صراع امرأه (مفاز اليقين)

البارت الـ3..

مفاز :دخلت وجان اشوفف .

بس صياح امي وبيبي تضحك وابوي يضرب امي

ركضت كتله باباا فدوه لا لا حباب الله يخليك عوف امبابا عوف اميي راح تموت بأيدكك

ابو مفاز :وخرييي بت الكلب

مفاز:-دفعني وطحت وامي حالها حال الميت بين أيدي رحت بيبي بيبي حاجي ابوي خل يعوف امي امي راح تموت من وره ضربه

بيبي :شعليه رجال ومرته

مفاز بقيت بس ابجي مابيدي شي اسوي كاعده واترجاه ومحد بالبيت وهاي بيبيتي بس تضحك و امي راح تموت

صحتت علي بابااا كاففييي امي راح تموت كافيييي

ابو مفاز :يعله بالموتتت وخله وراحح

مفاز :ركضت على امي وهيه جثه هامده حتى ماتكدر تحجي واخواني مصدومين ودموعي تجري على خدي احاجيها ماتكدر تحجي بالكوه يالله تنطق ..

ام مفاز :فدوه ماي ..

مفاز :ركضت جبتلها ماي وشربتها .. اخذتها للغرفه وكعدتها .. يمه شبيج شصاير بينج وبين ابوي ليش كتلج ..

ام مفاز :يمه والله ماكلتله شي ،، اجه يصيح ويهد وانا اليوم كعدت مريضه كلش مابيه حيل فلاونزا ومسطوره كلي جيبيلي كلاص ماي رحت شفت الغده ونسيت اوديله

اجاني صوته قبل لا يجي يرعد ويصيح كتله على كيفك شسالفه الله وكتبه ورسله وهوه هد علي..

مفاز: يمه تعرفين ابوي شكد عصبي جان انطيتي كلاص الماي
ارتاحي يمه ارتاحي سوده عليه..

ام مفاز :لايمه اريد اغسل الطارمه

مفاز :يمه راح تخبليني والعباس انتي تعبانه والضيم حالج

عوفي يا شغل يا امه ماتكوم مرت عمي شنو معوقه ماساعدج انتي ليش ساكته الها وعلي راح تضلمين روحج وتعودينهم عليج..

ام مفاز: يمه ميخالف استحي اكلها

مفاز :كعدي اني اغسل الطارمه انتي ارتاحي..

غسلت الطارمه واني بملابس المدرسه رجعت باوعت اخواني مبدلين ،، رحت طلعت ملابس وسبحت ،،
اجت دعاء كالت يله جوعانين ماتصبين الغده كمت صبيت غدا اليه واخواني تغدينه غسلت الاماعين كمت اروح اشوف دروسي ..

دخلت للغرفه واشوف رضاا ابن عمي الصغير
مطشر الكتب وشاك دفتري وآني

حبل المشنقه ولا كتبي ..

احترك كلبي دفتري وكاتبه بي هواي صيحت عليي ولككك ليشش وينننن امكك عنككك
اجت امه المسعده رافعه خشمها وتحجي..

ام رضا :-اي عيني مفاز شبيجج صيحين

مفاز:- ترى ابنج شك دفتري بعد عليمن اصيح..

ام رضا :واذا طار نص كتب هيه كله دفترر وهسه شدعوه عليج امشي رضاا اطلع براا

مفاز :خذته وراحت. .. متتت من القهرررر احس مثل النار وشتعل بقلبيي يعنيي والله مليت من هاي الحاله وين اروح يربي الله لايطيكم خايبين شمسويلكم والله مادري