صراع امرأه (مفاز اليقين)

بارت الـ13..

الناس عاميها الحقد
تنصحهم اترد نادم
هو الله دز شچم نبي
وما فاد ويا الوادم💔
َ
.
.
.

-بعد مرور اشهر -

-يله بنات ورانه طريق گومن ،، لا ابوي يضل يصيح علينه ..

دعاء:- استغفرالله ربي مكعدينه الفجر هايهيه الكوت تررا ..

- ماتشوفينها بعد فرعين ،، بالله ماتنجبين وتكومين ..

كملت لبس ورحت اسويلهم ريوك اليوم سفرتنه لبيت خوالي والله مشتاقتلهم صارلي شكد مارايحتلهم الحمدلله نجحت بنصف السنه وكلت لابوي هديتي اروح لخوالي

خوالي يصيرون بواسط (الكوت) وابوي يضوج من التأخير وبعيده فنطلعلهم من وكت ،، والحمدلله تعلمت اكعد من وكت من وره الدوام ،، كملت الريوك واني فرحانه شوي راح اطلع من هالبيت هذا ،، بيبي صارلها اسبوع بيت عمتي ختام مادري شصاير ومحد يحجي  اخذت صينية الريوك للصالة وكعدنه نتريك

مازن:- شوفو بويه مصرفكم يم امكم ودربالكم على امكم ولا تعبونها دعاء لسانج وانتي دلال مو تطفرين بدون علم امج وانتي مفاز دربالج على خواتج حمودي ويوسف تكعدون يم امكم وتسكتون ترى تحركم عليكم الطلعه ..

الكل:- انشالله ..

دعاء:- اكلك بابا ..

-كولي ..

-شبي لساني ..

دلال:-جنه لسان دلاله بعد شبي لسانج ..

-كالتها اختج بعد ماحاجه اكول ..

دعاء :- بنبرة ثقة ،، اصلا احسن بهذا الوكت ماينراد الفقير ..

دلال:-تصفيق ..

-بالله انتي منو اليكدرلج تسكتين زلم عمي ..

- غيرر بتت ماززن اناا وهاي بوسه الاحلى بابا بالدنيه ..

مفاز:-نازله عليج الحنيه اليوم

-لا انا حنينه بس ضامه حنيتي لهيج مواقف ..

الكل:هههههه ..

ابو مفاز:-ربي يخليكم بويه ويحفظكم ،،هم يله خفو ايدكم حمودي جيب الغراض ويوسف امشي افتحلي باب الكراج ..

مفاز:- لمينه كلشي ورتبنه كلشي حتى نرجع البيت نضيف ،، طلعنه وسلمنه على عمي محمد وكله ابوي اليوم بليل ارجع ما ابقى

انطلقنه لبيت خوالي والفرحه ماليه قلوبنه ،، بنفس الوكت تمنيت هاي الروحه لعمام ابوي حتى اشوفه واكحل عيني بشوفته  لكن بس الصدف والمناسبات تجمعنه

لزمنه طريق السريع (الدولي) وبدت البيوت تتلاشه وتصبح صحراء قاحله سرحت بأفكاري ورجعت قرن مثل مايكولون

كاعده على المرجوحه انا وبثينه والجهال يلعبون كدامنه ودعاء تلعب وياهم جنها طفلة جان الكل ملتهي بثينه لازمه تلفونها وتخابر خطيبها الي هوه ابن عمها خطبو قبل شهرين بس ماحضرنه خطبتها واني اتمرجح وصافنه ارد الكه جواب لأسئلتي