صراع امرأه (مفاز اليقين)

البارت الـ17..

أسعد الله أوقاتكم بكل خير حبايب 💚💚
.
.
قطع الصمت عمو سالم

- كعدو بوية عندي وياكم حجاية ..

غيث:- يي بوية امرني ..

- بنيتي تريد تطلك يبوي من بعد السويته بيها لچنها ماتريد تكمل وياك بعد ..

- شنوووو اناا اطلكك مفاز ..

- بي بوية .

- كول غيرها يبووي ادري وين تروح لهلها يذبحونها والله ..

مفاز:- طلكني ومالك غرض بيه ..

وگف بغيض وعيونه تجدح وكأنو ماعاجبة السمعه مد صبعة بتهديد

- والله يا مفاز تحلمين اطلكج ..

-عافنه وطلع ،، درت على عمي وعيوني تهمل
عمي شوفه مايقبل والله راح يخبلني ليش يريدني اشرد بليلة ضلمة ،، خلي يطلكني والله ماريدده ماريدده اكرهااا

- استهدي بالرحمٰن بوية يجوز يريدج ويحبج الولد ..

- عمو ماريده الله يخليك يوميه معيرني واني بالنسبة إلى عار وين الحب بالموضوع ..

- والله يابويه محتار بيج واذا طلكج وين ترحين

- اتحمل اهلي ولا هوه بس خلي يعوفني

- كومي بويه كومي نامي وارتاحي وانشالله يصير خير ..

- مسحت دموعي وطلعت من الديوان وانا اناشغ ، لكيت بثينة واكفتلي بالباب  ،، هاا شبيجج

بثينة:- شمالج تبچين ورجلج دخل مطنكر

- ولج شلون عمو كله طلگها اخوج يخبل الواحد والله..فجأه نگلب علينه وحش وضل ينتر بكلامه ..

- اهووو والله مكروهين اخواني ،، الله يحلهاا نشالله امشي دخلي عيونج راحن
- اهووو چنه يحبج عيني اخوي الصيدلاني مدري دكتور

- ولچ چم مره اكلج صيدلاني يختلف عن الدكتور واخوج صيدلاني ..

- فهمت فهمت ،، امشي نام نعست ..

- صعدنه فوك ،، طلع من الغرفة بصعدتنه  ينشف شعرة بالمنشفه ضل يباوعلنه ،، فتحت الباب بثينه ودخلت واني وراها بس وقفني صوته

غيث:- وين مولية ..

- عفواً

- وين مووولية شني طرشةة ..

- ارد انام ليش ..

- وشعدج نايمه يم بثينه ..

- اكلك شنو تحقيق ،، يعني متعرف انام يم بثينه ..

- انجبي وتعاي انطمري هناا ..

- خلي غرفتك الطاهره الك ، والعار مايصير يدخللها ..

- استغفررراللله يالله طبج مية مرض عاد ميت عليج ..

-سديت الباب واني ادردم وبثينة تضحك عليه ذبيت الشال وكعدت بالكاع متربعة واتفف ، مانخلصص مانخلصص هسه شرجعك للبيت..