صراع امرأه (مفاز اليقين)

البارت 21 ..

وهاا نحن سوف نأخذ ما قرأناه وتعلمناه وتعلقنا بهِ من هذا الرواية ونغلق الباب ونذهب

مفاز اليقين البارت الاخير

.
.
.

‏"نتشاجر، نبتعد، نقطع شوطًا طويلاً من المحاولات في أن أتخطاك وتتخطاني، لكننا في نهاية الأمر نعود. أعود إليك كأنك كل الطمأنينة، كأنك الملجأ الوحيد لشخصٍ أنهكته الحياة، أعود و أنا أحبّك أكثر أرغب بك أكثر، أعود لأنك وحدك من أعدّه كل شيء وحدك من أود البقاء معه بغض النظر عن ما يحدث."

.
.
شتاقيتلها اي والله كلش بعد شتاقيتلها إلى متى اضل انتظر وروحي مابيها صبر بعد راسلت بثينه

بثينه بدون نقاش دزيلي رقم مفاز

: خوش خويه

: دزته وجانت كاتبه صديقتي الصدوقه

غيرته وكتبت ماي عيني

دزيتلها

مشتاگلج .. ورجعت حذفتها وضليت ادز وامسح لحد ما ثبتت على هالكلمه

سامحيني

جهزت ملابس الدوام ورحت سويت ريوك واخواني كعدو كلهم تريكنه وكلمن اخذ غراضه وطلع للدوام .. انتضرت السايق ابو شاكر صايرة ما ارتاحله هلايام شوو مدري شلونه ويذب حجي طايح حظه .. دك هورن عرفته هوه اخذت كتبي وطلعت جان مكاني يم شوق وانطلقنه للكلية ومثل كل يوم نطلع من المحاضرات ونتجمع اني والبنات والاكل كدامنه

وسوالفنه وشقانه وضحكنه وخلص اليوم كالعاده انتضرنه ابو شاكر يجي صعدنه وصلنه كلمن البيتها دخلت لكيت نبع الحنان مسوية شلون دولمة تجنن عاد رحت بدلت وخواني جايين قبلي صبينه واكلنه

بيبي:- حنان اليوم أم علي جوارينه خطبت فوز مني (تقصدني) وكلتلها اكل لابوها واردلها خبر

حنان:- يي حجيه زين تسوين كلي لابوها انا كلشي مابيدي

: جاا خوش يجي واكلله

لميعه: يي حظ المطلقات كلساع رجل ..

بيبي: سالمين لميعه خانمم شمالجج لو جلدج ضل يحكج ..

:نطمينه عمي حسره على الواحد يحجي بهالبيت

: گمت شلت المواعين الفارغه وغسلتهم سمعت موبايلي يرن غسلت ايدي ونشفتهن بدشداشتي باوعت مكتوب ع الشاشه اسم المتصل (نبأ)

هلوو نبوو خوفتيني شصاير ..

..لا ولج ماصاير بس اكلج عزمتنه وحده من البنات ويانه بالقسم وكالت عزمو وياكم البنات وانتي تعرفيها خطيه خطوبتها امشينه نتونس

منيه ولج

..شمالج عبير الي وياي بالقسمم

يااا اي تذكرت هاي أم عيون الخضر .. خطيه الله يسعدها ويهنيها اشوف ابوي وامي واكلج