန်သည့်အသွင်ဖြင့် ခေါင်းအသာညွှတ်ပြလိုက်သည်။
ဖန့်ကျွင်းရုံသည် သူ့ကို စိတ်အနှောင့်အယှက်မဖြစ်စေပဲ သူမ၏ကွတ်ကီးများကို ဆက်လက်စားသုံးနေခဲ့သည်။
![](https://img.wattpad.com/cover/279181059-288-k431841.jpg)
YOU ARE READING
ပြန်လည်မွေးဖွားလာသော ယောက္ခမဆိုး (MM TRANSLATION)
RomanceEnglish Name: Rebirth of the Evil Mother-in-law Associated Names: 豪门宠文恶婆婆重生了 豪门宠文极品婆婆重生了 Chinese Author: Zhái Miāo English Translator: Fringe Capybara Source:https://www.novelupdates.com/series/rebirth-of-the-ev...