صراع امرأه (مفاز اليقين)

البارت الـ10..

بعد ماشيل واحد فوك الجتاف
لان شفت اليوافي بسرعه ينعاف
ياكلبي احترم نفسك لا تطخ راس
خوفك من بشر ماشايف وشاف
(لشاعرها)
.
.
دخلو الولد وضل يركصون وياهم كلش حلوه اجوائهم

عائلة متكاملة وتجنن ومبيها شي قابل للغلط مو مثل العندي

چنت صافنه عليهم وعلى حبهم البعض وفزيت على ايد جرتني ..

بثينة:- شبيج صافنة كومي كلها جاي تركص

مفاز:- لا حبابه الله يخليج والله استحي ..

_ دتعاي وهسه المستحه تروح جرتني وضليت اركص وياها على كيف لان من صدك استحي  وبعدين رجعت كعدت

گمت صعدت اشوف دعيوه وين راحت بس للاسف ملكيتها ضليت واكفه على الدرج اباوع للبنات بلكت اشوفها تلفوني عدها وارد اخذه

صاح عليه عم ابوي بأعتبار جدي

فاضل:- بنيتي الله يرضى عليج ناوشيني صناديق الببسي ..

-تدلل جدو ،، رحت اجيبله وضليت انطي وياخذه

- عباس وينك ؟؟

غيث:- ها عمي راح يودي الماي أمرني ..

_ ساعد البت الصناديق هواي وهيه ماتكدر شيفكنه من مازن ..

مفاز:- هههه لا جدو شسالفه ماكو تعب انشالله ..

غيث:- لا تخاف عليها ينشد الضهر بيها ..

- صعد وياي ضليت اني انطي وهو ينطي للولد يودون جانن هواي حسب ماسمعت اعراسهم ضخمه ومن صدك ضخمه وناسها هواي ..

نزلنه سويه هوه طلع واني رحت يم البنات عفتهن يطبخن وعجبني اروح للبستان شكد حلوو شكله ..

لبست عبايه ورحت افتر بالبستان وجان اكو نسوان يحشن بالزرع لافات العبايه على خصرهن ومبين علامات التعب والكبر على وجهوهن بس نشطات صلوات..

اخذتني رجلية يم جرف عدهم أو مثل البحيره ويجري بيها ماي كعدت يمها ومكيفه ع الماي والهوه يجنن

فزيت على صوت غاضب بس هالصوت اعرفه واول سؤال اجاني منه

شتسوين هنااا؟؟؟

وكفت بتوتر واني منزله راسي وافرك بأصابعي

ا ا جيت اشم هوه

غيث:- وليش الهوه موجود بس بالبستان ..

_  لان المكان حلو كلت اشوفه اخر مره ..

_ رفع حاجبه بتساؤل ليش اخر مره؟

_ مو وره العرس نروح الصبح ..

_ وشعدكم راجعين بس لا مليتو منه ..

_ لا والله اصلا مكانكم وطيبة قلبكم كلكم تخبلون ماتنمل كعدتكم بس شنسوي بعد بابا هيج گال ..