صراع امرأه (مفاز اليقين)

البارت الـ7..

مفاز:-راحت امي تسوي عشه الهم واني كعدت انضف خضره وماحس إلى ماي تبده علية..

هاي منووو ..

ابرار:- شبيج نشاقة وياج مايصير

_مو هيج الشقه ترى ..

ام مفاز:- شبيج عمه اشاقي وياها بس مو هيج

ابرار:- عمه لا تدخليني اني وبت عمي نحب نشاقة مو مفازز

مفاز:-تحجي وتضحك بمكر شكد كريهه يربي راحت امي تشوف الاكل واني كملت ورحت للغرفة

لكيت دعاء كاعده وتباوع كارتون

شبيج كاعده هنا ماترحين يم بيت عمج ..

دعاء:- انجبي بالله همه شلون فئة وانا اروحن يمها خليني كاعده احسن من ما تطلع بلوه على راسي ..

_ اي والله تجيك التهايم وانت نايم ، اخذت دشداشه ورحت بدلت وتعطرت ولبست شالي

هااا دعيووه شلونيي ..

_ نفس الچهره كلشي ما تغير ..

_ كبر اي والله حتى الثقة شلتيها ..

_ خوش عمي عدج ثقة ..

_چاا شعبالج ..

_ اكلج هيي عگب باجر نمتحن مو ؟..

_ هنيالج يمه على هيج خلفة ايي حبيبتي عگبة امتحانات نصف السنة وانتي كلشي ماكو ..

_ ربج يسهلها والبراشيم موجوده ..

_ مبارك عليج ،، كومي خالنحضر هسه يكولون شعدهن كاعدات وحدهن ..

_ عبالهم نسوي سحوره لو نراسل صحبانه حتى محد يباوع بوجوهنه ..

_ خايبة امشيي لسانج شطوله ..

_ حوبتي ربي حوبتي بيهم .

_ طلعنة وانا اضحك عليها بس تدردم عليهم وماعاجبها جيتهم

صدك يدقون اصواتهم عالية من يتناقشون وضجة بالبيت

چملوها بيت عمه ختام اجوو واني الخوف سره بجسمي من شفت امير دخل وياهم

خايفة لا يسوي شي والله اروح بيها بس يكضني وحده من الحياية العدنه

عمتي تسلم من ورى خشمها مدري شمالها وتتمخطر بمشيتها همست دعاء وهيه دا تسوي الزلايط ..

دعاء:- دخلت علينا ديانا مو ختام ..

_ اشش لتسمعج فلك طرج كون ..

_يحركون الچبدد مو بس الگلب ..

دلال:- لا المعلاك ..

مفاز:-هههههه باع هاي دور على بطنها ..

دلال:- اهم شيي البطننن ..

دعاء:- علقل تفيدنه احسن من ختام وقومها ..