صراع امرأه (مفاز اليقين)

البارت الـ20..

مساء الخير حبايب قلبي واسفة على التأخير..
.
.
.
وكفت السيارة يم باب بيتنه دمعت عيني شكدد مشتاقتله هالبيت والي بي نسيت كلشي بس ارد ادخل اشوف امي وخواتي
وقفني صوته المغضب

ضاغط على الستيرن بقوة وعيونه تنط شرر ويباوعلي ويدور

: انتي طالك ..

: وبهالكلمة اتوقفت حياتي وية غيث...

-بعد مرور فتره من الزمن -

مفاز: السلام عليكم

حنان: هلا يمه الله يساعدك

: ويساعد شنو ما اجن البنات

: لا ما اجن بعدهن .. شلونه جان دوامج

: لا الحمدلله زين اروح ابدل واصلي

: روحي يمه هسه شوي ونصب الغده

: رحت بدلت وصليت وكل يوم احمد ربي على رجوعي الدوامي وحياتي دخل ابوي ولگاني اصلي باس راسي وكعدنه حجينه شوية على الدوام  وراح .. رحت يم امي اساعدها ودخلن الحبايب

دعاء:- خايبةةةة ام جااااسمم

دلال:- يمةةة اكل اكللللل

: ولج الواحد يكول السلام عليكم وانتي اكل اكل دروحن بدلن يلة

: بعدروحيي اختيي

زينب:- هلو ماما هلو مفاز حبابين جوعانه

: يخسةة الجوع يبعد روحي .. يله بدلي حتى ناكل

: يمةة ذني بناتج خوفني ليكول مفترسات خوب دلال بليل تگابل الثلاجةة

: ولج يمه ياريتها تسمن على حطتها

: اي والله جنها قرد هههههه

: ههههههه ناوشيني المواعين خالنصب لا يهجمن علينه

: بدينه نصب وناخذ الاكل للديوانيه نزلت لميعه شوي صايرة حبوبه مو مثل اول وحتى بيبي بس ختام الوحيده ما شفتها

كعدنه ناكل واكلي بأيدي أو كتابتي جداً مؤذيه لان بعدها مشوهه ويصعب عليه الحركه بيهن هذا الشي الوحيد الي خلاني ما اتناسه غيث

ابو مفاز: بوية فوازه حجزتلج عد دكتوره خبيرة تجميل لايديج ..

ام مفاز: والله زين ماسويت سوده علية ايديهه الحلوه شصاير بيهن حسبي الله ونعم الوكيل

: مو زين يا مره لا تتحسبين ..

: خلصنه الاكل وسيرة بيت عمي سالم ماطاحت من لسانهم .. دخلت لغرفتي وبديت ادرس نور تلفوني بالمتصل "بثينه"

الووو هلا يبعد الروح

بثينة:- خايبةةة مشتاقتلجج بدونج فاهيه

: ماتعودتي على غيابي ولج

: ليش عيني هو ذكراج رايح من البيت يوميه يوميه نذكرج وابوي شوي ويبجي عليج واكو ناس وجهه يحتقن من الندم والاشتيااق