صراع امرأه (مفاز اليقين)

بارت الـ12..

العشگ مثل الـورد 🥀
يرادلــه امــدارات
اذا مالــك خلــگ
لاتـــزرع وتمشي ..

.
.
#مفاز_اليقين_البارت_الـ12
.
.
- بيمن دتفكرين ..

- بالماخذ قلبي ..

- غيوثيي عيوني ..

- وجعع ..

- نامي بعدروحي نشالله تعرسين وافتك منج وشرط إلى غيث لو واحد اسمه غيث ..

- ههههه لا انشالله غيث ،، وضلينه نسولف لحد مااخذنه الوكت ونمنه

فزيت الصبح على صوت المنبه ،، غسلت وبدلت ملابسي صبحت على امي وابوي وتريكنه

مازن:- بويه جيرانه ابو شاكر عده خط لكليتكم وسجلتج وياه أنا ماكدر اجيبج واوديج يوميه ..

- مشكور بابا ماقصرت الله يطول عمرك ..

- بعدروحي بويه هاج مصرفج ،، وانتي بويه ماترحين للسوق اليوم..

ام مفاز:- يي انشالله رايحه اليوم ..

- اي والله بالي سمچ شوي ..

- من عيني يالغالي..

مفاز:- اي اي عيني الله يديم المحبه..

ابو مفاز:- امشي يمكن وصل ابو شاكر ..

-طلعنه اني وبابا وصدك طلع ابو شاكر واكف بالباب ،، حاجاه ابوي وصاه عليه وراح صعدت سلمت على البنات الويانه ونطلقنه للكليه

وصلنه والتقينه اني والبنات بالبوابه ..وكلمن راح للقسم الخاص بي ،،وصارلنه شهر على هالحاله بهالعالم المملوء مغامرات ..

رجعت للبيت واستقبلتني ريحة الاكل التخلي الواحد غصب عنه ياكل ،، سلمت عليهم ودخلت بدلت لكيت البنات قبلي جايات وكعدنه نحجي شصار ويانه على ما يكمل الاكل

دعاء:- ولجن اليوم المدرسة مدحت بيهه شكدد والله كيفتت لان درجاتي عاليه ..

-وانتي ست دلال ..

دلال:- لا توصين حريص بعدروحي انااا اخت مفازز ماززن شلون مو شاطره اصلا درجاتي تجنن ..

-يي عفيه بنات ،، ولجن اليوم الامتحان صعب وخايفه منه والله ..

-لا لاتخافين انتي كدها ..

ام مفاز:- بنااات يله يمه غدده ..

دلال:- اركضض اخووي عامرررر ..

دعاء:- ولكمم اكلل اكللل ..

مفاز:- اسم الله الرحمٰن خايبات مجاعه عدنه ..

- التمينه على السفره وبدينه ناكل فتح ابوي موضوع سجى بت عمتي امل قبل چم يوم خطبها واحد وياها بالكلية ،، ويحمدون بأخلاقه

ابو مفاز:- بويه ترى الحفله هنا بيتنه ،، بيت امل مايكفي وناس الولد خير من الله ..

ام مفاز:- ياا عين غطه وعين فراش ..