صراع امرأه (مفاز اليقين)

البارت الـ11..

إنتَ حَسراتي ،
وعِتابي ،
وضيم گلبي ،
وكَسرة الروح الحَزينة !🖤

.
.
.
دخلت علينه دعاء تصيح

دعاء:- يمهههههه يمههههههه لحكيييي

ام مفاز:-يا ستارر ياربيي خايبهه شبيجج

- وجج يمهه ابوووي لحكيي

مفاز:- احجي شبي ابوي ..

- تحجي بكلام متقطع من سرعة الخوف والرهبه والركض

يمه ابوي مجنز امير تجنز مباقي عظم صاحي بي وبس يرعد عليهم ويكلهم مالكم غرض بيني وبينه

- لطمت على رجليها بخوف وصاحت .. صخام الصخمج يحنان خاف عايزج صخام تصخمتي ،، ناوشنيي العبايهه بسرعة ولجننن

- ركضت واني قلبي يرجفف من الخوف على ابوي انطيتها العبايه وراحت تركض بعز الضهريه والجو برد وبي زخات مطر

تحولت عيوني بأتجاه دعاء وكلتلها بخوف

..منو كلج؟؟

- خايبه ليالي اتصلت علي وكالت لحكيي خالوو مازن هاد علينه ..

..سترك ربي سترك ،، كعدنه ننتضر بخوف وقلق وجان يدخلون امي وابوي

جان ابوي وجهه احمر وملابسه مخربطه وايده بيها دم وعيونه حمر شكله يوحي على كتلة نار احتلت بيتنه

وجه الكلام الي بغيض

شنو بينج وبين امير؟

- رجفت بخوف من سؤاله معناها السالفه تخصني ..

نتر بيه بعلو صوته

احجييييي ..

- من خوفي ضلت الكلمات ماتندمج وشفايفي يرجفن ،، بلكوه طلعت مني كلمة والله بابا مابينه شي ..

- ولج سمعيني احجي ولا تضمين شي ترى والله اذبحج ..

- ضلت تتسارع الكلمات مع سرعة رجفتي ،، والله العظيم بابا جان هوه يذبلي حجي ودوم اصده ويرجع اسأل خواتي ..

- يعني مابينكم علاقة ..

- فتحت عيني متفاجئه من كلام بابا معقولة وصلت بي يشوه سمعتي لان رفضتة والمشكلة يتهمني بأشياء اني ماعرف عنها

لا والله باباا كلشي مابينهه جذاببين ..

- ولي عن وجهيي يلههن ماوراكم إلى المصايب

- ركضت لغرفتي ودموعي سبقوني بنزولهم ورجفتي مستمره والله حرام عليهم يتبلوني گوه

دعاء:- يرحون فدوه لدموعج يولون وابوي يعرف تربيتة شنو بس هسه لان معصب انتي ضلي هنا لا تطلعين لحد ماتهدى الامور

مفاز:- لليل كاعده بغرفتي ودمعتي مانشفت دخلنه علينه البنات وبيدهن صينية الاكل وكلتلهن ما اشتهي خلني براحتي