#البارت_الـ23_والاخير
.
.
.
-وهـا نـحـن قـد وصِلنا إلى اخـر بـاب من بيبـان هذهِ الروايـة التـي عشـنا معـها المـأسـي والفـرح مـع البـطلـة الـذي عـانت من سـن صُغرها لـ حـين أن كَبـرت وهـبـت الريـاح الربيـعيـه فـي وجهـهـا بـعد عواصـف الشتـاء المدمـره 💜..
باسني براسي واقتربت شفايفه على اذني هامس بصوت خاف
" صرتي الي مفازي ويقيني "
"اروحلج فدوه ونذر"
ارتسمت على شفايفي البسمه وهو كذلك علنة منظمه الديجي عن دخولنه
دخلنه مع اغنية حسين الجسمي
"اسم الله الرحمن سمو عليها"
ساعدونه البنات حتى اكعد على الكوشه لان جانت بدلتي موديلها ملكي وضخمه مال قاعات كعدنه نشاهد العالم الي متعنيه حتى تشاركنه بهذي الفرحه
عيونه الي قلقتني و خلتني اتوتر زايد فرحته الي متنوصف عالم ثاني ..
بدت المنظمه تسوي فقرات واول فقره بدت بيها العريس واهله يركصون
اجن خواته ليلى اخذت ايـده اليمين وبثينة ايـده اليسر وقادنه للستيج مدري شيسمو شغلتلهم اغنيه هادئه وهو يكللها لا نريد قويةة مو ذني مال مايعين
شغلتلهم (معزوفة) وجانت من صدك قوية بدو يركصون عليها والضحكه والبهجه مليانه وجهم
دار على الكوشة الكاعده بيها وتقدم بأتجاهي
هوه وعيونه التلمع وابتسامته المرسومة على وجهه
مد ايده الي كذلك اني بادلته وضميت ايدي بأيده
اخذني وياه وبدينه نركص كلنه سوية والضحك تارس وجوهنه نسيت كلشي نسيت
نسيت اوجاع الماضي واوراقها الي سلبت مني مطلق الحرية والطفولة وسن المراهقه الي ما عشته مثل البنات رجعت اني البنيه الجنت اول مره داخله لبيت شيخ سالم واول نبضة نبضت من قلبي لغيث
خلصت الحفلة ورحنه نصور وخبل المصورة خلاها متشوف دربها كلساع وكلها شنو هاي الحركات
من عهد جدي وجدج نريد جديد وكل متكله على حركه اعترض بطلاع الروح خلصنه تصوير
الزفه راحت بقينه بس اني وياه وامي وامه وخواته ودعاء كلهم رجعو صورنه صورة عائلية وطلعنه
وصلني للبيت ودخلت استلمني البنات هلاهل وهم رجعن يركصن ولا يشبعن كعدنه ناخذ صور ونضحك
ويحششن ماقبلت ابدل صاحتلي امي وكالت رجلج يريدج بالديوان روحيله يمه
باوعتلها بتساؤل يمه ابدل لو عادي اروح هيج؟
طفرت من يمها دعاء وكالت دروحي دروحي شبع بيج شوف وهسه مستحيه عاطت بيها امي
خليت شال على ناحية صدري لان جانت البدله شويه فاضحه لان ملكيه رحتله فتحت الباب
وكف وتقدم بأتجاهي وهو يضحك
أنت تقرأ
صراع امرأه (مفاز اليقين)
Lãng mạnواگفه كدام قصر مثل القصور الي بأفلام الاميرات والمكان يخبل انفتح الباب ودخلت انضر للمكان بدهشه وتعجب فجأة انغلق الباب وصار المكان اضلم خفت بشده وانفاسي العالية ملت المكان هرولت للباب بسرعة حتى افتحه اخاف من الاماكن المغلقه افتح بالباب مينفتح دمعت...
