صراع امرأه (مفاز اليقين)

البارت الـ19..

مساء الخير والعافية عليكم..
.
.

- الحمدلله  مشكور عمو والله تعبتك وياي هوواي بس والله ما راح انسه كعدتنه وسوالفنه ومحبتك إليه ..

- بوية ليكول تردين تعوفينه وترحين ..

غيث:- وين تروووح؟؟

- والله علمي علمك بوية ..

- عمو اني مقررة ارجع الحياتي الطبيعية ودراستي ..

غيث:- يعني شنو ..

- طلكني

-انتي مخبله عاقلة اطلكج شو كعدي وسكتي ، شعندج راجعه يمهم ..

- أولاً حياتي هناك اعرف اتحكم بيها ثانياً ارد اكمل دراستي واخذ شهادتي ثالثاً اعيش حياتي الي اريدها واتزوج الاريدده ..

- مفازززززز بعد بعدد ضلي عددي من اجيبج بطراك احد يلومني

الشيخ سالم:- استهدو بالله ولكم شمالكم جنكم فيران تناگزون ، روحي بوية رتاحي ونشالله خير ..

- طلعت من يمهم ورحت يم بثينه حجيتلها كلشي صار ..

______________________________________________

شيخ سالم:- اكلك بوية انتَ شنهي سالفتج

غيث:- يا سالفة ؟؟

: ما تطلك البنيه وتعوفها تروح بسبيل حالها دام نحلت مشكلتها وفوكاها انت ماتريدها ..

: حكيت لحيتي وباوعتله ،، والله بوية ماكو مشكلة بس ماتشوفها هيه لو تكلها بز تبجي وعماها حقراء
ماشفت ماجد الكلب شسوه ..

: طبه مرض عدها ابو ودامها رايده قرارها خليها براحتها ..

: بس ..

: والله جنك تحبها يملعون ..

: صدك جذب بوية لا حب ولا خرابيط كتلك انا من زمان معتبرها من خواتي ..

: دكوم امشي وباجر جيب السيد حتى تطلكها ..

: خوش يابة ،، عنك اذنك .

: اخذ راحتك بوية

: طلعت اتمشى بالبستان .. هسه شبيه محترك عليها طبهاا مرض نارها تاكل حطبها .. بس هاي الثولة فقيرة واخاف عليها من عمومتها مو صعبه عليهم يهموها بأقوى من هالعمله
هسه تولي فد نمونه ختروح تفكنه من شرها .. وبعدين هيه لا تريدني وانا لا اريدها شكووو بعد استغفرالله ربي ..

___________________________________________

مفاز:- صافنة بالفراغ الكدامي والاسئلة تدور براسي ..
مو بهالسهولة امير يجي ويعترف ويكول اني الاعتديت عليها
واضافتاً امير جبان مايسترجي يوكف بديوان شيوخ الهم صيتهم ومكانتهم ويعترف لابد اكو شي

زين شنو هالشي الخلاه يعترف؟؟

فززني من صفنتي بثينة

بثينة:- هييييي