صراع امرأه (مفاز اليقين)

البارت الـ15..

السلام عليكم حبايب اعتذر عن التأخير ..

.
.
.
توقف الدنية والاصوات والهوسة كلها يم صوت غيث

غيث:- كافيييي ،، مفاز دخلت بعصمتي ومحد إلى شغل بيها غيري من اليوم مفاز بأسمي

- ولكك شني قصدك ..

- هسه نروح اعقد على مفاز ..

توقف كلشي بكلمتة يعني حلمي مستقبلي المخططتله كله نهدم معقوولة اني هيج يصير بيه وليش بسبب تهمه اني لا بيها ولا عليهاا علت الاصوات والكل ضل يلوم غيث على قراره ..

مازن:- ولك جيبهاا اذبحهاا انتَ شلك غرض بوحده وصخه شو دوخر ..

- عمي ارجوك احترم قراري واليرفض واليوافق عندي واحد بيش الساعة هسه ..

ختام:- بالـ2 ونص ..

- جاا خوش باجر من الصبح نروح نعقد وهايهيه

دار على امير الي جان واكف وصافن بقلق وماجان متوقع هيجي يصير والدم يسيل من خشمه وحلكه ..

- شووووف لككك قسماً عضماً اذا شفتك ولمحتك يوم بشارع لو جاي لبيت عمي ماتلومم نفسك والحسن وهاي أنا نبهتك ارجعك لامك وذر لحم وبكيفك بعد

يالدثو بدال ما كاعد ويا امك وخوالك يعلفون عليك روح اشتغل حاجي ابوك بلكت الله يهيدي مو كاعد حالك حال النسوان بس يا حايف على تربيتك السگط ..

ختام:- على كيفكك عيني اكلت ابني وشربته شعلي هوه هاي العااار متحارشة بأبني ..

- وحتى لو ابنج يوعيها ويكلها عيب هالحجي وهاي السوالف ويرجع من وين ما اجه لو يطلع من البيت بس تربيتج السگط ماعلمته هيج ..

- ولكك غووويث تحجيي على ابنيي ..

محمد:- صووووووتججج دخلننن جووه يلههه ..

مفاز:- طلع امير وهنه دخلن جوه وعيون عمامي وابوي تتجادح وتتطاير شرر أما أنا واكفه ورة غيث المتحاميه بي ومايخلي احد يوصلني ،،دخلو جوه وبقينه بس اني ويااه ...

نضراته الي جانتت نضرات حقارة وعطف بنفس الوقت زرف قلبي والله ،، چنت اتمنى مو هيجي يصير ابد مو هيج

بس صدك لو كالو المكتوب ع الجبين تشوفه العين ..

وهذا الي جان مكتوبلي وارجع اكرر الماشايف راحه عمره مايرتاح اي والله عمره مايرتاح

غيث:- ليش هيج سويتي احسلج دمرتي روحج واهلج ..

- غيث الله يخليك افهمني والله العظيم چنت بغرفتي سمعت صوت برى وطلعت خفت لا جني أو شي بيتنه
ضلت اصوات تتكاثر واشياء تخطف خفت بالزايد

ماحسيت الى ايد نمدت على حلكي وشالني لهنا ونصدمت بأمير والله العظيم شكد توسلت بي وحلفته وهو ولا چنه والقرأن ماماجذبة بشي صدكني ..