صراع امرأه (مفاز اليقين)

البارت الـ9..

#مفاز_اليقين
#بقلم_الكاتبة_انوار_الجبوري
#البارت_التاسع
.
.
.
*منذ طفولتي عشت المرارة والاسى مع من هم اقرب الي مع من هم دمي ولحمي تغاضيت بعض الامور من صغري ولا اعرف ما هو سبب كرههم لي
لكن لان انسى مقولة (أن ربك بالمرصاد)

مراهقتي عشتها مع من عذبوني وصنعو لي وحلاً من الفضوى ومن ثم الله عوضني بمن هم احسن

#بقلم_انوار_الجبوري
.
.
.
مفاز:- اخذ الجاي وراح لليل واحنه كاعدين نسولف رحنه نام بغرفة بثينة وبنات عماتي وعمامي ميتات من القهر

كاعدين نسولف ونحشش ويمنه حب وحلويات

رئساً ندفع الباب ..

درنه وجهنه بخوف شفت هذا الولد لسلم علينه اليوم ،، حيل ارتبكت وچنت مالابسه شال ضل يحمحم
بسرعة ركضت لبست شالي
واني خدودي صارن كلوب احمر ..

غيث:- بثينة صارلي ساعة اصيحلج كلبت علليج البيت كلاب ..

بثينة:- اسفة خويه بس كاعدين سوالف بنات ونسيت روحي ..

_ كومي اكويلي دشداشتي والغتره ..

_تدلل من عيوني ..

مفاز:- طلعت بثينه واجه كعد وسطفت بدالها ويتشاقه ويه دعاء...

غيث:- يي فصمه شلونج ..

دعاء:- دطيرر ترى انت طويل وتشوف العالم فصم ..

_ والله هالكدوتج چنچ استاكنة چاي ..

_ اهوو كعد يصنف علي عاد انت جنك نخلة ميته ..

_ ضحك ورد عليها بثقه ،، نخله ولا فصمه ..

_ ايباااه ،، دجيبب خلصت الكرزات ..

_ ترى انا مشتريهن  ..

_ هلكول غصيت عينك عليهن ..

_ هههه ،، اكلج هاي اختج خرسة ..

_ ياا اسمم الله مو مساع تحجي ..

_ صارلنه ساعة نلغي ولا نطقت بحرف ،، سمعينه صوتج عمي ..

مفاز:- چنت صافنة مدري وين ومدري شفكر صحيت على صوت غيث وهوه يكول سمعينة صوتج عمي ..

هاا هلا ..

_ هلا بيج ،، اكلج انتي شمكمله دراسة ..

_ نجحت من الثالث متوسط ..

_ عفية كملي الدراسة ترى حلوه مو تعوفيها ..

دعاء:- يي تريد تصير دكتوره ،، وانت صيدلاني كملت السبحة ..

غيث:- رفع اكتافه بثقه وكللها ،، چاا شعبالج صيدلاني ونص ،، دار عليه وحچه ،، عفيه بويه صيري دكتوره مادام هذا حلمج واسعيله ورفعي راس اهلج ويوم نفرح بيج نشالله

وانتي دعيوه ضلي مدمغه اختج احسن منج ..

دعاء:- اصبرلي اصبرلي بالعباس إذا ماخذ دراسات عليا واكسر خشمك .