صراع امرأه (مفاز اليقين)

البارت الـ18..

مساء الخير يحلوين 😍💚💓..

.
.
غيث:- مفاااااااااز ..

بثينة:- ولج ركضي شوفي شبي ..

مفاز:- خليت الشال على راسي ورحت ركض فتحت الباب ،، هاااا هاااا

- الملابسسس ..

- ضربت كصتي بخفه ،، نسيتهن بالغسالة والله هسه اشرهم واكويهم ..

- يلله بسرعة ستت شكد فاهية ..

- رحت لغرفة الغسيل طلعت الملابس وصعدت للسطح شريت الملابس ورجعت نزلت جوه لكيت عمتي وبثينة كاعده تتريك وهو يشرب چاي ومرت علاوي كاعده توكل جهالها

ام غيث:- اي همزين اجيتي .. تعاي طبخيلنه مابية حيل ..

- اي عمه شسوي الغده ..

علي( اخو غيث):- فوازه عليج العباس مطبك دجاج مشتهي حلو تطبخينه ..

- اي من عيني ..

غيث:- وانت نمشي على ذوقك استاذ ..

-ولك والله فد طيب تسوي العوبة ..

-عمي والله هنيالك تتأمر وينفذولك بدون حجي ولغوه..

مفاز:- تجاهلته وتجاهلت كلامه الي اجه بسمار مثل ما يكولون .. طبخت الدجاج وطبخنه صلوات مال عشيرة لان هواي احنه أو مرات يسوون زيادة لان خطارهم مفاجئ ..

خلصت كلشي وخليت الاكل على نار هادئة ،، توضيت ورحت اصلي من بعد ما البيت صار هاددئ لان الكل بغرفته يصلي بس صوت الجهال يلعبون برى  ،طلعت اصيحلهم خطية شمس وحارة عليهم بس مكيفين بالحديقة

ناددين ، رضاوي خاله دخلو جوه حارة عليكم ..

نادين:- اي خاله هسه ..

- دخلت اشوف الاكل حتى اصعد اصلي ،، دخل مروان اخو غيث الصغير

مروان:- الله شنو هالريحه الطيبة عاشت ايدج ..

- بأبتسامة.. وايدك العايشة يله صلي حتى نصب الغده ..

- يله رايح ..

- مروان اصغر مني بـ5 تقريباً اعمارنه متقاربة ويعاملني مثل بثينه وكعداتنه وعصرونيتنه كلها سوه فمتعوده علي هواي خصوصاً بالفتره الاخيره ،، صعدت لكيت بثينه تسبح

بثينه خيه إذا خلصتي بالج يم الاكل فدوه لعينج ..

بثينة:- خوش خيه صلي ..

- بديت اصلي وبثينه خلصت قبلي ونزلت ،، نزعت چادر الصلاة وشلت المصلاية دخل غيث ..

غيث:- بناات جعنه ترى ..

- بأرتباك.. يي هسه راح نصب بس خل يجي عمي ..

- جاا وين بثينه ..

- نزلت قبلي ..

- هاا خوش چاا خفن ايدجن.

- هزيت راسي بنعم ،، لفيت شالي عدل ونزلت لكيتها كاعده تباوع لان بالمطبخ خالين بلازما صغيرة  ..