#Unicode
အခန်း ၁၂၈ - ငွေလွှဲရောက်လာသံက သူ့အတွက် ဒီထက် ပိုကြီးမားတဲ့လှောင်ရယ်စရာ မရှိလာနိုင်တော့ဘူး (၂)
စာရေးသူ - Zhái Miāo (宅喵)
ဘာသာပြန်သူ - Miracle_Phyu97 (No Noe)“မင်း အကျင့်ပျက်မ” လို့ တာဝန်ရှိသူဟာ အော်ဟစ်လိုက်ပေမယ့် တစ်ချိန်တည်းမှာပင် သူက နာကျင်မှုကြောင့် မျက်လုံးမဖွင့်နိုင်ခဲ့ပါ။ အမှတ်မထင်ပဲ သူ့ဘေးကစင်ကို တိုက်မိသွားပြီး သူ့ခြေထောက်တွေက အရမ်းနာကျင်လွန်းလို့ ဒူးထောက်ကျသွားမိသည်။
လီရှင်းယွင်ဟာ ငရုတ်ကောင်းစပရေးဗူးကို လက်မှာကိုင်ထားရင်း သက်တော်စောင့်များ ဒီနေရာကိုရောက်လာရန် စောင့်နေမိသည်။ သူမ အပေါ်ထပ်သို့မတက်လာမီ ဘယ်အထပ်ကို သွားမှာလဲဆိုတာကို သူတို့အား သူမ ပြောပြထားပြီးပြီ။
ကျောက်ရွှယ်ကလည်း ဖုန်းခေါ်ဆိုနေခဲ့သည်။ သူမသည် မျက်ရည်များဆို့နင့်နေပြီးတော့ ကျောင်းသားကုလသမဂ္ဂမှ အခြားသူများအား အမြန်လာရန် တောင်းဆိုနေခဲ့သည်။
တစ်စက္ကန့်အကြာမှာပင် အစည်းအဝေးအခန်းတံခါးဟာ ပွင့်လာခဲ့သည်။
ရုပ်ရည်ခန့်ညားချောမောသော အရပ်မြင့်မြင့်နှင့်သန်မာသော အမျိုးသားတစ်ဦးသည် အခန်းအတွင်းသို့ လျှောက်ဝင်လာခဲ့သည်။ သူက အနည်းငယ် မျက်မှောင်ကြုတ်နေပြီးတော့ စိုးရိမ်ပူပန်နေပုံပေါ်သည်။ “မင်း အဆင်ပြေရဲ့လား”
သူက လီရှင်းယွင်ထံသို့ ဦးတည်လျှောက်လာခဲ့ပြီး သူတို့အား နှစ်သိမ့်ပေးသောအပြုံးကို မပြုံးပြနိုင်သေးခင်မှာပင် ငရုတ်ကောင်းစပရေးတစ်ခုနှင့် နှုတ်ဆက်လိုက်ရသည်။
……
“အိုးးးးးးးးးး….”
ကျန်းပိကဲ့သို့ ခန့်ညားချောမောတဲ့အမျိုးသားသည် ငရုတ်ကောင်းစပရေးနှင့် မိတ်ဆက်ခံလိုက်ရသောအခါ သူ့ရဲ့လေပြေလေညင်းလို ခန့်ညားချောမောတဲ့ပုံရိပ်ကို မထိန်းသိမ်းနိုင်တော့ချေ။ သူ့အနေဖြင့် ဖန့်ကျွင်းရုံကို မချည်းကပ်နိုင်သဖြင့် သူမသမီး၏အာရုံကို ဆွဲဆောင်နိုင်လိမ်မည်ဟု သူ့ကိုယ်သူထင်ခဲ့သည်။
أنت تقرأ
ပြန်လည်မွေးဖွားလာသော ယောက္ခမဆိုး (MM TRANSLATION)
عاطفيةEnglish Name: Rebirth of the Evil Mother-in-law Associated Names: 豪门宠文恶婆婆重生了 豪门宠文极品婆婆重生了 Chinese Author: Zhái Miāo English Translator: Fringe Capybara Source:https://www.novelupdates.com/series/rebirth-of-the-ev...