လိုသုံး (Season-1) [Completed]

Episode 5 (Unicode)

"ဟယ်လို..မင်း ဘယ်နားမှာလဲ.."

Happy world အရှေ့သို့ ကျွန်တော် ရောက်နှင့် နေပြီး မင်းထင်ကို မတွေ့သည့်အတွက် သူ့ကို ဖုန်း ဆက်ကြည့်လိုက်သည်..။

"မင်းရောက်နေပြီလား.."

"အေး..အပေါက်ဝ ရောက်နေပြီ.."

"အိုခေ..ခနစောင့် ငါလာထွက်ကြိုမယ်.."

"ပြီးရော.."

မင်းထင်က ချက်ချင်းပဲ ဖုန်းချသွားသဖြင့် ကျွန်တော် ဖုန်းကို ဘောင်းဘီအိတ်ကပ်ထဲ ပြန်ထည့်ကာ အဝင် ပေါက်ကို ကျောခိုင်းထားလျက် အဝေးတစ်နေရာကို ခပ်ဆွေးဆွေး ငေးကြည့်နေမိသည်..။ ခနကြာတော့-

"မှူး.."

ကျောခိုင်းထားသည့် အပေါက်ဝဘက်မှ မင်းထင်လှမ်း ခေါ်သံကြားလိုက်သဖြင့် ကျွန်တော် လှည့်ကြည့်လိုက် သည်..။ 

မင်းထင်က ကျွန်တော့်ကို လက်ဝေ့ယမ်းပြကာ ပြုံးပြ သည်..။ကျွန်တော်လည်း သူ့ဆီ လျှောက်သွားလိုက်ပြီး ကစားကွင်းအပေါက်ဝမှ အထဲသို့ ဝင်လာခဲ့သည်..။ ထို့နောက် ကျွန်တော်က ဦးဆောင်ကာ သွားမည်ဆို တော့ မင်းထင်က ကျွန်တော့်ကို လှမ်းတားကာ-

"မှူး ခနနေဦး.."ဟု ပြောပြီး အပေါက်ဝမျက်စောင်းထိုး ရှိ စားသောက်ဆိုင်တစ်ခုဆီသို့ ဦးတည်၍ လျှောက်သွား လေသည်..။

"မင်း ဗိုက်ဆာနေပြီမို့လို့လား.."

ကျွန်တော်လည်း သူ့ကိုမှီအောင် လိုက်လာရင်း မေး တော့ သူက ရှေ့ကိုလျှောက်နေရင်းမှ ခေါင်းခါပြလေ သည်။

ဗိုက်လည်းမဆာဘဲနဲ့ စားသောက်ဆိုင်ထဲ ဘာလာလုပ် တာလဲ..။

ကျွန်တော်လည်း အူကြောင်ကြောင်နှင့် စားသောက်ဆိုင် ထဲသို့ဝင်လာခဲ့လိုက်တော့-

"ကဲ ရှင်း..ကိုယ်တို့ သွားကြမယ်.."

ရှင်း....

သူ့အနောက်က လိုက်လာသဖြင့် ကျွန်တော် အရှေ့ကို မမြင်မိလိုက်သဖြင့် အရှေ့မှာ ဘာရှိတယ်ဆိုတာကို လည်း ကျွန်တော် မသိလိုက်ချေ..။

ဒါပေမဲ့..အခုတော့ သိလိုက်ပါပြီ..။ သိလိုက်သည်နှင့် ချက်ချင်းမှာပဲ စိတ်ထဲက ခနနေ ဖြစ်လာတော့မယ့် ပျော်ရွှင်မှုစိတ်ကူးတွေအားလုံး ရုတ်ချည်း ပျောက်ကွယ် သွားသည်..။