رواية احببتك رغم الصعاب

الفصل الخامس

الفصل الخامس

بقلمي ندى .م. صفوت 

وصلنا ف البارت اللي فات لما فاطمه قالت ل ابراهيم : تاني يا براهيم خطط تاني تدمير ف حياه بنتي تاني
انا المره دي مش هسمحلك تدمر حياتها 
بنتي حياتها دلوقتي مستقره الحمد الله بعد الصدمه الشديده اللي اخدتها بسببك و بحظرك يا ابراهيم انك تعمل حاجه ف ندين
مشيت فاطمه و سابت ابراهيم ف المكتب
و طلعت هي الاوضه و كلمت بنتها علشان تطمن عليها
فاطمه : الو ندين اذيك يا حبيبتي
ندين : ماما اذيك وحشتيني
فاطمه و هي بتعيط : عامله ايه يا حبيبتي
ندين : الحمد الله مالك يا ماما بتعيطي ليه
فاطمه : مفيش يا حبيبتي انتي وحشتيني اوي بقالي سنتين مشفتكيش كله مكالمات انا ذنبي ايه ليه تحرميني منك
ندين : خلاص يا ماما تعالى
فاطمه و بتمسح دموعها : ايه بجد هاجي اشوفك ينفع اجيلك بجد
ندين : ايوة يا ماما  ايه رايك تقعدي معايا الاسبوع ده 
فاطمه بفرحه شديده : طيب حاضر هاجي
ندين : بس عندي طلب يا ماما من فضلك
فاطمه : انت تأمري
ندين : تيجي لوحدك و محدش يعرف العنوان غيرك
فاطمه : حاضر يا بنتي
قفلت فاطمه مع ندين و كان جواها فرحه شديده
قامت جهزت شنطتها و راحت ل ابراهيم و قالتله انها هتغير جو اسبوع لوحدها و مقلتش علي المكان و هو سابها

تاني يوم
راحت فاطمه لندين البيت بعد ما ندين بعتتلها ال location
دخلت فاطمه البيت : بسم الله ما شاء الله ندين بيتك جميل
ندين : شكرا يا ماما
و هنا خرجت جنى و متعرفش ان فاطمه جت
جنى : مش الدكتور قالك متمشيش من غير ده ...
و قبل ما تكمل لقت فاطمه ف وشها
جنى : انطي فاطمه انتي جيتي امتى
فاطمه : ايه يا ندين العكاز ده مالك
جنى : اسكتى يا انطى بنتك وقعت ف حته واد انما ايه ....
ندين : جنى shutup
( بمعنى اخرسي خالص )
فاطمه بخبث : هو ايه الموضوع بالظبط
ندين راحت قعدت لانها تعبت من الواقفه
و اخدت نفس طويل : مفيش بعدي الشارع خبطتني عربيه
بس جت سليمه
قعدت فاطمه و بخبث بردو : و ايه حكاية الواد اللي وقعتي فيه ده ايه
ندين : اسألي المفتية اللي قالتلك
جنى : ده اللي انقذها لما شافها مرميه علي الارض بعد اللي خبطها ما جري
فاطمه : ممممم
ندين شالغه علي اللاب توب و متابعه فاطمه و جنى من بعيد
   

عده ٩ ايام و حياه ابطالنا  زي ما هي مفيش جديد زياد كان بيطلب ندين كل يوم يطمن عليها و جنى و فاطمه روحوا و المفروض ندين تروح الشغل تاني يوم
ندين رجعت تقعد لوخدها تاني و ده كان مزعلها بس ف نفس الوقت لا ينفع مامتها  تقعد عندها علي طول و لا هي ينفع ترجع قصر النشار تاني
و في وسط انشغال ندين بتجهيز اوراق الشغل
الموبيل رن
و كان زياد
ندين : الو يا زياد اخبارك ايه
زياد : الحمد الله انا كله تمام انتي ايه الاخبار
ندين : كله تمام الاجازه خلصت و انا راجعه الشغل بكره
زياد : اه منا عارف طب بقلك ايه
ندين : ها
زياد : من غير  بس ما تفهميني غلط ممكن نتغدى سوا بكره
_

ندين : ايه المناسبه
زياد : ممكن اجوبك علي السؤال ده بكرة
ندين مش عايزة ترجع لنفس الروتين بتعها
و نفس الوقت شايفه ان زياد انسان كويس
ف مش هيحصل حاجه لو اتغدت معاه او حتى بقوا اصدقاء
زياد : الو ...ندين ... انتي معايا
ندين : ايوة يا زياد معاك ماشي موافقه ايه رأيك ف المطعم اللي حصلت قدامه الحادثه
زياد بضحك : يا للهوي انتي لسه فاكره
ندين بتضحك : بكرة ان شاء الله الساعه 12:30pm الظهر
زياد : اوكى تمام تصبحي علي خير
ندين : انت من اهله
تعالوا بقا اقولكم علي حاجه ..............
ندين بنت منظمه جدا و حياتها كلها مفهاش غير الشغل و البيت مش بتخرج كتير و مش بتتكلم مع حد و هاديه زياده عن اللزوم
اما زياد ف ده المصيبه الكبيره ( يا ما الواحد نفسه ف شخص من النوع ده احم احم بطلوا بقا عيب كده 😂😂)
المهم زياد القمر ده حياته كلها ضحك و هزار بجانب الشغل هو شاطر اوي ف الشغل لكن بره الشركه بيتحول زياد من الشخصيه الجد شخصيه المهندس المعماري  للواد الfunney اللي كل بنات الشله بتتهبل عليه الواد المخلص الرومانسي الكوميدي
( بصوا حاجه كده مش موجوده في الدنيا اصلا يا جدعان و الله كفايا ضحكته تجيبنا الارض
الله ما قلنا عيب بقا هتقعدوا تعكسوا ف الواد 😂😂)
المهم ان احنا اكيد مستنتجين ان في فرق شاسع و تناقد واضح بين الاتنين
بس عارفين ندين محتاجه واحد زي زياد ف حياتها و زياد محتاج واحده زي ندين ف حياته
عارفين ليه ؟؟! !!
علشان زياد محتاج واحده هاديه كده و منظمه تليق بأنها زوجه رجل اعمال و تكون high calss و ندين محتاجه واحد زي زياد فرفوش يطلعها من الموود الوحش اللي فيه و الروتين الخنيق شخص يدلعها و يخرجها و يخليها تعيش سنها تعيش عمرها اللي معشتوش كل واحد محتاج التاني يعني في النعايه الاتنين بيكملوا بعض

تمام احنا كده فهمنا نرجع بقا للاحداث
تاني يو الصبح ندين صحيت
بس ايه ده محلمتش نفس الحلم المزعج بتاعها
مقمتش مفزوعه
الله غريبه ... خلاص ندين قررت متسألش كتير قامت دخلت اخدت شاور فطرت و نزلت راحت شغلها .....
ندين دخلت الشركه و كالعاده توزع السلامات علي زمايلها
وصلت ندين المكتب قعدت و لكن سرحت

فلاش باك                                       
ماجد : ها و انتي بقا يا ستى هتعملي ايه كمان سنه  لما تتخرجي ..
ندين : نفسي اكون مصممه ازياء يا ماجد
ماجد : الله حلو و الله حتى انتي رسمك حلو و سهل للتفصيل ان شاء الله هتفتحي شركه صغيره كده ...
ندين : ايوة بقا ندين النشار صاحبه اكبر ماركه لبس ف مصر و زوجها ماجد بيه محمود صاحب اكبر و اجمل معرض تحف فنيه في مصر ههههه يا رب يا ماجد يا رب

فاقت ندين من سرحانها علي صوت وليد و كانت بتدمع
وليد : صباح الخير 
ندين : صباح النور يا فندم
وليد : ندين انتي كويسه  ليه بتعيطي
______________€€___

خلص البارت مستنيه دعمكم و كومنتاتكم و لو عجبتكم اعملوا فوت و شكرا ❤❤❤