صراع امرأه (مفاز اليقين)

البارت الـ4..

#مفاز_اليقين_البارت_4

#بقلم_انوار_الجبوري
.
.
.
.

في الحلقه السابقه

ام مفاز:- مفاز صيحي اختج دعاء خل تجي تكنس الغرفه والله تعبانه..

مفاز:-هسه يمه؛؛دعاء دعاء امي تكول خلي تجي تكنس الغرفه..

دعاء:-والله جذابه كالت الج واجيتي عليه

_لا والله روحي سأليها

_ماكوم شني ولا كوم

_شمالج خايبه بس كليلي شكبرج تصيرين بعد

ام مفاز:- يمه كافي أنا اكنس الغرفه بس سكتن

_لا يمه انا عوفي خلي تولي دعاء هسه انضفها،،كمت طلعت الفراشات وكنستها ومسحت الكاع وعطرتها صارت تخبل ورجعت ادرس

وين يله كملت دراسه ومن التعب حطيت راسي ونمت لا عشه ولا شي نمت جوعانه ..

حسيت بأيدها الدافيه الحنينه على خدي باستني بكل خفه ورقه حتى لا افز من نومتي غطتني وغلقت الاضويه وراحت  ..

كملت نومتي لحد ماكعدت على احد يدور واصوات عاليه ،،كعدت منزجعه من هالشي عاينت الساعه 6 الصبح

هاا دعاء خو ماكو شي..

دعاء:- خايبه انا ضامه فلوس هناا مجمعتهن الي ارد اشتريلي حذاء عاجبني ومالكيت الفلوس راح اتخبلل

كومي يالمگموعه كوميي

_نضرتلها بتساؤل واني بعدني كاعده بمكاني وبفراشي،،جاا وين راحن إذا انتي خالتهن بالهمكان وممغيره مكانهن

_خايبه عوفي  المحقق كونن البراسج وكومي خلدور بلكت هنا..

_تعاي عمي تعاي فلكك فلكج مو لسان رشاشه

_ضلت دور وضلت دور وما لگت شي هنوب حجت بنبرة تأكيد

_هاي بس لا منار..

_بت عمي ماجد؟؟

_لا بت بيت ابو سامي  ..

_لا شمالج حرام عليج تتهمين  ..

_اريددد فلوووسي شنيههه مجمعتهن 25 الف  ..

_والله مادري يختي رجعي دوري ..

دورت وياها ،،تالي رحت غسلت وجهي هم يله بـ7 وراي دوام ومدرستي شويه بعيده جانت الابتدائيه اقرب

بدلت وجيكت كتبي وراجعت امتحاني الفيزيه جانت اصعب شي عندي

كعدت اخواني بدلو وتريكو اما عن نفسي ماتريكت ودعتنه امي بصوتها الحنون الدافئ وهيه توصي

دربالكم يمهه بالطريق
دربالكم على امتحاناتكم وحلو زين
اكلو يمه مو تضلون جوعانين
يمه مو تاخذون شي من احد هاا دربالكم يبعد هلي وناسي