صراع امرأه (مفاز اليقين)

البارت الـ8..

#مفاز_اليقين

#البارت_الثامن

#بقلم_انوار_الجبوري

.
.
.

مفاز: باقر لاتدخلني بهيج سوالف والله اني صح عندي جهاز بس ماراسل وانته شايف ابوي وعمامي باقر اترخص منك اني اسفه وخليت ورحت ..

نزلت ودخلو بيت عمتي ختام خاف عايزه التمت عليه

باوعلي امير بأستغراب وكأنو يكول شبيج تجاهلته وكلنه كعدنه بالصالة والجاي والحب والكرزات

امير:- دامكم كاعدين ومنجمعين نشالله ع الخير ،، خالي مازن كدام الكل والجميع وثق بيه ومن كل قلب

انا رايد مفاز على سنة الله ورسولة ..

مفاز:-ضليت فاكه عيوني وحلكي وهوه يضحك ويباوعلي توجهت الانضار عليه احس نضراتهم مثل الاسهام عليهه

عمه ختام عيونها وجن شرار احسها تريد تاكلني هيه وبناتها

والبقيه ليكول ماخذه ثارهم عجيب جان امرهم

اصلا حقهم هوه اني مصدومه من نفسي ومن حچيه صحيت من صدمتي على صرخة عمه ختام

ختام:- ولكككك اميرررر شجاااي تحجي يمهه ستخفيت تريد تاخذ هااي العرجهه الثوله

خايب على گص رگبتي چاا غيرر اتبره منك ..

ماجد:- خايب تخبلتتت تاخذ وحدده لا شوفه ولا عوفه وفوكاها معوقة ..

ابو مفاز:- شبيها بنتي كامله مكمله والكامل اللة،،وبعدين بوية امير اعذرني بنتي مانطيها هسه اريد تكمل دراستها ..

امير:- عمي نعقد واخليها تكمل ..

ابو مفاز:- بس ..

_ عمي رحتلك فدوه لا تكسر قلبي أنا اولى بيها من الغريب ..

_ شوف بويه انت والنعم منك ومن اصلك وانت ولا غيرك بس يبوي الكل رافض من كل جهه واذا على مفاز هاي كدامك وانا اسألها

ها بويه مفاز شكلتي ؟؟

مفاز:- جنت منزلة راسي واطكطك بأصابعي من التوتر صاحلي ابوي  گمت ورفعت راسي بكل ثقة ..

بابا اني رافضة فكرة الزواج من راسي بعدني صغيرة وارد اكمل دراستي ،، عفتهم وطلعت دخلت الغرفتي

حزت بخاطري شلون يحجون عليه ليش هيج يكرهوني ياربي والله ممسويتلهم شي مادري بشنو مضوجتهم

شوية ودخلت دعاء

دعاء:- يمه يمه الله لا يطيجن كون شنو من عمات وعمام هنيالها لامي على هيج عيال يا يمه

خايبه شلعبت شسوت لو كايللها اخطب وحده من الملهى جان ماحجت هيج

ما خلت غلطة ما خلت حجاية ماحجتها لعبت لعبب بس تدرين امير يكلها لو يبقى اخر يوم بعمري اخذها يعني اخذها بالغصب لو بالطيب