صراع امرأه (مفاز اليقين)

البارت الـ14..

مـسـاء الخـيـر والــورد عليكم حبايب♥️♥️..
.
.
.
ابو مفاز:- صدك يمه شبيها ختام شصاير عدهم ..

بيبي:- ولك يمه سوده عليه راح يموتها ابن رضية ..

- شبي ابن رضية يمه ..

- متزوج على ختام صارلة سنة

- لا لا بربج عود صدك ..

- اي والله يمه سودة عليه وهنوب ياريتها حلوه بيها خيرر ايرانية وريحتها كله ثوم وبتي الثوله صارلة سنة وهيه ماتدري ..

دعاء :- بهمس،، من حلات بتج هسه والله زين يسوي ..

مفاز:- وجع لحد يسمعج ..

محمد:- والله يمه لا هو اول واحد ولا اخر واحد ،، وشكو بيها واذا تزوج عليها شي اكيد مقصرة وياه واختي صلوات لسانها بيكيسي حشة مو مره ..

- يع دهر فرك حميد هيج تحجي على اختك ..

- شنهي قابل جذبت ..

مازن:- والله يايمة هلايام دارجة ع العراقيين كل واحد جايبلة سورية لو لبنانيه لو ايرانية مصيبة وابن رضية حب يغير شوي ..

-چاا ماتغيرون انتم يحضي باقين ع الچلحات الملحات. .

محمد:- ااه شني هاي حجية توج ماراضية على بتج ،، لو بنات العالم حلال ..

- دهر صابكم ماينكدرلكم خايبين اختكم راح تموت بقهرها ..

مازن:- وهسه شسوت

- شايفة صور مادري شني ومتعاركه ويا وطاردته من البيت ..

محمد:- استغفرالله هاي المرة ولا تجوز ..

- اليوم انا وياج وسعد وناجي نروحلهاا ونخابر رجلها ونحلهاا والله كريم

دايمة بويه ،، چاي بعد ابوچن ..

مفاز:- تدلل بابا ،، گمت غسلت وحطيت الچاي ع النار واكفه افكر ،، شكد قست ع الوادم وشكد اذت ناس وقهرتها وشكد ترفعت والله مهلها تالي كلها اوكفي وصدمتها صدمة عمرها
وهيه الخيانةة ،، اصعب شي الخيانةة وذوقها لختام الي استحي اكول عليها عمتي دامها طعنت بشرفي وحجت علي حجي لا اني يمه ولا بكرباة

دخلن البنات شايلات المواعين وخلنهن على السنگ وبدينه نغسل ونضف كمل الچاي وصبيتلهم وديته وبده الموضوع يتداول بينه

دعاء:- اخخ الله ع الظالمم يا ما اذتنه واذت وادم بحجيها السم وسواياتها البشعة

اول المتشمتين بيهاا وعلي ..

مفاز:- بس بنات شلون ماحست ومشالله تلكفها وهيه طايرة ..

دلال:- بعد ربج من يريد يسلط على ابن ادم ويريد يصدمه لو مو شاطر ويلكفها تجي بالكصة

كملنه كلشي ورحنه اخذنه قيلولة الضهر

كعدت لكيت امي تحمي الچاي سألتها
يمه شو البيت سنطة ؟؟